كيف حالكم ياجماعة الخير

موضوعي باختصار انا عندي كم درهم واريد اشغلها
واستقريت اخيرا اني اشتري وايت ماء واعمل فيه بنفسي او ادور لي سواق المهم

اخوكم لايفقه شي عن الشاحنات ومواصفاتها واخاف اتخوبر في وحدة منها
طلبي منكم الله لايهينكم

ايش احسن مواصفات للوايت ؟ من موديل , ومكينة , وقوة , وحجم ......

ماهي اسعارها ؟

اين تباع الوايتات في المنطقة الغربية ؟

اين أفضل مكان لتفصيل تانكي الماء في المنطقة الغربية ؟ " في حال رغبت في التفصيل "لو يكون قريب من المدينة افضل

ماهي الأشياء التي اركز عليها في الشاحنة وأكشف عليها عند الشراء ؟


واخيرا الله الله فيني ياجماعة الخير تكفون .

موفق خير
يجي من يفيدك
ونا ابي اسال واشوف

السلام عليكم ورحمة الله
انا انصحك تاخذ لك وايت *** ال بي موديل تسعين او واحد وتسعون مرسدس
السواقين يرغبونها وحمولتها اكبر احسن لك وقيمة النضيف تجدة مابين 160الي180
اهم حاجة تاخذ سيارة نضيفة والله يوفقك.

موفق ..ان شاء الله

الاخوان " مالقيت وظيفة - رجل اعمال مبتدى - من جدوجد - مستشار المحبة "

الله لايهينكم ماقصرتوا ورحم الله والديكم

صراحة انا في عازت النصيحة لأني خايف احط قريشاتي في المعدات وتروح لأني صفر على الشمال .

بس سؤالي لرجل اعمال وش اسم المعارض وين موقعها بضبط لاني ناوي اخذ عمرة إن شاء الله وبحاول امر على المعارض بس ماأعرف موقعها .

وش رايكم براس ايسوزو جديد او متسوبيشي او جاك طبعا جديده ماتدرون كم اسعارها لان راس المرسدس الجديد ب ٣٣٠ الف وكالة
عندي رغبه بوايت وناقصني معلومات خصوصا ان الجديد يريحك من الخرابات وبنكد عليه

بالتوفيق ان شاء الله
وعندك افضل سوق بالغربيه سوق مكه
والتوانك اللي اعرفه بجده
واذ1 تبغى المدينه فيه السراني بالمشهد

عقبال الوظيفة يا " مخلص الثانوية "

شاكر لك مرورك

انا رحت المعارض لكن للأسف المعروض قليل جدا في المدينة
واللي ماسكين الشغلة شيابنا "الله يطرح فيهم البركة "

لكن والله مايعطونك العلم الصحيح كل ماتسأل عن شيء يقولك " والله ماأدري السيارة قدامك "
طيب ياعم الشاص اساس ولا موصل " ما ادري "
طيب فيها صدمة ولا شيء " روح شوف "
بصراحة تعبت وأشغلت الناس خصوصا اني مافهم شيء في التريلات واخاف اخذ شيء ويجلس عندي كوم حديد
انا اريد وايت شغل وامش

يـاخوي تبي الشـور والعـلم اللي مابعـده والشيـك اللي بيدك متـى مابغيـت تصرفـه مايحيرك

خـذ لك عـايدي 24 مكينتــــه من موديــل 80 ليـن 85 وطبعـا فيـه موديلاات فوق واغلبهـاا تجي عليها تـانكي 12 متــر اهم شـي نظافة الموتر ولايكون الشاص موصـل يعني كـل مافيه شد بــلد من بـودي لاخــره وبالنسبـه للتوانك افضلهم مغـلي الحرربي والبـااشـه بمكـــه وتفصيل التانكـي مايزود عن 15 الــف وبالنسبـه للوايـت النظيف وشد البـلد يصـل 250 الــف وانـت نازل بس عزالله لاطبيـت بالنظيف عـده انــه شيك بجيبك متى مابغيـت تبيعـه قيمتـه فيـــه واي خدمــه رهـن اشـارتـك ومايردك الا لسـانك