الله يعطيك العافيه

موفقين يارب

اتصلو علي اليوم أنا وخويي

موعد المقابلة الأربعاء

دعواتكم

أتمنى التوفيق للجميع

شباب احد تخصصه قانون اتصلوا عليه ؟!

شكرآ لكم ,,

إخواني
من يقول ان الحرس (( واسطات)) أنا ممن قدم العام الماضي على الحرس وأجريت لي المقابلة الأولية واجتزتها ولله الحمد وثم أجريت المقابلة النهائية وكانت مع رئيس الجهاز ( ان صحت التسمية)
الحق يقال ما اختير مننا الا اللي شفت انه هو الاميز بيننا ووالله ماشفت فيها اي نوع من انواع الواسطات على كلام ( البعض)
فتوكلوا على الله ومن جاه القبول الأولي فليتوكل على الله ويكمل والرزق اولا وآخرا بيد الله لا بيد فلان ولا فلان
-قفلة -
لايجي احد يقول أكيد انك انقبلت فلازم تمدحهم
اقول له لا والله أني لم اقبل فيها والحمد لله رزقني الله بغيرها..

يا أخوان أنا دقوا علي اليوم , بس ما عطوني موعد زي الإخوان الي اتصلوا عليهم هقوتكم صرفوني !!

أخواني الكرام

أحد عنده خلفية عن المقابلة كيف تكوون

اخواني الكرام دائما اسأل ويتم التجاهل

من سأل عن المقابلة
سأتكلم عما عايشته
اولا اتصلوا علينا قالوا عندك مقابلة في مقر تخصصك طبعا الحرس اللي يجري لك المقابلات نفس قسمك اللي بتتوظف فيه
فيعملون لك المقابلة يسألونك أسئلة في التخصص وآسئلة في الثقاقة العامة ومن اهم الأسئلة أركان وواجبات وشروط الصلاة
( أتكلم عن تخصص نظري)
ومن بعدها يقولون انتظر اتصال او رسالة او شيك على الموقع
ان اجتزت المقابلة هذي الحمد لله تجري بعدها مقابلة انت واللي قبلوا معك في التخصص مقابلة أعمق وأدق
وغالبا تكون بعد المقابلة الاولى بأسبوع
وبعد اجتياز المقابلة الثانية
يطلبون لمن وصل للقبول النهائي اجراء الفحص الطبي و اختبار اللياقة
هذا اللي عندي واتمنى انه يكون فيه فائدة لك وللشباب

يا شباب أنا اتصلوا علي ولا رديت..
ودقيت عليهم ولا ردوا..
وش الحل ؟؟

وهل فيه مقابلات بتبدأ من بكرا؟؟
لأني من القصيم ولازم اجي للرياض عشان أمسك الطريق مبكر..

أرجو الإفادة