تأسس الموقع عام
2006
Site was established in 2006
قسم مشاريع وأفكار ممنوع مواضيع المساهمات او المشاركة |
أضف رد |
|
LinkBack
![]() |
أدوات الموضوع
![]() |
انواع عرض الموضوع
![]() |
|
|||
ياأخي الفاضل بالنسبة للشغل على الليموزين له سلبيات وله إيجابيات نبدأ بالإيجابيات يساعدك على إدخار مرتبك الشهري لانه يوفر لك مصاريفك اليومية يعني ينفع للموظف والي يبغى مصاريفه اليوميه بإمكانك اذا ركبوا معك الزباين تاخذ منهم معلومات عن مجال شغلهم مثل عمال المقاولات وغيرهم عسى يجلونك على مشروع والسلبيات الدوام طويل 7 ساعات و لو عملت عشر سنوات وش بتستفيد خبره؟ يعني عرفت الطرق طيب وش الفايده هذا المشروع ماتكبر فيه مافيه خبره لو تخرب عليك السيارة جلست عندها وخاصه اذا كنت طفران ولو انك اشتغلت بشغله افضل بتكبر مع الايام وتتطور وتكون عندك خبره ومعارف غير شغلة الليموزين الي مافيها كل هالأمور وهذا اللي طرا على بالي الآن الله يرزقني واياكم والمسلمين آمين |
|
||||
التعديل الأخير تم بواسطة Be patient ; 09-06-2012 الساعة 12:15 PM |
|
|||
اقتباس:
اقتباس:
من ناحية اني بأشتغل عليه 10 سنوات ما فيها أمل هذي .. وأنا قلت من البداية إن الليموزين نقطة البداية لمشاريع كبيرة في راسي أخطط لها .. والليموزين يكون عملي عليه لمدة سنة وحدة فقط .. والهدف من السنة جمع راس المال للمشروع اللي أخطط لتنفيذه بعد سنة من الآن .. فراتبي 4000 ريال فقط لا غير .. ولا أقدر أدخر منه مبلغ وقدره 100,000 ريال خلال سنة يعني يبيلي أقل شيء 5 سنوات عشان اجمع هالمبلغ لو اعتمدت على راتبي فهدفي من الليموزين جمع راس المال فقط لا غير وبما أن الليموزين بيكلفني 20,000 ولكنه بيطلع لي أكثر من قيمته بعد سنة .. يعني راح يفيدني بجمع راس مالي .. وأنا ما في رصيدي غير هالـ 20,000 ريال .. وبأستثمرها في الليموزين كبداية وبأشتغل عليه لمدة سنة وحده فقط .. وبعدها بأبيعه وبأضيف قيمته مع اللي جمعته .. وبكذا اكون كونت راس مال كحد أدنى 70,000 وبحد أقصى 100,000 من الليموزين وهذا هدفي منه لا أكثر أما المشاريع كثيره وأولها مشروع تجاري كبير يحتاج راس مال .. ولكن لا يوجد سيوله ولا أريد أن أدخل في الديون من البداية .. ويمكن الاقي صعوبات في البداية من الليموزين ولكن مع الوقت ان شاء الله اتعود .. وهدفي منه هو جمع راس مالي لا أكثر ..ومتى ما جمعت راس المال بعد سنة أو سنة ونصف أهم شيء اجمع راس المال وبعدها بأبيع الليموزين والحمدلله منها خذيت خبرة في شغله كنت جاهلها ومنها على قولتكم تتعرف على عمال وناس يركبون معك .. وامر الصدمات ان شاء الله يكون لها حساب ثاني ومن توكل على الله فهو حسبه لكن أخوي Be patient كم كان دخلك من الليموزين بالضبط في وقت الليل ؟ يعني بمعدل كم , 50 , 60 , 90 , 100 ؟ كم بالضبط .. لأني سألت أكثر من واحد يقول في الليل لا يقل عن 100 .. والصباح اكثر ولكن ابغى اتاكد منك ومن غيرك .. لان يمكن يكون فيه اوقات يدخل 50 واوقات يدخل 100 او اكثر مثل الخميس والجمعة .. وما ادري وش تقول .. وياريت تنصحني من اللي واجهته في عملك على الليموزين يعني وش فوائده ووش اضراره ومافيه شيء الا وفيه فايده وفي اضرار ولكن غير الصدوم والتعب .. دعواتكم .. -- التعديل الأخير تم بواسطة الجارح الحر ; 09-06-2012 الساعة 06:12 PM |
|
||||
انت تقول عندك 20000 ريال بحسابك طيب افتح بها مشروع مثلاً بوفية (سندوتشات وفطائر وفلافل)او (حلاق بنقالي باكستاني) واجر المحل على العامل بـ 1000 ريال مثلا صافي بالشهر مثلاً والباقي علية اجار وكهربه وموية والعدة تشتريها من حراج بن قاسم بأرخص الأسعار وركز على الموقع يكون قريب من احياء العمالة والاحياء البسيطة كلهم راح يكونون زبائن. |
|
|||
اقتباس:
حياك الله اخوي أولا اخوي , انا ضد عملية التستر والإتكال على الغير وخصوصاً العمالة .. والود ودي أني أمحي وجه كل أجنبي يعمل على حسابه الخاص او بإتفاق بينه وبين مواطن في بلدنا وثانياً .. أنا ابغى أسس نفسي بنفسي من البداية والحمدلله عمري 24 وتوني متخرج وفي بداية الطريق .. وطموحي أعلى من اني اخذ محل وارميه على عامل هارب واحط رجل على رجل واقول هات لي 1000 ريال وهو يطلع من المشروع 10,000 ريال شهرياً .. وهذي اللي قال عنها العم دماغ "لا تصير شليويح" يغريك العامل بفتات بهدف الراحة وياخذ القسمة الأكبر له ولأشكاله .. ومن ناحية الشغل الثاني , هي فكره جيدة ولكن انا ابي ادخل مع الناس واختلط بهم في الليموزين منها اسولف معهم واخذ خبراتهم في مجال الاعمال ويفيدوني كثير في الكلام وخصوصاً الاجانب اللي لهم خير هالبلد ومستفيدين منه وأحنا اعتمدنا على الوظايف .. لأني ناوي على مشروع تجاري براس مال من 60,000 الى 100,000 ريال بعد سنة وقاعد أخطط له ومع خبرات اللي بيركبون معي بيزودوني بعلومات اكثر .. فاللموزين هدفي منه جمع راس المال واخذ الخبرات والتعرف على الناس .. وبكذا صفقت اكثر من عصفور بحجره وحده .. ولكن ليتكم تفيدوني بمدخول الليموزين في الليل من 5 - 12 م في الرياض .. كم معدل الدخل في هالوقت للي جربو عمل الليموزين وشاكر لكم جميع -- |
|
||||
[align=right] |
|
||||
انت فهمتني خطأ من ناحية تأجير المحل على العامل وانا لم اذكر بتاتاً موضوع التستر على العامل |
|
|||
اقتباس:
انا رديت عليك بكل نقطه بحكم خيرتي الطويله في الليموزين وحياك الله لأي استفسار |
|
|||
]انصحكم عن هذه الفكرة الفاشلة جدا |
أضف رد |
(( لا تنسى ذكر الله )) |
|
|
|