انا يا اخوان قدمت اوراقي للرياض من شهرين ونصف ولم يتصل بي احد كلمت موظفه فلبينيه في مكتب توظيف مدينة الملك عبدالعزيز في الرياض من اسبوعين قالت اوراقي خالصه من القسم بعدين ارسلت ايميل الاسبوع الماضي وجاني رد من موظفه سعوديه انو لازم انتظر تخلص اوراقي وبعدين ممكن اعمل كشف طبي بس ماني عارف الموضوع يطول او لا خصوصا سمعت انو في ناس انتظرو الى 8 شهور الين حصلو وظيفه

* ملاحظه ما اختبرت انجليزي ولا عملت اي شي وماني عارف ليش مكن لان عندي ايلتس وانا مقدم على وظيفه طبيه بشهادة ماستر

قدمي ع الموقع يالمى بالأول من خلال بناء السيرة الذاتيه وانتظري اتصال منهم لتوجيهك ..

مشكوره اخت أسننجية على الرد السريع انا صراحه متلخبط لانو ماني عارف اذا لازم اعمل مقابله او لا لاني زي ما قريت كل الموظفين عملو مقابلات. كمان انو الموظفه السعوديه قالت لي لاتسوي اي شي بس انتظر لما نخليك تروح جده

عموما شكلي زي ما تفضلتي لازم اكلمهم الاسبوع الجاي واستفسر

اخت اسننجيه انا اختبرت في المدينه وكان في بنات معي سجلات طبيه وبكالوريوس حاسب وتخصصات مختلفه فاتوقع ما تفرق التخصص او المؤهل انتي اتصلي وشوفي يمكن عشان رمضان موقفين الامتحانات هنا او شي زي كذا
شوفي متى اقرب موعد امتحان بالمدينه اذا ناسبك والا روحي للرياض احسن لك من الانتظار

واخت لمى قدمي عن طريق الموقع وانتظري اتصالهم وربي ييسر لك

* قريت كثير انو اجراءتهم تطول فنطول بالنا حبتين ونصبر وربنا يجعل اخر صبرنا فرج يارب

بالتوفيق جميعاً

السلام عليكم
انا عبيت الطلب في موقعهم و اتصلت عليهم بعد اسبوعين على الرقم الموجود هنا في الموضوع
و الحقيقة اللي وضعوه جزاهم الله خير
اتصلت عليهم و طلبت مني الاخت مشاعل اكمال بعض البيانات على الهاتف و هي كملتها في السستم عندها و قالت لي انتظر اسبوع او اسبوع و نصف و يدقون علي .. و فعلا دقت علي بالموعد اللي قالته و كان جوالي مغلق و ارسلت لي رسالة على الجوال عشان ارجع اتصل عليها .. و بالفعل كلمت الاخت روان المسؤلة و حددت لي موعد المقابلة في المدينة و رحت للمقابلة اول امس .. و ربي لك الحمد .. وكنت معفاة من الاختبار عشان الايلتس و شهادات اللغة من امريكا ..


المقابلة
كانت خفيفة لطيفة و كنت اول وحدة .. ثلاث رجال مختبرين اساسيين .. وواحد يقيم اللغة الانجليزية بدون ما يتكلم و اثنين على جنب مدري ايش وظيفتهم و معي الاخت منسقة التدريب ..

طبعا اول شي عرفوني باللجنة بدون اسماء يعني احنا اللجنة من الرياض اللي راح تقيم المتقدمين و .... الخ
و كان امامهم كل شهاداتي و قعدوا يسألوني بالانجليزي عن خبراتي و دراستي و حالتي الاجتماعية و واحد منهم سأني عن احد الدورات و تعمق في اسئلتها كأنها درس تخصصي .. وبعدها سألوني هل افضل العمل مع اطباء او ادارة منفصلة او سكرتارية .. و هل اعمل شفتات او لأ ؟؟ وكانوا قمة في الذوق و الادب و الاحترام بصراحة جزاهم الله خير .. مشهود لهم بالادب و الذوق و اول ما بدأو بسم الله و الدعاء بالتوفيق للكل ..
غير كذا لكل من يقبل لازم يروح دورة للرياض شهرين بنات او شباب .. دورة اجبارية و فيها تعهد ..

و اغلقت المقابلة على خير الحمد لله ..
تمنياتي للجميع بالتوفيق و النجاح دوما و أبدا ..
اسأل الله ان يتقبل اعمالنا و ان يرزقنا من حيث لا نحتسب و ان يجعل رمضاننا هذا فاتحة خير و رزق و عافية و صحة للجميع .. و ان يجعله ختام تقصيرنا و ان يبدلنا بحياة كريمة خالية من الذنوب و ان نعود ممن غفر لهم و عتقوا من النار ..

دمتم بود و اجتماع على خير ..

زوجة الباسم
لا تنسوا ابنائي من الدعاء

[align=center]أختي زوجة الباسم




هل جميع التخصصات سوى الاداريه و الصحيه ملزومين بالدورة في الرياض قبل بداء الوظيفه الرسميه في المدينه المنوره

لأني بصراحه مرشح لوظيفه اداريه في المدينه " محاسب " و لكن لم يتم التواصل معي لاجراء إجراءات التوظيف

هل السبب يعود لعدم فتح المستشفى رسميا ؟ ام ان هنالك اسباب اخرى ؟


ارجوا الاجابه علي لو سمحوا الله يوفقكم و أنا طبعا اريد بعض النصائح لو سمحتوا الله يخليكم[/align]

انا ماعمرري جربت جو المقابلات الوظيفيه بليزز ياليت احد يوضح لنا الاسئلة كيف بالذات المقابله الاولى لان سمعت ان هي بالانقلش...

انا حابة استفسر انا جبت 72 ٪ في اختبار الانجليزي وعندب بكالوريس كيمياء حيوية هل هذة الدرجة كويسة او لا؟

^ بيور ايفل
درجتك كويسه وان شاء الله ربي يوفقك ويتصلو عليك
لان اللي معها مؤهل بكالوريوس مطلوب منها 65% كل ما زادت عن هالنسبه افضل بالترشيح

زوجة الباسم بالتوفيق يارب

خريج ماليه
قالوا ان المستشفى هنا ما حتفتح الا على ديسمبر تقريباً يمكن يفتحوا بس العيادات الخارجيه قبل هالتاريخ وحتى ذلك التاريخ اللي يقبل عندهم في وظيفه يخضع للتدريب اما بالرياض او جده >>> هذا الكلام قالوه لي في المقابله عشان يشوفوا اذا عندي مانع من التدريب او لا
بالتوفيق

اخصائيه اجتماعيه طمني بالك المقابله خفيفه لطيفه واللجنه متعاونين مافي شي يخوف
يقول لك عرفي بنفسك بالانقلش وباقي المقابله عربي لا تفكري بالاسئله كثير جاوبي اجابات واثقه هذا اهم شي ورتبي لك كلمتين تعريف بنفسك انقلش مره ما في شي يخوف استعيني بالله وتوكلي عليه والله ييسر لك وللجميع يارب