المشاركة الأصلية كتبت بواسطة صبورر

بسم الله الرحمن الرحيم

اخواني جميع اعضاء المنتدى الذي يحل جميع مشاكل البطالة والله يجعله في موازين حسناتكم

نبدا بالموضوع انا كداد على سيارتي الخاصه ومتفرغ للشغله هاذي والسبب اني في راحة نفسية واحس بتفائل شديد واشوف ان الدنيا فيها خير ليه ما ادري سبحانه الله وفيه فررق لما اكون موظف في اي شركة وسبحان الله ما ارتاح بالمره يجيني ضيق فالصدر ولا احس اني مرتاح وشغلي على مكتب وجالس بس ورب البيت والي خلقني نفسيا ما قدرت اتحمل الجلوس واحس بالملل لان الروتين هذا راح تشوفه يوميا وكل الوظايف اغلبها كذا وتشيل هم انك تتاخر وتنتظر اخر الشهر وتستلم الراتب وباسبوع يروح عليك ومن ناحيتي انا باقل من اسبوع لاني اسدد مخالفاتي قبل لايحطون ساهر واكثرها استخدام مركبة بدون وجود رخصة ولا عدم حمل رخصة من نقاط التفتيش الي كنا نشوفها في كل شارع وكل وقت ايام الملك فهد الله يرحمه وتراكمت علي وتبدلت لين وصلت 28000 الف ولا قدرت اطلع رخصة لين اسددها وسبحان الله ربي عطاني تفائل خير وتوفيق وصرت اكد على سيارتي وتحميل ركاب والحمد لله شفت الخير وسددت نص مخالفاتي لين صارت 15000 لكن تفأجات اني سيارتي ما صارت تتحمل يحتاج لها صيانه كامله وسيارتي كابرس 2004 ثمانية سلندر هلكني بالخربات وهلكني بصرف البنزين وكل شوي ترتفع الحراره لاني شريته مصدوم وصلحت الاشياء الاساسية لكن باقي يطلب والقطع الي ركبتها تجارية ولازم اصلية ومامعي قيمتها لين خبط وهو الحين بالورشة وقاعد انتظر الفرج لكن الوضع طول اربع شهور من غير سيارة ولا فلوس والعالم الي حولي كل ما ابي منهم فزعه يقولون لاتشكيلي واشكيلك والعالم تغيرت ماهم مثل اول كلن ونفسه وجلست افكر وافكر لين لقيت الحل وحسيت احساس من داخلي انه هو الحل وحسيت براحه نفسية الحل هو اني اطلع لي سيارة اجره مشروع الملك عبدالله من بنك التسليف وقريت الاجراءات وكلها اقدر اسويها الا حاجه وحده الرخصة العمومي لاني سألت ما تقدر تطلع وتجدد رخصة ولا استمارة ولا تطلع جواز ولاتجدد لازم مايكون عليك ولا مخالفة وانا علي 15000 ريال وتضايقت ولكن ما استسلمت ما بقيت احد الا وكلمته لكن للاسف محد مد يد العون وفكرت اني اطرح الموضوع لكم يا اعضاء المنتدى واحساسي يقول اني بحصل الحل من بعد الله سبحانه ثم منكم وما ابي اجلس ابي اترزق بتعبي ومجهودي

اخوكم صبوور تكفون اهتمو بأمري لادخل ولاسيارة والي يبي يكسب الاجر فيني هذا رقمي وانتظر الكفو والذيب الي يحلها لي وصدقوني راح تنفتح لكم ارزاق لو تيسرت معي وصرت اترزق من التكسي واي رزق يجيني لو ريال ما انسى الي فزع لي وراح ادعي له وانا ابكي ومن كل قلبي

0530127711