عندي حل نحدث قبل يوم الاحد معناها يوم السبت ونحذث الاسبوع الجاي يوم السبت

مع تحديث يوم الخميس أيضا معناها أحدث يومين بالاسبوع السبت والخميس عشان مايكون لهم حجة في الخصم طريقتي صحيحة ولى لا

السلآم عليكم


صبآحكم رضآ وطآعه

وصلتني رسآله من حآفز
آنو سيتم تخفيض الإعآنه ابتدآء من الدفعه القادمه لمرور 7 ايآم من تاريخ 1433/8/15

وربي آنآ دخلت يوم الثلآثآء 1433/8/20
حتى وقتهآ ماظهرت لي رسالة تسجيل الدخول اللي دايمآ تظهر ورجعت مرا ثانيه نفس الشي
وقولت يارب ماينقصوا رمضان ع الابواب وكانت خانة الدخل موجود فيها 862 يعني ح ينزل لي 1138ريال لأنو الشهر الثاني خصم 500 وكل شهر يخصم 72ريال
هذا كله ع 800 حقت الضمآن


وطبعآ بيتسلف مني 200 والباقي 938ريال

عآد آنا قولت يتهنى فيهآ ومآبغآه يرجعهآ اقلهآ يدفع راتب الدعم الفني للموقع الخآيس

السلام عليكم ..

بدخل في الموضوع ع طول .. الله يسلمكم الشهر اللي فات خصموا مني 200 ريال بحجة اني مااحدث اسبوعيا وانا كل اسبوع احدث وماعمري نسيت .. ومع ذلك نقصوا مني قلت معليه الحين من كم يوم ساروا يرسلوا رسائل التذكير بشكل مزعج وانا حدثت من قبل مايرسلوها وانا متعوده كل ثلاثاء احدث وبعد ماحدثت وسويت تسجيل خروج جاتني رسالتين لو ماحدثت قبل انتهاء يوم الخميس رح يم تخفيض الاعانه

طيب لمتى الاستخفاف فينا ؟ لمتى المهزله اللي نشوفها كل يوم اشغلوا المواطنين بأنظمتهم الله يشغلهم في نفوسهم يارب .. اللي توفر لها نت شهر مابيتوفر لها الشهر اللي بعده ليش التضييق على خلق الله وليش التعسير في امور التحديث ؟ ليش ماتنزل الاعانه لكل مستحق ومستحقه بدون تحديث وبدون ذل واهانه وبدون رسائل وعيد وتهديد ؟

ليش المواطن صار يحس نفسه بلا قيمه في هالبلد ؟

يعني اش الفائده الذهبيه اللي بتفيدهم لو حدثنا كل اسبوع ؟ ولا الشغله لعب بعقولنا ؟

الحين قولوا لي اش اسوي اتصل بكره والا ارفع تظلم ؟ ..

والله صدق بس بيلعبون باعصابنا يخافون نموت وتنزل لنا عشان كذا اسبوعيا نحدث,

اتصلي على رقمهم وقدمي اعتراض والله ييسرلك ,

من جدكم التحديث كل ثلاث ايام ؟

مو يقولوا كل سبعه ايام تحديث .. وهم شغالين فيني خصم الله لايوفقهم ويشغلهم في نفوسهم يارب شوفوا كم حيطلع لهم لوخصموا من الكل 200 حيطلع لهم مليون وشويه

الحين رح يتم الخصم كل الشهور والا بس مرة وحده؟

اسمعو كلكم

لازم تقدمون اعتراض وتراسلون الصحف

لان هالتحديث ظلم وضغط علينا

فكرة التحديث فكره ظالمه من عدة جهات

مافكرو بالظروف

مافكرو بالناس اللي ماعندهم اتصال ولا نت

مافكرو بالناس اللي ماعندها اجهزه لولا مساعدة اقاربهم كان انخصم عليهم من بداية قرار الخصم

واللي عندهم نت انهكو تفكيرهم وحالهم بسالفة التحديث كل يوم او ايام

قدمو اعترررررررراض ولا تسكتون ووصلو اصواتكم للصحف

هالحال ماينسكت عليه

اتمنى لكم التوفيق

الله يكون بعونا وعونكم

متابعتكم من خلف الكواليس

من جد لازم توقفوا صف واحد ضد حافز واهانته وذله

لازم يوصل صوتكم للملك هو اللي راح ينصفكم بعد الله

شوفوا الملك وينه بالرياض والا جدة واتحدوا واعرضوا مشكلتكم وتظلمكم

مو كل واحد يعتمد على الثاني لا كذا غلط

اتحدوا ووكلوا واحد عنكم ويكتب معروض ويعرض المشكلة ويكتب كل سلبياتها وان التحديث كل اسبوع مشكلة

والاسباب

وادخلوا على الملك والله انه ينصفكن ويلجم لسان وزارة العمل وصندوق الموارد

اتحدوا شباب وبنات وادخلوا على الملك بدون عمل مظاهرات ولا شوشره

ادخلوا على ابو متعب ملك القلوب ربي يطول بعمره ويعافيه واشكوا له تظلمكم

ادخلوا على الملك مطالبين بحق من حقوقكم

صدقوني السكوت كذا ماينفع وقسم

الميتين اللي تنخصم عليكم وين تروح علموني بالله وين تروح

تتوقعون ترجع لوزارة المالية اتحدى

تروح كلها للكروش والبطون

انتبهوا تسكتوا

ادخلوا على الملك بكل ادب واحترام مطالبين بحقوقكم

ااااااه ياقهري

وين المسؤولين عنكم ليه محد ينصفكم وينصفنا

ليه الكل واقف في صف وزارة الهمل وصندوق الموارد

استفردوا فيكم والمسؤولين نايمين في العسل والا مصيفين في سويسرا ولندن

حسبنا الله ونعم الوكيل بس