شباب فيه شي اذا فكرتوا فيه دمرتوا انفسكم


نصيحه وحده


اقطع كل علاقتك برا الكلية لا تفكر نهائيا برا الكلية



عش مع خوياك واعتبر هذي حياه جديده


انا بصراحه من النفسيات اللي في الدوره


كنت 24 ساعه منفس وبالذات وقت الهروله


وما استفدت الا التعقيد والطفش والنفسية الخايسة


اذا تبي تكمل الـ 45


عش جوك في الكلية لا تفكر برا نهائيا وتذكر ان الضباط في المملكه كثييييييييييييييييييييييييييييييييييييير


ولا فيه احد احسن منك كلهم مروا باللي بتمر فيه وهذا مجرد وقت بسيط ويروح



يقول المدرب غزاي لو ان الوقت ما يروح والناس ما تروح لقيت الكلية مليااااااانه بالاف البشر بس كل من جا جلس فتره بسيطه وراح في سبيل رزقه



عليكم بالخوه والزماله < مع اني اكره كلمة زماله


لكن الخوه خلوكم خوان بمعنى الكلمه مهو زملاء وبس خلووكم خواااااان



الطلاب في الكلية اشكال وانواع بتلقون :

- شخص فالها ويسوي كل شي يبيه يدخن يكلم على كيف كيفه ولا احد يدري عنه ذيب غداري << مثلي الله يسلمني

- شخص مهايطي وانا سويت وانا فعلت وتلقى ما عنده ما عند جدتي

- شخص يمشي جنب الجدار ويقول يا ستااار

- شخص مسكين منظبط ودايم ينكب

- شخص خريييييييييييييييشه << كلش ولا هذا ودي برقم 2 ولا ودي بهذا

- شخص يطقها قدام الوزير وقدام الفقير ما ضرب حساب لأحد

- شخص يدخل في اي موضوع ينكب نفسه وينكب خوياه

- شخص 24 ساعه منفس << مثلي الله يسلمني حاول تطلعه من جوه اذا فادت اول مره ثاني مره وثالث ورابع ولا تخلي خويك

- شخص طربان ومهستر ويضحك 24 ساعه << هذا ذيبان وعارف لنفسه



**
اهم شي لا تخطي وانت منت قد الخطا اذا انت ما تبي تنحجز ولا تبي تتجازى لا تخطي




هذي بعض الاشياء اللي جت في بالي وحبيت انصحكم بها

الف الف مبروك للجميع



وعقبال يوم التخرج ياااارب



واسألوا مجرب والله العظيم يوم التخرج تنسى تعب الـ 9 شهور كلها



نصائح ع السريع :

- الدورة فيها تعب جسدي كبير لكن التعب الجسدي لما تحط راسك على المخده تنساااه التعب النفسي هو المهم لذلك حط في بالك أشياء الدوره فيها من الاهانات الكثير فيها من الناس اللي ما تستاهل منك ذرة احترام ومع ذلك هو قائدك توقع في الدورة انقطاع عن العالم لدرجة انا في اخر الـ 45 تمنيت بس امشي حافي صرت في وقت الفراغ اشيل البسطار وانتم بكرامه وامشي على الحصى اشياء بسيطة جدا محروم منها وهذي قالها الرائد تركي سهل يقول الدورة تخلي اشياء تافهه لها طعم عندك منها الجلسة مع اهلك منها لفة على السياره كثير اشياء يصير لها طعم الحياه كلها لها طعم .


- لا تصير تخاف من كل شي العسكرية للرجال والجزاوات نص العسكرية اذا تجازيت عادي انت رجال احيانا يتجازى الفصيل كامل عشان فلان من الناس ما مشى صح في العرض واحيانا تتجازى عشان الفصيل كلها مهو شاد حيله وفي الواقع كل واحد مقطع نفسه اانا ما اقول خلك مبزوط بس لا تصير خريشه يخوفونك بالجزا وتخاف واحفظ هالكلمة اذا اخطيت تقبل جزاك .


- انسوا كل شي وتذكروا هالنصيحه لو ما اطلع من كلامي كله الا بالنصيحه هذي الزماله والخوه يا شباب تكفوووون خلوا قلوبكم على بعض اللي منفس حاولوا تطلعونه من جو التنفيس اللي زعلان راضوه اللي يخطي عدلوه اللي حظه خلاه يدخل بجوال لا يحسد خوياه دقيقه يكلم فيها اهله تسوا الدنيا وما فيها عنده لا تصيرون اانانيين .



انا بقول لكم الحين اسماء قياداتكم :


قائد الدورة / الرائد تركي سهل العتيبي

هذا انسان بالعربي الفصيح " يعرف من اين تؤكل الكتف "
لدرجة انه يعرف انت وش تحس فيه له 5 سنوات مع الجامعيين وفاهمهم تماااااام
جزاه دايما معروف يوقفك ويجلس يقرق يقدر موضوع بسيط يتكلم فيه 12 ساعه عااادي عنده
هالادمي اذا انت انسان منضبط وطلبته طلب يا ولد يعطيك عيونه الثنتين .


مساعد قائد الدورة / الملازم سليمان البلالي

هذا شغلته اوراق وما اوراق يمسك الفصيل اذا الرائد مهو موجود بس نظامه شد عليهم في البدايه عشان يخافون منك واتركهم .


المدربين :

1- الرقيب / غزاي الحربي : يووووووووووووووووووووه يا غزاي وش اقول وش اخلي هذا ابوكم في الدوره والله اني اقدر هالادمي زي ما اقدر ابوي يشد عليك الين تكره نفسك لكن والله العظيم اني احلف لكم ان قلبه انظف من الورقه البيضاء احترموه وخلوا له كلمه في الـ 45 بيكون شاد معكم لكن بعدها غيييييير


2 - الرقيب / عبدالعزيز العنزي : في الـ 45 انسان فله و يطلعكم من الجو الكئيب و ينكت
بعد الـ 45 *************************************************


وفيه عريف كاتب سعيد القحطاني والجندي اول كاتب سعيد الأكلبي

الثنين هذولا مالهم دخل فيكم ولا لكم دخل فيهم



انا كتبت هالاسماء بس عشان تعرفون من الناس اللي بتعيشون معهم 45 يوم كامله انا اخطيت يوم اني ما سألت عنهم وخويانا اخطوا ما علمونا منهم جينا لناس ما نعرفهم بس انا كتبت عشان تاخذون على الجو وتعرفون هالناس اللي هم بيتكم الجديد .




هذي كتبتها قبل فتره اللي ما قراها يقراها

في حاجه نسيتها


الاشاعااااااااااااااات




لا تسمع لأحد



الـ 45 بتمها كااااااااااااااااااااااااااااااااامله




45 يوم بالتمام والكمال



مصدر موثوق ما مصدر موثوق


عمي فلان وخالي فلان لاتسمع لأحد



الـ 45 يوم بتاخذها كااامله لا تتعب نفسك بالاشاعات

بيض الله وجهك وماقصرت

بالنسبة للفانيلة المموه لو نشتري منها 10.
وكمان اللبس العسكري زي عهدة الحرس ممكن تصورها لنا عشان لما نروح نفصل أو نشتري نكون على معرفة

شكرا لك