[align=center]بسم الله الرحمن الرحيم

اشكر كل من ساهم في هذا المنتدى سوا من مشاركات او مواضيع
انا الحمدلله جزمت وتوكلت على الله افتح مغسلو ملابس والموقع جاهز الحمدلله لكن عندي بعض الاسئله

1- ما الافضل بالنسبه للمعدات .. جديده ام مستعمله ؟
2- افضل جنسيه للعماله . الهنديه ام الباكستانيه ؟
3- افضل الالوان للجدار الداخلي والديكور ( عن نفسي فكرت بديكور بني ) ؟
4- ابي ديكور مميز وغير تقليدي وياليت تساعدوني بصور ؟
5- فكرت بخدمة الشخص في سيارته وكذلك توصيل للاماكن القريبه . ماهي افكاركم الاضافيه والجديده والمميزه؟
6- ابي نصايح عامه او اي افاده لي لم اسال عنها ؟

وجزاكم الله الف خير [/align]

الله يوفقك اخوي

بالنسبة للمعدات لاتستعجل ودور بالسوق زين .

حتلقى معدات لمحالت لم يحالفها الربح وتريد بيع المعدات ( زي ماتقول تقبيل )

او تشوف مستعمل وشوف الجديد انت كشخص حـ تبداً تجاره فكر في كل ريال حـ تصرفه

( اتعب في البداية عشان ترتاح في النهاية )

بالنسبة للعماله الهنديه كويسه ولكن اصحاب الخبرة لهم دور

بالنسبة للتوصيل انا اقترح لو ان قيمة الغسيل عبارة عند فرش وسجادات وقيمته فوق ال 100 ريال

لان ربح الغسل مايعادل اشتري سياره واوصلها ماتسوى حتى قيمة البنزين

وووبالتوفيق

الله يعطيك العافيه وبانتضار البقيه

استغفر الله

وانا بعد عزمت وتوكلت على الله

لكن ماعندي مكان جاهز حتى الان


ابحث عن موقع بشرق الرياض

المونسيه - اشبيليا - اليرموك

بما انك جديد في الشغله .. شف لك مغسله مستعمله للتقبيل واشترها وراح تدخل مجال المغاسل بهذي ألطريقه
ولا تغامر بشراء المعدات الجديدة الا بعد البحث عن الموقع المناسب ..اي مغسله ناجحه يدل ذلك على الموقع الجيد ..
بالنسبة لديكور المغسله ابتعد عن الألوان القاتمه واعتمد على الألوان الفاتحة الملفتة للانتباه مثل الليموني الابيض التفاحي
السماوي .. لا تغمق لون اللوحة الكثير من المغاسل تضع صور في اللوحة وتضيع المضمون من اللوحة اكتف باسم المغسله بعباره كبيره وبخلفيه من لون الى لونين فقط ..اكثر الزبائن عند مشاهدة كلمة مغسله يقف مباشره والبعض لا يرى ما المكتوب في اللوحة من كثر الصور المبالغ فيها .. في الاخير اي خدمه انا تحت أمرك وبالتوفيق

الله يرضى عليك والف شكر

رايك بالاجار هل هو غالي ام لا ٢٠ الف
وكذلك العماله كم تتوقع الرواتب وكم واحد واي فكره او نصيحه لا تبخل علي

استغفرالله

اب لعيونك الله يرزقك من واسع كرمه

بالنسبة للايجار ما اقدر احكم اذا كان كثير اولا الا اذا شفت الموقع .. اذا كان فتحتين فأشوف ان الإيجار يعني حلو
اما اذا فتحه وحده فأشوف ان الإيجار كثير الا اذا كان على ركن يعني زاويه فهذا عز الطلب ويكون على مخارج الحي
اهم شي الإيجار لا يزيد وامسك صاحب العقار بعقد اقل شي 5سنوات اسألني عن طمع ذا العينات اذا شافوك اشتغلت .
بالنسبة لرواتب العمال فانت تحددها اذا الأكل والسكن عليهم 1500 واذا السكن والأكل عليك 1200 اهم شي الفواتير في الشغل عشان تعرف دخلك خلك على الموال هذا 3شهور الاولى اذا اشتغلت انتبه تاجرها وأي واحد يلف ويدور عشان تاجرها له قله انا ببيع المغسله على زبون ثاني ..بعد ال3شهور اذا شغلها تعبان أجرها عليهم والله يرزقك افظل من الخسارة وقلهم كل شي عليهم تعال نهاية الشهر وخذ المبلغ المتفق صادفي .

وأي خدمه انا جاهز بالتوفيق

بتوفيق لك اخي ومشروع ناجح جداً وبذات في المواسم