بدخل بالموضوع على طول

تطلقت من مريض نفسي (مجنووووووون) بعد 3 سنوات تعليق او اكثر

الله يرفع عنه
المهم الولي عليه امه وهي اللي طلقتني ومسويه توكيل لاخوها عليه
انا عندي ولد لا يصرفون عليه ولا مسجلينه بالاحوال كانه مو موجود
الحمدلله احوالي الماديه زينه ومو محتاجه منهم شي مع ان ابو ولدي صاحب املاك وعدنده راتب حلو بس حسبي الله ونعم الوكيل على كل ظالم

انا مشكلتي لي فتره الاحقهم عشان يسجلون ولدي بكرت العائله الاحوال يقولون انتي ايش دخلك ابوه يضيفه او الولي عليه اذا مجنون والولي عليه
ماهمه غير الفلوس انا ايش اسوي ولدي مستحق الروضه ولاني قادره اسجل له
احد عنده حل يسعفني الله يجزاكم خير شورو علي

كان الله في عونك يابنت الحلال مالك الا الامارة
او برقيه للامير المنطقه

جزاك الله خير تتوقع اذا رحت الاماره تنحل المشكله بسرعه
لان الوضع لا يقبل اي تاخير محتاجه الكرت باسرع وقت
ولا كان رحت المحاكم انا خلاص صرت اعرف طريقها

لالا اتركي المحاكم
روحي الامارة ان شالله تنحل امورك
وياليت ماتروحين لوحدك خذي احد معك

جزاك الله خير بجرب يمكن تنحل المشكله

ياقلبي عليك
الله يسخرلك عيال وبنات الحلال ويكفيك شر من لا يخافه
وييسر امورك كلها

ياحياتي انتي لالا تتزعلي ولاتضيقي خاطر الدوونيا ماتسوى كل هالتعب والمذلة احمدي ربك افتكيتي منو وان شاء الله ربي يشفيه ويرده لصوابه وانتي قلبوو اذا جاك خطيب واافقي لاتوقفي حياتي وراك طفل حرام يحتاج حنان الاب حتى لو مو الاب البيولوجي بس اسم ان اب وذكر زيه زيو فهمتي

حبببيتي ثقي تمااما مافي احد مرتاح بحياته لا المتزوج مرتاح و المطلق مرتاح ولا الاعزب مرتاح ولا العزباء الحسناء هههه مرتاحه ياخيتي الدونيا مقر قلق ونكد واكدار على ايه بالله ازعل نفسي ممكن صح من ناحية المصروف لك ولابنك وطالما قلبي انتي عايشة بعز اهلك ليه متضايقه !!!

اعرف ناس قبت بينهم وهم صاااحين ع الاقل انتي زوجك معاه عذر طبي زي ماتقولي مجنون الله يشفيه لكن اللي اعرفهم كبااار ومن عائلة واحد وعاااقلين لكن ابليس طب بينهم وفرقهم وهم اهل وجماعة وعزوة !!!

الله يهديهم ويحنن قلوبهم على بعض ولايبلانا

يعني انتي احمدي ربك دايم حتى السراء عشان يفرجها لك في الضراء خليك شكووره قنووعه حتشوفي الخير بحياتك ان شاء الله

وباذن الله يكبر ولدك وويعزك وتشوفي عياله وحواليك زي الكتاكيت الحلوووين وتنسي كل شىء ففي هالدنيا ضايقك

^^^^
ههههه نينا جزاك الله خير مسكتي خط بالنصايح
البنت تبي حل عشان يضيفون ولدها بالاوراق الرسمية ولا الأمور
الثانية واضح ماهمتها الله يعوضك خير أختي وجهاوية وتسجلين ولدك
بأسرع وقت طيب شوفي مايكتفون بشهادة الميلاد وشهادة التطعيم
بيني وبينك ولا يدري أحد أختي مابعد أضافها أبوي للحين وسجلناها عن
طريق شهادة الميلاد لان موجود فيها كل المعلومات المطلوبة عاد مدري
عنكم روضتكم سمحين مثلنا ولا لأ الله يعينتس ويبلغتس بوليدتس يارب
أنتي حاولي قبل تنتهي فترة التسجيل.

الله يسهل امرك ويعوضك خير