السلام عليكم

كيفكم وش اخباركم ..

ماعلينا .. ارسلو لي رساله حافز يوم الخميس الساعه 12:58م

نأمل من المستفيد المنتهي هويته 03018 أن يقوم بتسجيل الدخول عبر موقع حافز
خلال اليومين المقبلين تفاديا لخفض المخصص المالي ..

والحين توني دخلت صفحتي ( 10:40 الجمعه ) التاريخ اليوم ميلادي 8 / 6
يوم دخلت اخر دخول يوم 1 / 6 !!

تتوقعون يخصمونها مني ولا قالوا خلال اليومين المقبله
ولا تعديت الـ 7 ايام !!

* قد احد خصمو منه وارسلو له رساله ؟

الله يستر عليتس ياارب

طيب اخر مرة يوم دخلتي 1 / 6 كم كانت الساعة

وعليكم السلام

الرساله للتنبيه

لكن انت مادخلت الا بعد اليوم السابع عاد مدري صادوك والا باقي

الان وصلتني رساله من حافز

سيتم تخفيض اعانة حافز للمستفيد المنتهيه هويته بـ 7652

بمقدار 200 ريال ابتداء من الدفعه القادمه نظرا لعدم تسجيل الدخول لموقع حافز كل 7 أيام

الحل انك لازم تحدث بياناتك كل اسبوع

عشان مايزيد الخصم

لألألألألألألألألألأحول ولألألألألألألألأقوة

لإلإلإلإلإلإلإلإلإلإلإلإ بالله ما مدانا نخلص من كاميرة

ساهر تجينا كاميرة حآآآآآفز آآآآوف منهم بسسسس

اجل ماصادوني الحمدلله .. بالنسبة يوم تاريخ 1 / 6 الظاهر سجلت دخولي الساعه 6 المغرب ( بتوقيتهم 18 )

اقسم بالله جاني هزة بجسمي قبل شوي اذكر وانا اتعشى جتني رساله ونسيتها
ويوم قريت الرد حق اخونا الرقيب فيصل وانقز ادور للجوال واقول الله يستر الله يستر
واخرتها يتم تجديد اشتراك بالبلاك بيري اوووووووووووووووف الحممممدلله بس

الظاهر اني لحقت اخر ساعه من عملية التحديث وان شاء الله ماصادوني
جعلهم ينصادون في اقرب ماصورة كهرب


الاخوان اللي فوق انا ولد

الان طبحت رساله خصم من حافز لاختي دخلت وحدثت بس وصلتني رساله بعد التحديث بنص ساعه


صادووووه يعني