اسعد الله أوقاتكم


أنا تخرجت من كلية التربية قبل 10 سنين ودورت وظايف مالقيت قالوا محتاجين حاسب رحت درست دورة ورجعت لهم قالوا ماينفع دورة خذي دبلوم ودرست دبلوم قالوا ماينفع دبلوم سنة ادرسي ابو سنتين ولا قدرت ادرس ابو سنتين لأني درست دبلوم سنة بـ 15000 ريال ومتسلفتها بعد ، تزوجت آدمي وقال ممنوع تتوظفين أنا باصرف عليك وضيعت من عمري 3 سنين معه وتطلقت منه ورجعت ابحث عن وظائف ولا لقيت ، بعد كم سنة دخلت اسمي في جدارة وفي حافز .. جدارة للحين ماوظفوني وحافز حضرت معرضهم حق لقاءات ولا وظفوني وإعانة حافز ماتشملني لأن في شغالة مستقدمينها اهلي باسمي عشان مطلقة ولا استفدت شي من هالشغالة ولا حد عوضني وبليز لا يجي احد هنا يقول انقلوا الشغالة بأسم احد لأن مافي احد .. طقة في راسي فكرة إنشاء مشروع وقدمت على المؤسسات اللي تدعم المشاريع الصغيرة ولا عطوني وجه بحجة أن مشروعي مو من اولوياتهم دعمه أو أن تكاليفه بدراسة الجدوى اضخم من إعانتهم .. كلمني اخوي اليوم مبتعث في أحد الدول الاجنبية قال مالك إلا تدرسين ماجستر وهو يتكلم ويتكلم وكذا وأنا قاعدة افكر فيما لو درست ماجستير إدارة اعمال مثلا على حسب إحتياج السوق الأن وحصلت عالشهادة وجيت بابحث عن وظيفة قالوا ماعاد نحتاج إدارة اعمال روحي ادرسي اختراع صورايخ
صدق بالله ترى قربت اصك الـ 34 وأنا ما انجزت شي بحياتي والله قهر ، دلوني وين اروح ابي ادرس ماجستير وترى تقديري يوم اتخرج جيد ونسبتي في الحضيض بس وربي طموحة وذكية وودي اسوي شي محد سواه بس مالقيت اللي يوجهني تعبت من المواقع وأنا اطوفها كل صباح تعبت من الصحف الالكترونية ومواقع التوظيف والروتين القاتل في البيت .. وين ممكن ادرس ماجستير بأقساط وإلا شي كذا على قد الحال .. ووين ممكن ادرس لغة انجليزية واطلع بلبل مدري ببغاء في الانجليزي على يد ناس صاحين غير نيوهورايزن والعالمية وطقتهم ابي شي زين ؟
بليز ساعدوني لو بس بكلمة حلوة وإلا دعوة طيبة تطلعني من الاكتئأب اللي أنا فيه

السلام عليكم ورحمة الله وبركاته

ليه تعيسة؟؟
الحمد لله..إنت سويت إللي عليك.. يعني بينك وبين نفسك سويتي ما يجب عمله
باقي التأخير في نيل وظيفة ربما يكون لحكمة إلهية

إذا فيه مجال لتكملة دراسات عليا ما يمنع
ولكن إذا حصلت وظيفة تعليمية عن طريق الخدمة المدنية
أنصح بترك إكمال الدراسة .. والإتجاه للوظيفة

موفقين،،،

[align=right]

































،'

الح ـين انا قريت كلامك كلللللله
مافهمت شنو تستفسرين عنه بالضبط ||

::

وبعدين ترا فيه وظائف ولو كانت بسيطه وراتبها زوين
بس حنا البنات نتشرط وبس ||
شوفي لك شغله تملي فراااااغگ بس ترتاحي فيها

،'







[/align]

يَ الله ♥
أرح قلب أنهكه التعب : (
و بشره | بفرح , لا يذكره بوجع

الله يريح قلبك ويرزقك ويرزقنا والجميع بالرزق الحلال الطيب

ويحقق لك ماتتمنين سواء دراسه او وظيفه

تقبلي مرورى وان شاء الله تلقى من يفيدك

انا اقدر اساعدك لكن شو تخصصك وبدور لك وظايف

ربي يرزقك

حبت اقولك هذي الابيات الادبية من باب المواساة المؤمن للمؤمن

قال الإمام الشافعي رضي الله عنه

ولرب نازلة يضيق بها الفتى ذرعـا وعند الله منهـــا المخـــرج

ضاقت فلما استحكمت حلقاتهـا فرجت وكنت أظنهـا لا تفــرج.

قال محمود سامي البارودي

خفض عليك ولا تجزع لنائبـــة فالدهــر يعتر في الإنسان أحيانـا

فكل ناء قريب إن صبرت لـــه وكل صعب إذا قاومتـه هانـــا.

قال محمد بن بشر
إن الأمور إذا استدت مسالكها

فالصبر يفتح منها كل مرتجا

لا تيأسن وإن طالت مطالبة

اذا استعنت بصبر أن ترى فرجا.