السلام عليكم
صباااااااااح الخير للجميع
..................
طرح احد الاصدقاء فكرة وحبيت اخذ رايكم ..؟؟
الفكرة عبارة عن مستودع لبيع المياه فقط ؟؟
الكل يعرف المحلات التى تبيع المواد الغذائية بالجملة ؟؟الفكرة نفسهااا ولكن فقط لبيع المياه وتكون حصري في نفس المدينة يعني .اتفق مع مصانع المياه على الاقل (10 مصانع؟)مثل (مصنع الجنوب للمياه/مصنع هنااا/مصنع الوادي للمياه/وهكذا ويكون انا المورد لهذا المدينة فقط ..وابدا انا ان شاء الله بالبيع والتوزيع للمحلات الصغيره والبقالات والمطاعم ؟؟
/}]/]ِ}،ِْــ|ْْ:ْ~،ٍٍْ}}؛ْ
بالبداية اعتقد المشروع لايكلف مبلغ عالي وكل مانحتاجه فقط.
1/محل كبير عبارة عن مستودع
2/غرفة تبريد كبيره
3/سيارة للتوزيع(ديناا)
3/4 عمال للتحميل والتوزيع والمحاسبه
.............................
لكن هنا المهم
كيف احصل على التوزيع الحصري للمياه في نفس المدينة؟؟؟
وهل التوزيع الحصري للمياه يختلف من مصنع الى اخر؟؟
وهل هناك شروط للمصانع للتوزيع الحصري ؟؟
.............................
اتمنى من كل شخص لديه فكرة عن هذا المشروع يسدحه هنااا

اتوقع انه على اسمه حصري
يعني ماتبيع الا مويتهم فقط
هذا لو كان فيه
ربما تكون وكيل لهم
وتحتاج ثلاجات كبار وهذي مكلفه

مايحتاج ثلاجة فقط مستودع ورأس مال ويكون لك طاقم دينات لأن دينة ماتسوي شي أقل شيء ثلاث موب لازم تكون جديدة دينةوحدة نظيفة للمشاوير البعيدة وثنتين وسط
وابحث قبل ماتبدأ عن المنافسين وبكم تبيع عليهم المصانع وبكم يبيعون للمحلات

اتمنى اثراء هذا الموضوع من المهتمين

مشروع يدخل ذهب لكن على حسب المدينة او المنطقة والى انت فيها وحسب عدد مصانع المياة
وحسب علمي اكثر المصانع الى ماسكينها اجانب ماراح يعطيك بالسعر الى يعطي فية الاجنبي لكن الي بيغامر فالمشروع انا مستعد اكون شريك معاة والرزق على الله

لو سمحت اذكر اسم المنطقة وان شالله افيدك

اخوي مشروع كويس بس انت كيف تعرف تفاصيل المشروع ونجاحة لازم تروح بنفسك للمصنع وتشوف الوظع

تعرف الموظوع وتحدد راس مال ويمكن يكون المصنع عندهم وكيل حصري لهم في مدينتك

وثانيا اخوي بخصوص الثلاجات مايحتاج ابدا ومخطي من يقول ظروري ؟ الموية ماتفسد وتخرب من الحرارة ومحلات كثير جدا الموية فيها خارج الثلاجات

انت عليك مستودع وا 3سيارات دينا و3عمال فقط والمحاسبة انت اشرف عليها بداية افظل


لدي خبرة بمشاريع المواد الغذائية لوتحب نتشارك ماعندي مانع (مشروعك وين بيكون

صراحة اهنيك مشروع ناجح جدا الموية سوقها استهلاكي يومي غير مواسم العمرة ورمظان والمساجد شغل فيها بس يبي لها معرفة وخبرة في طريقة التسويق والبيع