بخصوص وظائف جامعة الدمام

متنيل · #1 (**permalink**) 10-06-2012, 06:17 AM

مرحبا شباب وبنات ...

بالبدايه هذي اول مشاركه لي بالمنتدى ..واتمنى الكل يستفيد مني واستفيد منكم ان شاء الله ..

بخصوص وظائف جامعة الدمام اللي من ضمنها مشغلين حاسب آلي ومرمجين حاسب آلي ..

انا حاليا موظف قطاع خاص ولله الحمد ..ومعاي دبلوم سنتين تقنية شبكات ...وعملي كله يختص بالخوادم الكبيره واصلاح اعطالها واعدادها للمستخدمين ..وعندي خبره في اليونكس ..وكمان الويندوز ..7سنوات خبره ولله الحمد ..
وحاب اتقدم على هالوظايف ...
بس احترت ...مبرمج حاسب آلي او مشغل حاسب آلي ..؟
ناس قالوا لي مبرمج هو حقين قواعد البيانات وغيرها
ومشغل حاسب آلي هي نفس شغلتي تقريبا ..ومحتار ..

هل فيه احد قدم على مبرمج قبل وبعدين اعطوه دورات والا وش السالفه ...

وكمان عندي سؤال ..هل لازم اجيب شهادة خبره من الشركه ...والا بس اكتفي ببرنت من التأمينات الاجتماعيه ..؟
هل يحتاج اقدم سيرتي باللغه الانجليزيه ..؟ والا مايحتاج سيره وخرابيط ...

ارجووووووووكم افيدوووني

متنيل · #2 (**permalink**) 11-06-2012, 05:40 AM

معقوله محد عنده خبر ياشباب ...
ارجوكم افيدونا ....

الله يوسغ في رزقكم ..

زحمه مشاعر · #3 (**permalink**) 11-06-2012, 05:59 AM

هلا اخوي منتيل ترى التقديم عن طريق الجامعه بنفسها تروح لها وتقدم وانت هناك تسال الي يبونه وانت لما تروح خذ كل شي معك احتياط لانه مافي تسجيل عن طريق النت وشكـرا

متنيل · #4 (**permalink**) 11-06-2012, 06:04 AM

اقتباس:

المشاركة الأصلية كتبت بواسطة زحمه مشاعر

هلا اخوي منتيل ترى التقديم عن طريق الجامعه بنفسها تروح لها وتقدم وانت هناك تسال الي يبونه وانت لما تروح خذ كل شي معك احتياط لانه مافي تسجيل عن طريق النت وشكـرا

هلابك يالغالي ..المشكله ان وقتي ضيق مره ..مابي اروح هناك ويقعدون يتفلسفون علي كانني بقدم على شركة ارامكو ..
اعلانهم مو واضح ...

ياليت احد من الشباب يسئلهم ...اذا لازم شهادة خبره من الشركه ..او بس برنت من التامينات ...

واذا فيه مجال نقدم على وظيفتين في نفس الوقت ..

زحمه مشاعر · #5 (**permalink**) 11-06-2012, 06:09 AM

صح كلامك اخوي اعلانهم مو واضح بس ايش تسوي امرك لله انك تعطيهم اي شي عندك اهم شي انك تسجل عندهم وياخذون اوراقك انا ولله قريت شروطهم لازم كل شي معه خبره مستغرب

مبارك الظفيري · #6 (**permalink**) 11-06-2012, 01:40 PM

يا شباب أنا عندي دبلوم كلية التقنية تخصص دعم فني مع الرخصة الدولية ICDL مع دورة سيسكو IT بدون خبره

أقدر أقدم على كاتب أو مشغل حاسب

وجزاكم الله خير

فرويد البطاله · #7 (**permalink**) 11-06-2012, 06:04 PM

اقتباس:

المشاركة الأصلية كتبت بواسطة متنيل

وكمان عندي سؤال ..هل لازم اجيب شهادة خبره من الشركه ...والا بس اكتفي ببرنت من التأمينات الاجتماعيه ..؟
هل يحتاج اقدم سيرتي باللغه الانجليزيه ..؟ والا مايحتاج سيره وخرابيط ...

ارجووووووووكم افيدوووني

مساء الخير متنيل ومساء الخير على الجميع مساءاً لا أخص به أحد دون أحد .

عزيزي متنيل :

لابد لك أن تأتي بشهادة خبره من الشركة حتى يتضح للجنه مسمى الوظيفة التي انت عليها الأن .. بحيث أن برنت التأمينات يوضح لك مدد الأشتراك فقط بدون ايضاح تفصيلي ... اي إن هذا البرنت فقط إثبات لشهادة الخبره التي تحملها ..

أما بالنسبة للسيره لايحتاجون لها ..
1- مؤهلات
2- دورات
3- الخبرات
4- أصل بطاقة الأحوال وصوره منها
مع إحضااار الأصل للمؤهلات والدورات والخبرات ..

أما يامتنيل كونك تقدم على وظيفتين بنفس الوقت فهذه من المحرمات لدى لجنة القبول ..

ـــــــــــ

مبارك الظفيري :

هنالك شرووط لوظيفتي الكاتب ومشغل الحاسب الآلي اطلع عليهما من خلال بنر الوظائف في موقع الجامعه ...

واي استفسار انا تحت الخدمه ..
~ مخالف ~

محمية الاسود · #8 (**permalink**) 12-06-2012, 04:48 PM

هل هناك احد لدية تجربة في التسجيل

youseef_sa · #9 (**permalink**) 12-06-2012, 05:01 PM

أنا أضم صوتي لمتنيل وش الفرق بين وظيفة مبرمج و مشغل حاسب وياريت اللي عنده أي أسئلة اختبار لوظيفة مبرمج يكتبها هنا ليستفيد الكل أي واحد عنده أي فكرة عن أسئلة وظيفة المبرمج

الله يوفق الجميع