اختي الغاليه ام لمى ونوره ..


اول شي الله يخلي لك ذريتك وزوجك يـآرب ..

ثـآنيـآ .. انتي ماشاء الله عليك طموحه بدرجه عاليه .. بس مـآعندك دعم ولا عندك توجيه من رجل .. التجاره شطاره .. وغير كذا

لازم تفهمين نفيسات الحريم .. ونفسيات الرجال وصعبه انتي تفهمين نفسيات الرجال ..

لان التجاره والتسويق بحكم خبرتي انه لازم يكون عندك حس نفسي بحيث انك تعرفين وش يحتاجون الناس ووش اللي يملي عينهم ووش اللي يجذبهم عشان تقدرين توفرين الشي اللي يبونه ويكون مشروع ناجح بأذن الله وخطوات المشاريع الناجحه اول شي الاستعانه بالله .. ثانيآ الذكاء والالمام بحاجيات الناس الروتينيه سواء متطوره او على نمط قديم .. يعني بلهجتنى ( مو الشي اللي يطفون فيه الناس فتره بعدين يتركونه زي الاسهم .. مقاهى الانترنت .. الخ .. صحيح انهم بحاجتها بس لو تلاحظين ان قلو الناس انتي تبين شي تكسبين فيه طول العمر مو سنه ولا سنتين بعدين توقفين المشروع .. عليك بالمشاريع الاحتياجيه بالاظافه الى الذكاء والحنكه .. وغير كذا التجاره كل واحد فوقه تاجر حتى وانتي بديتي تتاجرين وفتحتي محلات لازم فيه تجار فوقتك تشترين منهم بالجمله وحقين الجمله فوقهم تجار يصدرون للسعوديه واللي يصدر للسعوديه فوقه تاجر اجنبي والاجنبي فوقه الف تاجر ..


يعني بالعربي خلك ذكيه وانتبهي من الاستغلال .. انا دخلت دوره في مجال الاعمال والتسويق ..

اهم شي يطلبونه كيف اغراء ذات الشخص العميل او المطلع .. يعني نصب عيني عينك وكل واحد يقولك انا استخدمه بالبيت عندي واهلي .. ولا يحاول يقتعك باي وسيله حتى لدرجخ بعض الاحيان اروح محل او شركه ويحاولون يقنعوني باسلوب اقسم بالله اني احس اني ظالمهم وانهم ناس طيبين يبون لي الخير .. بس اتذكر دورتي بالمعهد وطريقهم اسلوبهم وطريقه اقناعهم اقول بنفسي والله انهم نصابين ولازم ابين لهم انها ماتمشي علي واقوله مستحيل تقنعني بشي انا ما ارتحت له ..


اسف على الاطاله بس تحمست وغير كذا شفتك متحمسه وتبين الرزق الحلال .. عسى الله يوفقك يـآرب ..

بس لاتنسين حاجتين الاستعانه بالله والذكاء .. والله بيوفقك انشاء الله يـآرب ..


فمـــآآآآآن ـآلـلـه ..

تركي بن عبدالله

[align=center]موضوع رائع جدا
وتجارب تفيد الجميع

انا بالنسبه لتجربتي الحمدلله ناجحه حتى الان
في عام 2006 استأجرت لي 4 محلات على شارع رئيسي وكل محل اجاره كان 5000 ريال
يعني الاربعه 20000 بالسنه , يا بلاش

فتحت محلين على بعض ودخلت في مجال زينة السيارات بحكم انه جنب المحل في مغسلة سيارات وماشاء الله عليها ضغط وزحمه وهذا قلت بيفيدني في مجال عملي
والمحلين الثانيه اجرتهم على 10000 ريال الواحد يعني صرت اسدد الاجار حق الاربع محلات من هالمحلين

طبعا اشتريت بضاعه كبيره بقيمة 80,000 ريال ينطح ريال وكنت داخل بتهور وبيني وبينكم ماكنت دارس الموضوع نهائياً

اول مافتحت المحل اشتغلت بيدي انا ومعي عامل واحد وجلست اكرف انا وياه ليل ونهار وكان ماشاء الله علي زحمه وبعد كم شهر هرب العامل من عندي وانا توظفت في الحكومه بعيد عن ديرتي وتقفل المحل تقريباً شهرين وتعبت ادور عمال ومالقيت حتى عطيتهم محفزات راتب 1500 وسكن مجاني ومافيه فايده يقولون صعب المجال هذا ومانعرف له , المهم كلمني واحد من اخوياي وقال عندي لك عامل يبي يشتغل بالمحل (( يماني )) قلت لو ان شاء الله ايراني هاته بس , المهم جاء واشتغل بالمحل شهر وتدهور حال المحل لابضاعه ولا زبائن ولا شيء كلمني اليماني وقالي قبلني المحل واعطيك 4000 ريال شهريا على المحلين .
انا وافقت بحكم اني بعيد عن الديره وماقدر ادير شغلي وجلسنا على هالموال حتى 2011 اتحسن وضعي بالدوام وصرت اقدر اجي كثير للديره بشكل اسبوعي لمدة 4 ايام قمت كلمت اليماني وقلت الوجه من الوجه ابيض انت روح دور لك كفيل وانا بمسك شغلي
مسكت المحل وعبيته بضاعه بـ 140 الف ريال وكبرت المحل صار 3 فتحات والان ماشاء الله دخلي شهرياً تقريباً إلى 16000 فوائد بدون رواتب العمال والكهرب والتطوير

الايجابيات :
زينة السيارات فيها مكاسب عاليه جداً لان بضاعتها بالجمله سعرها رخيص .
اقبال الناس بشكل مستمر على زينة السيارات لان السيارات صارت مثل اعداد البشر وتحتاج إلى تحسين وتجميل وتطوير .

السلبيات :
سوق زينة السيارات مكتض بالعماله من الجنسية اليمنية وهم اكثر الناس عداوه للسعودي في الاستثمار .
قلة وجود العماله المتخصصه في زينة السيارات .
عدم وجود الشخص بشكل دائم امام حلاله كالغائب عن اهل بيته

اتمنى لكم التوفيق والنجاح جميعاً
ونصيحه اخويه : انتبهوا من العماله اليمنية فهم اعداء النجاح

[/align]

ما شاء الله عليك مفتح ، وبالنسبة لليمنة صدقت والله لكن الرزق عند الله مو عندهم ، الله يوفقك ويرزقك ويرزقنا

موضوعكم روووووووعه
لايوقف كملو لو تجارب براس مال صغير

[align=center]

مشالله قصص رائعة لشباب مثابر الله يوفق الجميع ولكل مجتهد نصيب