مساء الخير للجميع
ومبروووووووووووك لكل المقبولين
كيف طبيعة عمل المهندسين في قطاع سلاح الإشارة؟؟
كم رواتبهم؟



وشكرااااااااااااااااااااااا

ألف مبروووك لجميع المقبولين. ومعوض خير لغير المقبولين
سؤال بالنسبة لحملة شهادة الماجستير وش بيعطونهم رتبة وشكرا

السلام عليكم بالنسبة للي حالفهم الحظ في القبول النهائي
أوسلو رسائل
ولا طلع رقمك في الموقع بدون إرسال رسائل

الف الف مبروك


لجميع اللي إنقبلوآ



وعقبآلنآ حنآ تطلع نتآئجنآ :


( ثانوي _ الحربية )

الف الف مبروك للجميع



وعقبال يوم التخرج ياااارب



واسألوا مجرب والله العظيم يوم التخرج تنسى تعب الـ 9 شهور كلها



نصائح ع السريع :

- الدورة فيها تعب جسدي كبير لكن التعب الجسدي لما تحط راسك على المخده تنساااه التعب النفسي هو المهم لذلك حط في بالك أشياء الدوره فيها من الاهانات الكثير فيها من الناس اللي ما تستاهل منك ذرة احترام ومع ذلك هو قائدك توقع في الدورة انقطاع عن العالم لدرجة انا في اخر الـ 45 تمنيت بس امشي حافي صرت في وقت الفراغ اشيل البسطار وانتم بكرامه وامشي على الحصى اشياء بسيطة جدا محروم منها وهذي قالها الرائد تركي سهل يقول الدورة تخلي اشياء تافهه لها طعم عندك منها الجلسة مع اهلك منها لفة على السياره كثير اشياء يصير لها طعم الحياه كلها لها طعم .


- لا تصير تخاف من كل شي العسكرية للرجال والجزاوات نص العسكرية اذا تجازيت عادي انت رجال احيانا يتجازى الفصيل كامل عشان فلان من الناس ما مشى صح في العرض واحيانا تتجازى عشان الفصيل كلها مهو شاد حيله وفي الواقع كل واحد مقطع نفسه اانا ما اقول خلك مبزوط بس لا تصير خريشه يخوفونك بالجزا وتخاف واحفظ هالكلمة اذا اخطيت تقبل جزاك .


- انسوا كل شي وتذكروا هالنصيحه لو ما اطلع من كلامي كله الا بالنصيحه هذي الزماله والخوه يا شباب تكفوووون خلوا قلوبكم على بعض اللي منفس حاولوا تطلعونه من جو التنفيس اللي زعلان راضوه اللي يخطي عدلوه اللي حظه خلاه يدخل بجوال لا يحسد خوياه دقيقه يكلم فيها اهله تسوا الدنيا وما فيها عنده لا تصيرون اانانيين .



انا بقول لكم الحين اسماء قياداتكم :


قائد الدورة / الرائد تركي سهل العتيبي

هذا انسان بالعربي الفصيح " يعرف من اين تؤكل الكتف "
لدرجة انه يعرف انت وش تحس فيه له 5 سنوات مع الجامعيين وفاهمهم تماااااام
جزاه دايما معروف يوقفك ويجلس يقرق يقدر موضوع بسيط يتكلم فيه 12 ساعه عااادي عنده
هالادمي اذا انت انسان منضبط وطلبته طلب يا ولد يعطيك عيونه الثنتين .


مساعد قائد الدورة / الملازم سليمان البلالي

هذا شغلته اوراق وما اوراق يمسك الفصيل اذا الرائد مهو موجود بس نظامه شد عليهم في البدايه عشان يخافون منك واتركهم .


المدربين :

1- الرقيب / غزاي الحربي : يووووووووووووووووووووه يا غزاي وش اقول وش اخلي هذا ابوكم في الدوره والله اني اقدر هالادمي زي ما اقدر ابوي يشد عليك الين تكره نفسك لكن والله العظيم اني احلف لكم ان قلبه انظف من الورقه البيضاء احترموه وخلوا له كلمه في الـ 45 بيكون شاد معكم لكن بعدها غيييييير


2 - الرقيب / عبدالعزيز العنزي : في الـ 45 انسان فله و يطلعكم من الجو الكئيب و ينكت
بعد الـ 45 ************************************************** *
************************ المهم اللهم تقبل صيامنا وقيامنا



وفيه عريف كاتب سعيد القحطاني والجندي اول كاتب سعيد الأكلبي

الثنين هذولا مالهم دخل فيكم ولا لكم دخل فيهم



انا كتبت هالاسماء بس عشان تعرفون من الناس اللي بتعيشون معهم 45 يوم كامله انا اخطيت يوم اني ما سألت عنهم وخويانا اخطوا ما علمونا منهم جينا لناس ما نعرفهم بس انا كتبت عشان تاخذون على الجو وتعرفون هالناس اللي هم بيتكم الجديد .


اخر شي اللي يبي يدخل بشي من الممنوعات يرسل لي على الخاص واعلمه بطرق كثيره ويختار منها اللي يعجبك

الف الف الف مبروووك للمقبولين الجامعيين والله يعوضكم ياللي مانقبلتو


افيدووني الله يجزااكم بالخير المقبولين جتكم رساايل القبول النهائي ولا لا ؟

خيال الكحيله ما تقصر يالامير


والممنوعات حطها بالعام خل الجماعه كلهم يستفيدون هههههههههههه

ومانستغني عن نصائحكم جميعا

السلام عليكم
الف الف مبروووك للمقبولين
والله يعوض الى ما انقبلوا بافضل منها انشاء الله
ابي اسأل عن وضع المهندسين في الشؤون الفنية والهندسية
من ناحية المميزات والرواتب وطبيعة العمل
وهل الشؤون الفنية في الرياض بس والا ؟

الأخوان اللي يسألون عن الرسائل
ايه نعم وصلتنا رسائل مثل رسالة القبول المبدئي تمامًا
الفرق بدال مبدئي نهائي
وتوقيت المراجعة .... فقط لاغير


اخوي خيال الكحيلة الله يعطيك ألف عافية على المعلومات
والله كلامك يخوف الواحد محتار يروح للعسكرية ولا لا والسبب كله في هالدورة!!!!