السلام عليكم ورحمة الله وبركاته


كل عام وانتم بخير


واعذرونا يا شباب على التقصير


بس عارفين عيد و معايده


واليوم بكتب لكم عن الاغراض اللي لازم تجيبونها معكم



طبعا الورقه اللي اعطوكم اياها عندي نفس النسخة اللي اعطونا السنة اللي راحت

بكتب لكم الأغراض وفي الاخير بكتب التعليقات اللي ناقص واللي مزودينه ....

بسم الله نبدأ

1 - حقيبة ملائمة الشكل ومتوسطة الحجم ذات قفل .. معليك من الشكل اهم شي الحجم تكفي اغراضك وخلها ااااااخر شي عشان تعرف وش كثر اغراضك ..

2 - ملابس داخلية .. خذ لك 12 حبة سروال قصير قطن من ماركة دروش او افضل ..

3 - ادوات حلاقة + مقص صغير ... ترى يقصدون مقص اظافر مهو مقص عاادي مقص اظافر صغير بدون ذيك اللي كنها سكاكين

4 - بجامة نوم زرقاء أو كحلية انا اتوقع وحده كافية هم كاتبين 2 لأنك اكثر الاحيان تنام بلبس الرياضه عشان تكسب لك 10دقايق نوم بدل ما تصحى وتروح تبدل وفيه اوقات انام بالتمويه هههههههه من كثر حبي للنوم حتى صرت مثار السخريه في الفصيل هههههههه

5 - حذاء شبشب لدورات المياه والمراوش والذي منه

6 - شرابات 12 بيج و 12 ابيض انا اشوف انها تقريبا كافيه
هم كاتبين 10 بيج و 5 ابيض

7 - ساعة منبهه << مهمه

8 - دفتر وقلم << ما تحتاجه الا اذا كنت تكتب مذكرات وقصايد مثلي

9 - مبلغ مالي فوق 700 ريال هم كاتبين 300 انا اشوف ان 700 كافيه عشان انا دخلت بـ 1000 ريال وصرفت 800 منها

10 - بطاقة الاحوال "الأصل "

11 - مستلزمات النظافة : بكيفك جب اللي تجيب ما يردون شي منكم الا العطورات اذا انت بتجيب جب من الرخيصه عشان لو اخذوها ما تحسرك ناس من الشباب اخذوا عطوراتهم وناس ما اخذوها

12 - حذاء رياضي خذ من النوع الكويس وانت براحتك اهم شي ترتاح رجلك ..

13 - اشتر لك بسطار هم كاتبين اعرف مقاسك انا اقول اشتر فيه نوع اسمه هيرو واحد ثاني اسمه همر الظاهر .. رخيص والشباب يمدحون ذيك النوعيه مو نفس الاسم بس الشكل
انا صراحه ما شريت وجلست على بسطار العهده المصروف لنا الين التخرج لانه جدا جدا جدا ممتاز بس اول اسبوعين يقطع رجلك اشتر لك واحد عشان تتعود رجلك على بسطار كويس وتبدأ تلبس العهده شوي شوي عشان تتعود رجلك عليه ..

14 - 6 بدلات بيضاء سااده قطن انتبه من النيلون

15 - 6 بنطلون ازرق ساده قطن وانتبه بعدمن النيلون


ملاحظات :

- جب معك بودره وبكيفك بالبودره خذ اللي تبي خذ علبة كبيره تكفيك الى نهاية الخمسه واربعين ويمكن الى شهر بعد الاستجداد

- جب معك مناديل معقمة ديتول كيس كبير ابو 80 حبه

- علبة ديتول كبير

- فيه مزيل عرق كويس وبخاخ مهو مرهم اسمه اديداس لونه برتقالي مع اسود رائحته حلوه وعاد مزيل العرق راجع لك انت ومزاجك ..

- اذا وركز على اذا ... اذا كان ممكن تلقى لك بدلات عسكرية تمويه اخذ لك 3 مع اللي بيعطونك تصير خمس كافيه او ميزانيتك تقدر تفصل فصل لك 3 ترى البدله تكلف من 250 الى 400 ريال


واذا ذكرت شي بكتبه لككم


وابشروا اي استفسار انا حاضر وبرجع للموضوع الليله وبكره وبعده الين تدخلون الدوره

والله يوفقكم ووييسر اموركم

[align=center]صبحكم الله بالخير

الحين لو جبت مبلغ فوق 300 ريال عادي ولا بطاقة الصراف مثلا ؟؟

وهم ماطلبوا ملابس رياضة ؟؟
[/align]

[align=center]
الله يوفقكم ويعينكم
[/align]

شباب احد هنا قانون خريج جامعة الملك عبدالعزيز ؟!