السلام عليكم ورحمه الله وبركاته
ياجماعه الخير شهادتي ماتاكل عيش<<قصدي أملي بالوظيفه ضعيف جدا كل مااقدم علئ وظيفه يقولون مابتكفي ولابتوفي
بكالريوس دراسات ولا من طيب الحظ جيد<<
وخريجات الدراسات كثيررررر الكثيرات
ودي ادعمها بتريله<<<دورات تظبط اموري

قلت لكم قصه طردي ورا الوظايف
المهم وش احسن الدورات الي ترقع لشهادتي
وافضل المعاهد بشرق الرياض

ادخلي دورات بصيف في المدارس دورات صيفيه منها تضيعي وقتك في شي نفيد وتستفيدين



وعندك دورة كامبردج للتقنية المعلومات




كلها حلووووه بس ما اعرف ايش هي المعاهد الي بشرق الرياض ..!

يعطيك العافيه اخوي

حاسب ستة شهور + انقليزي ,,,

تسلم اخوي يعطيك العافيه

خذي لك دبلوم سنه سكرتاريه " تطبيقات حاسب "
مطلووبه كثييير وفيه معهد اليرموك شرق الرياض
هذا اللي اعرفه بس افضل المعاهد أكاديمية الفيصل
ولهم فروع كثيره بس م اعتقد ان في فرع بشرق الرياض

اهم شي خذي لي شهادة كامبرج متخصصة بأعمال الحاسب الآلي ومدتها تعادل 6 أشهر معتمدة بكل الجهات و بأكثر من دولة وتغنيك عن اي شهادة حاسب

و اذا ودك مثل ما تفضلت رهايف يا دبلوم سكرتارية مدة سنة

أو دورات منوعة بس حاولي تكون مدتها من 6 شهور وفوق لأن هي اللي يتم اعتمادها بالخدمة المدنية

الدورة والدبلوم واحد في التعيين مع الرغم ان الدبلوم المفترض يعتبر تعليم زائد بما انه بعد البكالوريوس

لكن اللي حاصل حاليا يعتبر كشهادة خبره وقت المفاضله فقط

لكن ممكن اذا جاك ترسيم و عندك تخصص دبلوم يعطيك بدل و من هالشغلات

ممكن يعينونك عليه مقابل ان يعطونك مرتبة دبلوم مو مرتبة بكالوريوس

بس ماني من سكان الرياض و الا كان افدتك بالمعاهد