جزاااااك الله خير

متابع وننتضر جديدك

السلام عليكم

نواصل المعرض في اخر ساعة من يوم 25-4-2012 طبعاً كان الغرض من ذهابي الى المعرض اتعرف على الديرة والموقع قالكم بكره باعرف الطريق لحالي الحقيقة ما ادري من دخلت ولا من اين خرجت المعرض لحاله مدينة المهم وكذلك صاحبي المصري مدير فرع كوانزو موجود في المعرض واتفقنا نلتقي في المعرض المهم جلسنا نشرب شاي في مقهى ( علي بابا ) اكيد تعرفون هل الاسم


الممر الي يتفرع منه المعرض



لقافة دخلت صالة لادوات المطابخ



وهذي صورة جانبية



واتصل بي صاحبي المصري وتقابلنا وجلسنا نتحدث وناخذ العلوم لان الوقت قرب ينتهي وبعد ذلك مشينا الى المتروا وكانت اول مره في حياتي اركب متروا والحقيقة اني حبيته من كل اعماق قلبي
ياليت يكون عندنا متروا

بوابات الدخول - تتوقعون لو عندنا بتمشي الامور





تنظيم الدخول والخروج






مكيفات واعلانات تجارية ولا كانك في فندق - رغم الزحام - ولا روائح ولا شي - وكل واحد في حالة


احيان تطلع صاله فوق واحيان تنزل صاله تحت مثل الشبكات فوق بعض





والبقيه تتبع ان شاء الله

الله يعطيك الصحة والعافية وأتمنى أكون معاك حلمي أسافر الصين

ماشاء الله واصل

انت الاحقون ونحن السابقون ان شاء الله

طالع نهاية الشهر بحول الله وقوته

ما شاء الله عليك

وجعلك الله من الرابحون في الدنيا والاخره


متابع ,, للفائده

بسم الله الرحمن الرحيم

تكمل القصة ( قصة اليوم الاول ) انا عرفت ليش الصينيين ما يمتنون ولا يمرضون واعمارهم طويلة ( لانهم يمشون ) في كل مكان مشي او سياكل واحنا كروش وانواع الامراض الله يكفينا واياكم الشر

خرجنا من المتروا ولفت انتباهي شيء عجيب الخط الاخضر (((( للعمي )))) وفي بلدي مالهم كرت هذا ماهو بس في المترو ولكن في كل رصيف وفي كل مكان في الصين





بالمئات ولا زحمة ولا شي



كان الجو مطر


العالم مستعدين للمطر في اي لحضة ما تدري الا الشمسيات طالعة وعندهم تصريف امطار وسيول صصصصصصصصصصصصصح


فندقي اللي سكنت فية اللي يبي يسكن فيه يطبع الصورة ويعطيها سواق التكسي - ايام المعرض 380 ريممبي وغير المعرض 190 ريممبي




اتحدى احد يعرب هل جملة



باصات كهربائية وحنا خط البلدة ويالله مع العلم انا دولة بترولية نمبر 1



لبس خاص للاطفال عشان المطر ولاحضو الخط الخاص بالعمي ( مكفوفي البصر )


اوقات الصلاة عندهم صورتها من جوال صاحبي النت عندهم من اكبر العوائق في الصين دوله بنت دوله شيوعية كبت للحريات ممنوع الستلايت الدشوش كل شيء بالكيبل ( بالسلك ) والقنوات محدودة اللي تحددها الحكومة فقط اليوتيوب ممنوع والفيس بك ممنوع والتويتر ممنوع يعني تعيش زي ما تبي الحكومة


هذا المشروب لقيته في الثلاجة وشكيت فيه تخبرون سعودي وطلع شاي اخضر


مويتهم دلع ابو ريالين


الغرفة في الدور السابع


القنوات لقيت قناة الجزيرة وقناة اقراء بالعربي والباقي كله صيني يوجعك راسك ( تقول يتضاربون في الكلام )


الله يكرمكم الحمام


كرت الفندق - هذا الحي ممتاز جداً للي تجارته ملابس اطفال كل الحي ملابس اطفال في كل مكان لدرجة مول كامل كله ملابس اطفال


طلعت اتمشى ولقيت محل يبيع هل فاكهه قلت اجرب - والحقيقة لن اعيد التجربة مرة ثانية ابد


شنط نساء في كل مكان


من يعرف كم تساوي 149 ريممبي



والبقيه تتبع ان شاء الله

الله يسعدك ويرزقك دنيا واخره
والله مستمتع معك جدا واتمنى ما تتأخر علينا في طرحك
الصين عالم ثاني واللي فيه حماس تجاري ولا متردد يبدا يروح للصين ويشوف
مافي شي اسمه افكر في مشروعي
احس ما عندهم دراسات جدوى زينا
يجي المشروع في باله سرا في ليله ظلمى وسوا مشروعه واليوم الثاني تلاقيه

انا لدي بعض الاسئله ولكن انتظر باقي يومياتك يا غالي
انشا الله اني الاقيها بين طيات جولتك الصينيه

كتب الله لك الاجر والله يعطيك الخير ويوفقك ويرزقك

من أفضل المواضيع هنا
الله يعطيك العافيه أخوي
ومتاابع معاااك

تستاهل التقييم

الله يخليكم رفعتوا من معنوياتي

طبعاً سؤال يسدح نفسة (((( وش تاكل في الصين )))) مع كثرة المشي لازم اكل من حسن حضي دلني صديقي المصري على مطعم بيتزا لواحد لبناني - حلال - وبجنبة بقالة - فيها كل اغراض المسلمين - حتى الخمور اسلامية ههههه للاسف لها زباينها من بني جلدتنا
هذي بيتزا ولا احلى شغل صيني على كيفك



ما احد يصدق ان هذي الصورة في الصين ههههه الساعة 2 في الليل ما جاني نوم للمعلومية ما شغلت المكيف جو عليل



في الصباح دبت الحياة من جديد للشوارع


والساعة 9 على المترو هذي المره مع صاحبي المصري عشان ما ادفع 300 على الصيني والمترو يا بلاش ب 12 ريممبي الى المعرض لشخصين




هذا المعرض العملاق بتمشي لين تطلع عيونك





واقسم بالله اني افكر فيكم وانا في الصين وقلت في نفسي لازم اعمل تقرير ينفع الشباب المتحمس الحاير (( البقرة الحلوب )) وسامحوني على اللفضة ولو كانت قاسية .

احنا نؤجر محلاتنا على الاجانب وهم يعطوننا (( طفسة )) انا استورد من الصين وابيع على حلابين البقر (( الاجانب )) اللي يحلبونكم يا عجزة .

انا ضايق من اخواني جداً (((( بلدنا كلها خير رغم صعوبة الجو والارض )))) الطيارة اللي سافرت فيها ما ابالغ اذا نصفها اجانب والباقي صينيين وشوي عربان (( سعوديين )) وين الشباب للاسف في التحلية والمقاهي ولا مسخره وقلة حيا وادب وتعرض لاعراض المسلمين وقلة دين وقلة مرجلة ------------ الله يهدينا وياهم

(((((((((((((((((((((((((((( ولكن اذا صلح الرأس صلح الجسد )))))))))))))))))))))))))))


نرجع للمعرض

هذي الله يسلمكم جميع الاشياء اللي في المعرض ((( الصين جمعوه لكم في مكان واحد )))) كل اسبوع اشياء تعرض ومن كل شيء ما ابالغ اقل شي 300 مصنع .
مثال : العاب الاطفال لا يقل عن 4 صالات وكل صاله لا يقل عن 200 مصنع ((( لا حضوا انا قلت مصنع يعني اجلس مع ذيك الصينيية الحليوة ومعك المترجم ودعك انت وياها على الاسعار كل ما قالت سعر قولها (( تويتي )) يعني خفضي لين تقولك اقلب وجهك اذا قالت كذا معناتها جبت آخر سعر --- ويا بلاش والله بسعر التراب . وما فيه تزلف عشانك تاجر تبي تشتري ولا اقلب وجهك الامن مثل الرز في كل مكان وللمعلومية ما تشوفهم --- واحلى تنظيم ونظافه وتكييف ---- يا الله ياحليلنا ومعارضنا

الله يصلح الحال



الادوات المدرسية في قسم العاب الاطفال --- الجناح كله العاب اطفال -- ويعرض معاها الادوات المدرسية اللي فيها لعب وحركات اطفال






هذي الالعاب البراية او القلم الرصاص الي فوقة شخصية كرتونية بسعر

0.24 ريممبي
نحسب ونشوف كم سعرة

6.29/0.24*3.75= 0.14 هلله يا بلاش


براية بقرة حلوة ((( ام الخير )))


والبقية تتبع ان شاء الله