الشغل على الليموزين .. يا أصحاب الخبرة فيدوني ضروري ..

الجارح الحر · #1 (**permalink**) 08-06-2012, 02:57 PM

السلام عليكم ورحمة الله وبركاته

حياكم الله جميع

..

أخواني

حبيت أستفسر عن مشروع سيارة الليموزين , أعمل عليه من الساعة 5 - 12 الليل ..

طبعا انا موظف من الساعة 7:30 ص الى 3:30 م .. وخميس جمعة صباح وليل فاضي ..

ومعي مبلغ حول 20,000 ريال , وناوي اشتري ليموزين مستخدم وأكد عليه بشكل يومي من الساعة 5 الى 12 الليل .. طبعا أنا في الرياض ..

ولكن ما عندي خلفية عن المشروع ككل ..

فحبيت استفسر عن :

كم دخل الليموزين اليومي من 5 العصر - 12 الليل .. كم يكون الدخل بالتحديد ؟

وش سلبيات الليموزين وإيجابياته ؟

ووش الافضل في الرياض الأوتوماتيك او العادي للشغل ؟

وهل مثل ما يقولون أنو لما يشوفوك سعودي ما يركبون معاك , أو العكس ؟

وهل يوجد سلبيات من ناحية الركاب , او الوضع متفاوت ايجابي وسلبي ؟

وهل العمل على الليموزين في الرياض يحتاج خبرة في الشوارع والاماكن او يكون الوضع على التوصيف .. "لأني ناوي اركب جهاز ملاحة في السيارة , فهل هالطريقة جيدة بظنكم ؟

--

للي عنده خلفية عن هالمشروع لا يبخل علي ..
لأني أبي اسوي دراسة عن المشروع بشكل كامل ..
وناوي أجمع مبلغ وقدرة 100,000 ريال من هالمشروع ومن مدخر راتبي بالجمع بينهم خلال سنة من الآن ..
لأني ناوي على مشروع ثاني .. ومنها الزواج لأني عزوبي ..

والليموزين نقطة البداية ..

فـ وش تنصحوني ووش رايكم في المشروع
وياريت تردون على استفساراتي لأني ناوي أشتغل بإذن الله عليه

--

الجارح الحر · #2 (**permalink**) 08-06-2012, 03:22 PM

مافيه أحد !!

تاجر بخيالي · #3 (**permalink**) 08-06-2012, 04:30 PM

يجي من يفيدك إن شاء الله

بالتوووووووفيق

انا عاطل 6 · #4 (**permalink**) 08-06-2012, 08:05 PM

والله ياخي حالي من حالك .. دوامي من 8 الى 4 .. وافكر اخذ تكسي واشتغل عليه من خروجي من دوامي الى الساعه 12 الليل و اتعشى وانام

انا من وجهة نظري فكرت فيها تفكير عقلاني 20 الف واشتري فيها سياره تكسي بكل الاحوال ماراح اخسر شي الا اذا قدر الله السياره تكون خراباتها واجد هنا مشكله .. ولكن اذا فكرت فيها من 5 الى 12 = 7 ساعات

طيب نحسب 7 ساعات نقول كل ساعه مشوارين = 14 مشوار اذا قلنا المشوار من 10 ريال = 140 ريال باليوم الواحد .. بالشهر = 4200 ريال

انا حسبتها على اسوء الامور تحسبا يعني .. ولكن اتمنى من لهم خبره في الموضوع او جربوا هالمهنه يفيدوننا لاني مثل حالتك افكر بشكل جدي جدا

تقبل مروري

النااااايف · #5 (**permalink**) 08-06-2012, 08:58 PM

والله المشروع جيد جدا دخلك في اليوم مايقل عن 300 ريال وبقترح عليك حاجه
اطبع لك كروت اكتب فيها اسمك ورقم جوالك واكتب على الكرت TAXY
<<الطريقه تضمن لك زباين يتعاملون معك باستمرار +اعرف واحد مسوي الحركه ذي ماجبتها من راسي *ـ*
ـــــــــــــ
الله يوفقك .

شقيف · #6 (**permalink**) 08-06-2012, 09:00 PM

اقتباس:

المشاركة الأصلية كتبت بواسطة الجارح الحر

السلام عليكم ورحمة الله وبركاته

حياكم الله جميع

..

أخواني

حبيت أستفسر عن مشروع سيارة الليموزين , أعمل عليه من الساعة 5 - 12 الليل ..

طبعا انا موظف من الساعة 7:30 ص الى 3:30 م .. وخميس جمعة صباح وليل فاضي ..

ومعي مبلغ حول 20,000 ريال , وناوي اشتري ليموزين مستخدم وأكد عليه بشكل يومي من الساعة 5 الى 12 الليل .. طبعا أنا في الرياض ..

ولكن ما عندي خلفية عن المشروع ككل ..

فحبيت استفسر عن :

كم دخل الليموزين اليومي من 5 العصر - 12 الليل .. كم يكون الدخل بالتحديد ؟

وش سلبيات الليموزين وإيجابياته ؟

ووش الافضل في الرياض الأوتوماتيك او العادي للشغل ؟

وهل مثل ما يقولون أنو لما يشوفوك سعودي ما يركبون معاك , أو العكس ؟

وهل يوجد سلبيات من ناحية الركاب , او الوضع متفاوت ايجابي وسلبي ؟

وهل العمل على الليموزين في الرياض يحتاج خبرة في الشوارع والاماكن او يكون الوضع على التوصيف .. "لأني ناوي اركب جهاز ملاحة في السيارة , فهل هالطريقة جيدة بظنكم ؟

--

للي عنده خلفية عن هالمشروع لا يبخل علي ..
لأني أبي اسوي دراسة عن المشروع بشكل كامل ..
وناوي أجمع مبلغ وقدرة 100,000 ريال من هالمشروع ومن مدخر راتبي بالجمع بينهم خلال سنة من الآن ..
لأني ناوي على مشروع ثاني .. ومنها الزواج لأني عزوبي ..

والليموزين نقطة البداية ..

فـ وش تنصحوني ووش رايكم في المشروع
وياريت تردون على استفساراتي لأني ناوي أشتغل بإذن الله عليه

--

بحكم الخبرة سابقا

اول شي الله يوفقك

ثانيا خذ لك قير اتوماتيك اريح لك وخاصة زحمة الرياض

السلبيات والايجابيات واجد وكل بضاعة ولها شرااي

الخبرة اكيده ( الاختصارات )

واهم شي ابعد عن المناطق المشبوهه اللي بالرياض

وابعد عن تضليل السيارة واهتم بـ بالنظام

اذا بغيت تعرفها راسلني ع الخااص

الجارح الحر · #7 (**permalink**) 08-06-2012, 11:44 PM

اقتباس:

المشاركة الأصلية كتبت بواسطة شقيف

بحكم الخبرة سابقا

اول شي الله يوفقك

اقتباس:

المشاركة الأصلية كتبت بواسطة شقيف

ثانيا خذ لك قير اتوماتيك اريح لك وخاصة زحمة الرياض

السلبيات والايجابيات واجد وكل بضاعة ولها شرااي

الخبرة اكيده ( الاختصارات )

واهم شي ابعد عن المناطق المشبوهه اللي بالرياض

وابعد عن تضليل السيارة واهتم بـ بالنظام

اذا بغيت تعرفها راسلني ع الخااص

مادام عندك خبرة سابقه ليتك تفيدنا هنا على العام
افيد للجميع .. ولك الاجر باذن الله

انا سمعت ان دخله في الليل لا يقل عن 100 ريال

وهذا اللي شجعني عليه وقلت اخذ لي كامري 99 ب 20,000 واكد عليها لمدة سنه

وراتبي 4000 كل شهر بأخصم منه 3000 بأحوشها وأدخرها
ومصروفي بأخليه 1000 ريال من الراتب .. يعني يكون مصروفي اليومي 30 ريال او اكثر شوي .

وأنا عزوبي وبأتحمل شوي ..

فقلت لازم اني أطلع من الليموزين 120 ريال كل يوم بالمساء يعني 3600 كل شهر ونخصم منه حق الزيت والصيانة قول 200 ريال = 3400 كل شهر من الليموزين ..

وطبعا البنزين يكون من مصروفي الـ 30 ريال يعني اعبي ب20 ويصفى لي 10 اعبر نفسي بها ..
والأكل في البيت عند الأهل ..

يعني يكون المجموع الشهري من الليموزين ومدخر الراتب = 6400 ريال اودعها في البنك كل شهر ..

ونضربها في السنة : 6400 * 12 = 76,800 ريال .. بعد سنة من الآن يكون هالمبلغ متوفر عندي
وبعد كذا مفكر اني ابيع التاكسي قول ب17,000 ريال ..
17,000 + 76,800 = 93,800 ريال صافي في الحساب بعد سنة من الآن ..

يعني انا مخطط على 100,000 بس تعتبر هالحسبة جيدة .. ويمكن يكون الدخل أكثر من 120 ريال في اليوم من الليموزين وبكذا اكون حققت اللي ابيه ..

وبكذا كونت راس مال جيد لبدء المشروع اللي راح اخطط له

وأنا عندي سيارتي الخاصة صغيرة اعبر نفسي بها .. لحد ما يتدبل راس مالي في المشروع الجديد ..

بس انا ابغى من اصحاب الخبرة يفيدوني والآخرين أكثر من ناحية الليموزين بشكل عام

يعني هل بالفعل اقدر ادخل منه 120 ريال صافي في وقت المساء من 5 - 12 الليل ؟

ووش أفضل سيارة تشوفون أنها جيدة للشغل وماتصرف بنزين , على مدى سنة .. كامري, سوناتا, انترا, وش الأفصل والعملي لمدة سنة ؟

ياريت تفيدونا أكثر من واقع ممارستكم العملية ..

ولكم الأجر بإذن الله ..

شفاوي · #8 (**permalink**) 09-06-2012, 02:21 AM

بالتوفيق والى الامام ....................

مالقيت وظيفة · #9 (**permalink**) 09-06-2012, 08:07 AM

اخوي التكسي فيه مبلغ اكثر من حسبتك في اثنين اعرفهم كنت اخليهم يتنافسون من يجيب اكثر
واحد منهم كان الايقل دخل عن 300 يومي بعد خصم البنزين ويفلل اليسارة بنزين مرتين
ثاني شيء اللي معه تكسي مايطفر تبي تشحن جواللك خذلك لفة اخذه وتوكل على الله