الله يساعدك وتاخذ حقك منهم

يمدحون حقوق الانسان .. ارسلهم خطاب وشوف ردهم ..

واذا تحس ان الموضوع مقصود ومعك دليل ..!!! ارسل خطاب الى هيئة مكافحة الفساد

هذي نهايتهاااااا

من خلال تجارب عدة على مستوى جامعات المملكة ...
للأسف يالغالي : لايوجد لك مرجع نظامي واضح وعادل ينصفك ترجع له في حال طلبك النظر في معدل المادة المظلوم فيها على حد ذكرك....

ف500 ريال ادفع وتشوف الورقة ودرجتك ماهي إلا تعجيز وإعجاز أتذكر في جامعة الملك سعود بالرياض أحد الطلاب عاد مادة معينة أكثر من خمس مرات وللأسف نفس الدكتور .....!!
بإختصار : دام لا يوجد مرجع نظامي وحقوقي فاعل للطلاب والطالبات يٌسمى بمجلس إدارة شئون الطلاب والطالبات الأكاديمي فعليك أن ترضى بالأمر الواقع للأسف وتجعل من مسمى دكتور رخيص بنقالي او هندي او باكستاني او مصري مبتدئ عالم ذري مبدع لكيلا ترسب عنده أكثر من مرة ...

الله يصبركم

[align=center]طير الحب


هنا المشكله الطالب ماله حق يراجع ولا شي ولا فيه قانون او شي يضمن حقه لو انضلم وحطو له حل تعجيزي يا500يا ماتقدر تشوف طيب ليه ال500ماقامت ولا قعدت عندي اقدر ادفعها بس غيري مايقدر حالته الماديه ماتسمح مهيب متوفره كلن وسببه والله رحت لمدير شئون الطلاب ومانفعني ورحت لعميد كليتنا ماخليت باب مارحتله الحين عطلو الناس ومافي حل

يالله ماندري وين الخير فيه

يالله شي يقهر !

حسبي الله عليهم وان شاء الله تقدر تاخذ حقك بإذن الله

اخي اكتب رساله بكل الادله اللي عندك وارسلها لسبق ادبهم !

انا سويتها قبل كذا بس الموضوع كان مو درجات الا تسيب ادراي واهمال وعدم صرف مكافئتنا

والحمدلله لقيت تجاوب وجا الاحترام والحق غصب عن الصغيره فيهم قبل الكبيره !

الله يوفقك