ما اعرف كثير بالمشروع بس اتمنى لك التوفيق

الله يوفقك ان شاء الله

الخضار : فيها خير كثيره بإذن الله

بامكانك تروح يومين لسوق في الصباح ( وقت الحراج ) وراح تعرف الاسعار كامله

بالنسبه لشراء جمله , والبيع جمله , اعتقد انت تقصد التصريف على المحلات مباشره

فلا تنسى انهم ( اصحاب المحلات ) يشرون من السوق ايضا , او يشرون من مندوبين مثل (فكرة مشروعك)

جرب البيع على المستهلك الاخير ( اربح لك بإذن الله ) والباقي صرفه جمله

------------------------------------------------------------------------

- فانصحك باخذ فكره عن الاسعار لمدة يومين , وبعدها توجه للمحلات وقلهم انا اجيبلكم بالسعر الفلاني
( حط هامش ربح مناسب لك )
- كذالك المطاعم والبوفيات تحتاج خضار وخصوصا البصل والطماط ( فحاول تتفق معهم على سعر ممتاز )
- اختر اماكن تصريف بعيده عن السوق
- اذا عندك عامل او سواق , حاول تستفيد منه واخذه معك وخله يسوق للبقالات الكبيره والسوبر ماركات ( لان العماله تفضل نفس جنسيتها في التعامل )
- حاول تبداء بكميات قليله لتجربه ( حتى لو تتشارك مع شخص ثاني )
- افضل تسويق من وجهة نظري للخضار عند المساجد بعد الجمعه , وباقي الصلوات
- عندك ايضا التوسيق في الصناعيات ( العماله بتشري منك لانهم بعيد عن السوق )

---------------------------------------------------------------------------

اذا المشروع في بالك , فجرب ولن تخسر شي بإذن الله
بالعكس سوف تكسب خبره ومعرفه اكثر

(( انصحك بدعاء الاستخاره كما ورد عن الرسول صلى الله عليه وسلم ))

بالتوفيق واشوف البداية بالبصل والطماطم افضل التخصص هوبداية النجاح