تجمع ...[[ لمن تم اسقاطهم من الضمان ومازال الخصم مستمر من برنامج حافز ]]

مميز الاحساء · #21 (**permalink**) 09-06-2012, 12:35 PM

اقتباس:

المشاركة الأصلية كتبت بواسطة العيون الزرقاء

السلام عليكم ورحمه الله وبركاته

أسال الله أن يمدكم بالصحه والعافية ويكفيكم شر برنامج حافز

كل يوم طالع بقرار جديد ... وطريقة جديدة وكلها تضييق على المستفيدين

والكل ما يخفى عليهم انهم يسعون لتخفيض الاعانه حتى للي مستمر معهم ويمشى حسب كلامهم لكن نقول الله يكفينا شرهم ويرزقنا من واسع فضله

على العموم كتبت هالموضوع أخص فئه معينه من المستفيدين من البرنامج

وهالفئه هم اللي تركو الضمان بفترات متفاوته وما زال الخصم مستمر عليهم من حافز

وسبق رديت قبل كذا على كذا موضوع من المتضررين منه

https://www.btalah.com/t422299.html

https://www.btalah.com/t419857.html

وفي هنا بعضهم نفس المشكلة

https://www.btalah.com/t421361.html

https://www.btalah.com/showpost.php?p...87&postcount=1

https://www.btalah.com/showpost.php?p...81&postcount=1

وشرحت لهم الوضع وحسب شروط حافز
الدخل هو ما تم صرفه من الدولة في أخر 12 شهر

واللي تركو الضمان صار لهم 6 أو 5 أو 7 أشهر تتفاوت المدة

وكلن حسب الاشهر الباقية من 12 يتم الخصم عليه حتى تنتهي المدة وهي اخر 12 شهر

وكان المفروض وعلى حسب ما وضحوه قبل وحسب المصداقيه اللي يدعونها

انه مع مرور الدفعات بكل مرة يقل الخصم

لكن اللي لاحظته وحسب ما ذكر لي من اللي رديت على موضوعاتهم

انه ما زال الخصم والمبلغ المخصوم ثابت وما تغير بالدفعه اللي بعدها يعني :

اللي تركت الضمان وباقي لها 6 أشهر من اخر 12 شهر خصمو لها الدفعه اللي قبل مبلغ 431

والمفروض الدفعه السابقه يقل لكن مازال المبلغ والخصم ثابت

وكأنهم بقية الشهور 6 راح يخصمون منها نفس المبلغ

وهذا فيه ظلم وعدم مصداقية

لذلك كتبت هالموضوع ابي الفئه اللي تركو الضمان ومازال الخصم ثابت وما تغير

يقدمون اعتراض لان هالشيء من حقهم واذا قالو لهم

لابد يمر اخر 12 شهر ....ما استلمت من الضمان شيء حتى تستلم المبلغ كامل

اتمنى انه يتم التوضيح بأننا عارفين هالفقرة لكن الشيء اللي ما صدقو فيه انه المبلغ ثابت وكأن الشخص مازال يستلم من الضمان وليس مسقط منه

ولو كان هناك مصداقية فالمفروض يقل الخصم مع مرور الدفعات حتى يمر اخر 12 شهر من ترك الضمان ويرجع المبلغ 2000 كاملة

أنا راح اتواصل معكم بهالموضوع وراح نحسب لكل واحد منكم كم المفروض يخصم منه من اول دفعه خصمو الى اخر دفعه وبكل مرة كم المفروض يكون الخصم حتى يكون على بينه

لانه مسقط من الضمان ولا بد يقل الخصم بكل مرة حتى تمر اخر 12 شهر لم يستلم من الدولة دخل

الله يوفق الجميع ويكتب لنا ولكم الرزق

توني أدري أنه يتم الخصم إلى ان تنقضي الـ 12 شهر والله مسخره ,

من جدهم يعني ما يدرون أنه العالم محتاجين حتى للريال والله حرام عليهم الهخصمية ,

يعني لنفرض اذا أحد كان يستلم 1800 ريال مثال طبعا وانقطع عنه الضمان لازم يكمل الـ 12 شهر ويصرف له حافز 200

بصراحة مشكلة المفروض يكون هناك حل للمسخره الحاصله للمواطنين

ما أقول الا الله يرزقكم بوظيفة تغنياكم عنهم

لا حول ولا قوة الا بالله العلي العظيم

وفق الله الجميع

انثى البحر · #22 (**permalink**) 09-06-2012, 04:30 PM

اقتباس:

المشاركة الأصلية كتبت بواسطة العيون الزرقاء

وهذا اللي اقوله هم يثبتون المبلغ كم شهر ثم يبدأون يقللون بالخصم

وهذا ظلم لانه بكل دفعه المفروض يقل الخصم لان الشخص اسقط من الضمان .. وكأن الغرض من تثبيت المبلغ زيادة فتره 12 شهر..!!

كم صار لك تاركه الضمان..؟؟
وهل أول دفعتين كنتي بالضمان .؟؟

تاركه الظمان من قبل أستلم أول دفعة من حافز لي الحين 5 شهور من تركت الظمان وأستلمت من حافز 4 دفعات لحد الآن .

بنت الجهنان · #23 (**permalink**) 10-06-2012, 08:38 AM

طيبه وحده مطلقه اااوكي تاخذ862ودحن تتزوج طيب كيف ااايش الحل هي تاخذ حافز1100 خصم عشااان الضممان سؤال دحن لما تملك تاخذ حااافز كامله 2000ولا؟؟؟طيب اذا خصمووو تقدر تاخذ حقه من حاااافز السنه الجايه لان بس تملك؟؟؟؟

العيون الزرقاء · #24 (**permalink**) 11-06-2012, 12:04 AM

اقتباس:

المشاركة الأصلية كتبت بواسطة الله ياكثر عذالي

يعطيك الف عافية

الله يجعل ماتفعلين بميزان حسناتك

حبيت اسأل ؟؟؟

اختي صار لها ثلاث اشهر

مسقطه من الضمان

و أول دفعه تستلمها من حافز

هذا الشهر

وخاصمين عليها

كلمتهم وقدمت اعتراض

وضاع مني رقم الاعتراض

وقالت الموظفه لي روح للضمان احتمال مانزلو اسمها من
الجهاز

رحت للضمان وصار مسقطين اسمها من ثلاث اشهر

وكلمت حافز قالو خلاص الشهر الجاي بحسابها المبلغ كامل

تتوقعون صادقين

ولا تنتظر 9 اشهر

طمنوني الله يسعدكم

عشان ابشرها <<<< واخذ البشارهـ

انتي تقولين انه اول دفعه استلمتها من حافز هالشهر وكانو خاصمين عليها

من ناحيه يخصمون فهم يخصمون اذا كنت استلمت دخل من الدولة في أخر 12 شهر

بس يفرق الخصم من ناحية عدد الاشهر

فمثلا اختك المفروض يحسبونها اذا كانت تاركه الضمان لها 3 اشهر واستلمت اول دفعه

9 اشهر * 862 مبلغ الضمان = 7758 المبلغ الكلي

متوسط الدخل = 7758 / 12 اشهر = 646.5 وهو المبلغ المخصوم

وبكل دفعه راح يقل الخصم لان عدد الاشهر تقل من اخر 12 شهر

مشكله اغلب الموظفين مو فاهمين نظام الحسبه بالبرنامج

مع انه المفروض مثل ما فهمها الموظفين اول ما يتم اسقاط اسمه من الضمان خلاص ياخذها كامله... لكن البرنامج غايته التقليل من الاعانه.. وحطو نظام الدخل واخر 12 شهر على هالاساس..!!

مو كانو يقولون حنا نخصم على المستفيدين من الضمان حتى ما ياخذون من أكثر من جهه حكومية

مع انه الضمان يعتبر مساعده ومو مثل ما ينظرون له

لكن على حسب كلامهم انه لهالسبب يخصمون

طيب اللي ما صار ياخذ من الضمان والخصم مستمر هذا وش نقول عنه ..!!

وليتهم على كذا يقللون الخصم بكل مره..!!!

بالعكس مثبتين المبلغ وما غيروه ولا قللو من الخصم

إن شاء الله يصلحون أخطاءهم لكن يبي من يتصل ويرفع شكوى واعتراض لانه لو تم السكوت على هالشيء راح يستمر وهذا غايتهم

الله يرزقك واختك من واسع فضله يارب

العيون الزرقاء · #25 (**permalink**) 11-06-2012, 12:18 AM

اقتباس:

المشاركة الأصلية كتبت بواسطة مميز الاحساء

يعني لنفرض اذا أحد كان يستلم 1800 ريال مثال طبعا وانقطع عنه الضمان لازم يكمل الـ 12 شهر ويصرف له حافز 200

يحسبونها على حسب عدد الاشهر اللي تبقت من اخر 12 شهر

يعني مثلا شخص تم اسقاط اسمه من الضمان ثم قدم على برنامج حافز وتأهل

البرنامج يشيك من خلال سجله وراح يطلع لهم انه مسقط من الضمان لكن يشوفون كم صار له تارك الضمان اذا كان 12 شهر وأكثر تنزل له حافز 2000

واذا كان اقل من 12 شهر يخصمون على حسب عدد الاشهر اللي تبقت من اخر 12 شهر

وبكل مرة يقل الخصم واذا مرت المدة (اخر 12 شهر ) ترجع 2000 كامله

لكن هم وش مسوين الحين مثبتين المبلغ والخصم ما يقل بكل دفعه وكأنهم يبون تزيد فتره اخر 12 شهر ويستمرون بالخصم عليه

العيون الزرقاء · #26 (**permalink**) 11-06-2012, 02:29 AM

اقتباس:

المشاركة الأصلية كتبت بواسطة انثى البحر

تاركه الظمان من قبل أستلم أول دفعة من حافز لي الحين 5 شهور من تركت الظمان وأستلمت من حافز 4 دفعات لحد الآن .

بما انه صار لك 5 أشهر تاركه الضمان واستلمتي 4 دفعات من حافز

معناته انه أول دفعه استلمتيها بحافز صار لك تاركه الضمان شهر

والمفروض تكون الحسبه بهالشكل وعلى مرور دفعاتك الاربع

الدفعة الأولى بحافز ( صار لك تاركه الضمان شهر بمعنى يحسبون 11 شهر من اصل اخر 12 شهر)

11 شهر * 862 مبلغ الضمان = 9482 المبلغ الكلي

متوسط الدخل = 9482/12 شهر = 790.16 وهو المبلغ المخصوم أول دفعة

الدفعه الثانية

10 أشهر * 862 = 8620 المبلغ الكلي

متوسط الدخل = 8620/12 شهر = 718.33 المبلغ المخصوم ثاني دفعة

الدفعة الثالثة

9 أشهر * 862 = 7758 المبلغ الكلي

متوسط الدخل = 7758 /12 شهر = 646.5 المبلغ المخصوم ثالث دفعة

الدفعة الرابعة

8 أشهر * 862 = 6896 المبلغ الكلي

متوسط الدخل = 6896/12 شهر = 574.66 المبلغ المخصوم رابع دفعة

والمفروض الدفعة الخامسة اللي بتأخذينها يكون الخصم

7 أشهر * 862 = 6034 المبلغ الكلي

متوسط الدخل = 6034/12 شهر = 502.83 المبلغ المخصوم بخامس دفعة

ويستمر معك حتى يمر اخر 12 شهر من تركك للضمان

وانتي قدمتي على حافز وكنتي تاركه الضمان صار لك شهر يعني راح يستمر معك الخصم طول فترة استلامك لحافز في حاله استلمتي المبلغ على التواصل وتأهلتي بكل الشهور ال12 متواصله ماعدا اخر شهر تاخذينها كاملة

لكن حسب كلامك باول رد لك انهم باول دفعتين خصمو مبلغ الضمان كامل 862 معناته ما حسبو انك تاركه الضمان صار لك شهر وبالدفعه الثانيه ثبتو نفس الخصم 862

وبعدها بدأو بتقليل الخصم وعلى هالحال راح يستمر معك الخصم لاخر دفعة بحافز هذا اذا ما ثبتو المبلغ المخصوم بكذا دفعة

العيون الزرقاء · #27 (**permalink**) 11-06-2012, 06:00 AM

اقتباس:

المشاركة الأصلية كتبت بواسطة بنت الجهنان

طيبه وحده مطلقه اااوكي تاخذ862ودحن تتزوج طيب كيف ااايش الحل هي تاخذ حافز1100 خصم عشااان الضممان سؤال دحن لما تملك تاخذ حااافز كامله 2000ولا؟؟؟طيب اذا خصمووو تقدر تاخذ حقه من حاااافز السنه الجايه لان بس تملك؟؟؟؟

عزيزتي اللي صار لهم تاركين الضمان 6 أشهر وأكثر مازال حافز يخصم عليهم

بما انه ما مر على تركهم الضمان 12 شهر

أول ما تنضم لزوجهاا راح تسقط تلقائي من الضمان... لان الضمان شهريا يشيك على حاله المستفيدين منه عن طريق الاحوال

واذا اسقطت من الضمان راح يستمر حافز بالخصم لكن مع الدفعات راح يقل الخصم

مع اني افضل اللي مازال عمرها في الفترة من 20-35 وكانت تستلم الضمان واسقطت منه انها توقف حافز حتى تنقضي فتره 12 شهر حتى ما يكون لهم حجه للخصم او اللعب في بيانات الدخل وتثبيت المبلغ ... الخ من امورهم

أهم شيء تضمن الفترة العمرية بعد مرور ال12 شهر انه مازالت تشملها

بنت المدينهـ · #28 (**permalink**) 13-06-2012, 04:50 AM

انا نزلي حافز من شهر 2 كامل 2000 بس ليا شهرين ينزل لي ناقص 400
والدخل الثابت مكتوب اني استلم من الضمان وانا مااستلم صح من سنه او اكتر كنت بالضمان بس مسقطه من شوال العام يعني قبل حافز ب4 او 5 شهور
وراجعت الضمان ويقولو مالكي شي عندنا وماتستلمي شي
وحافز من شهرين ماردولي خبر ودحين الشهر الجاي راح يكون 3 شهر ناقص
كيف الطريقه

العيون الزرقاء · #29 (**permalink**) 14-06-2012, 03:57 AM

اقتباس:

المشاركة الأصلية كتبت بواسطة بنت المدينهـ

انا نزلي حافز من شهر 2 كامل 2000 بس ليا شهرين ينزل لي ناقص 400
والدخل الثابت مكتوب اني استلم من الضمان وانا مااستلم صح من سنه او اكتر كنت بالضمان بس مسقطه من شوال العام يعني قبل حافز ب4 او 5 شهور
وراجعت الضمان ويقولو مالكي شي عندنا وماتستلمي شي
وحافز من شهرين ماردولي خبر ودحين الشهر الجاي راح يكون 3 شهر ناقص
كيف الطريقه

صار لهم دفعتين مطبقين نظام اخر 12 شهر.... والاغلبيه ممن ترك الضمان وما مر 12 شهر عليهم كانو ياخذونها كاملة

المشكلة عزيزتي مو بالضمان لانك مسقطه ... المشكلة بنظام حافز

انهم مطبقين نظام الدخل لابد يمر اخر 12 شهر ما استلمتي من الدولة أي مبلغ

واذا قلنا انتي صار لك 4شهور تاركه الضمان قبل حافز واستلمتيها من أول دفعه كامله وما حسبو الخصم معناته المفروض الحين يقل الخصم بكثير مو 400 لانه صار لك 8 أشهر تاركه الضمان من أول خصم لك

شوال - ذو القعدة - ذو الحجه - محرم - صفر ( اول دفعة ) - ربيع أول - ربيع ثاني - جمادي أول - جمادي ثاني - رجب

تم الخصم من جمادي ثاني - رجب

بمعنى مر على تركك للضمان 8 أشهر بدفعة جمادي ثاني والمفروض يحسبون لك اللي تبقى من 12 شهر وهي 4 اشهر
4 أشهر * 862 = 3448 المبلغ الكلي
متوسط الدخل = 3448 /12 شهر = 287.33 المبلغ المخصوم

بدفعة رجب مر على تركك الضمان 9 أشهر - اخر 12 شهر = 3 أشهر

3 أشهر * 862 = 2586 المبلغ الكلي

متوسط الدخل 2586 /12 شهر = 215.5 المبلغ المخصوم

انتي تقول انه الخصم بالدفعتين الاخيرة 400

شوال - ذو القعدة - ذو الحجه - محرم - صفر ( اول دفعة ) - ربيع أول - ربيع ثاني - جمادي أول - جمادي ثاني - رجب

يعني حسبو لك انك تاركة الضمان صار لك 6 أشهر مو 8 وتبقى لك من اخر 12 شهر / 6 أشهر
أي كانهم حسبو الخصم من دفعة ربيع ثاني

6 أشهر * 862 = 5172 المبلغ الكلي

متوسط الدخل = 5172/12 شهر = 431 المبلغ المخصوم

وتبثو لك المبلغ وما تغير

واتوقع لانه تم استلامها كاملة من قبل وما طبقو الخصميه تبع اخر 12 شهر الا بعد كذا دفعه لذلك قاعدين يثبتون المبلغ حتى ياخذون الخصميات تبع الدفعات اللي قبل

وتوقعي منهم اي شيء مستحيل يضيعون حقهم حتى لو تأخرو بتطبيق نظام الدخل

على العموم إذا استمر ثتبيت المبلغ والخصميه ثابته على مبلغ ما تقل

قدمي اعتراض لانك مسقطه من الضمان والمفروض انها تقل بكل دفعة

ومو ذنبك اذا هم تاخرو بتطبيق نظام الدخل الا بعد مرور 8 أشهر ويبون يستردونه بالدفعات اللي اخذتيها كاملة

الله يوفقك

الكاتبة / أمل · #30 (**permalink**) 14-06-2012, 11:00 PM

السلام عليكم

ما الفائدة من هذا التجمع ...؟؟؟

هل حافز سوف ينظر لها ويتم حل المشاكل؟؟؟

للاسف لنا شهرين نفس الخصم رغم اننا مسقطين من الضمان قبل 3 شهور..

تم تقديم اعتراض وننتظر النتائج...

شكر لك

تجمع ...[[ لمن تم اسقاطهم من الضمان ومازال الخصم مستمر من برنامج حافز ]]

حافز إستفسارات ونقاشات

السلام عليكم ورحمه الله وبركاته أسال الله أن يمدكم بالصحه والعافية ويكفيكم شر برنامج حافز كل يوم طالع بقرار جديد ... وطريقة جديدة وكلها تضييق على...

تجمع ...[[ لمن تم اسقاطهم من الضمان ومازال الخصم مستمر من برنامج حافز ]]

تسجيل الدخول

تجمع ...[[ لمن تم اسقاطهم من الضمان ومازال الخصم مستمر من برنامج حافز ]]

حافز إستفسارات ونقاشات

السلام عليكم ورحمه الله وبركاته أسال الله أن يمدكم بالصحه والعافية ويكفيكم شر برنامج حافز كل يوم طالع بقرار جديد ... وطريقة جديدة وكلها تضييق على...

تجمع ...[[ لمن تم اسقاطهم من الضمان ومازال الخصم مستمر من برنامج حافز ]]