توريد وتوزيع المحروقات

عبدالرحمن السعد · #1 (**permalink**) 11-06-2012, 07:55 AM

بسم الله الرحمن الرحيم
السلام عليكم ورحمة الله

الى الاخوان الفاهمين بتوزيع البنزين و الديزل .. عندي كم سؤال لا هنتم ..
اللي عنده اي معلومة عنها يبلغني الله يجزاه خير ..

1- من وين نقدر نشتري المحروقات ( بنزين وديزل ) هل هي من ارامكو مباشرة ؟
2- هل فيه عدد محدد من الصهاريج ( شاحنات نقل المحروقات ) عشان يبيعوني او يوقعوا معي عقد ؟
3- وش هي الشروط اللي بيطلبها مني البائع سواء كان ارامكو او غيرها ؟
4- هل هم يبيعوني بسعر اقل من سعر السوق يكفل لي ارباح طيبة ؟

اخواني .. اللي عنده اضافه او فايده يضيفها الله يجزاه خير ..

عبدالرحمن السعد · #2 (**permalink**) 11-06-2012, 10:10 PM

للرفع

الفتى فايز · #3 (**permalink**) 11-06-2012, 10:51 PM

فعلاً مهم

للرفع

سبحان الله وبحمده سبحان الله العظيم

سابكي · #4 (**permalink**) 12-06-2012, 04:07 AM

اللي أعرفه انك توقع عقد توريد مع أرامكو والنقل يكون عن طريق أحد الشركات مثل الجري والسديس وناقل وياخذون عليك مبلغ النقل ويزيد المبلغ كل ماكانت محطتك بعيده عن المصفاة هذا اذا انت ناوي تفتح محطة اما اذا كنت تبي تنقل المحروقات للمحطات فهذي صعبه

أتمنى أحد يصحح معلوماتي اذا كانت خاطئة

عبدالرحمن السعد · #5 (**permalink**) 12-06-2012, 06:18 AM

[align=center]الله يعطيكم العافية جميعا ..

اخ سابكي .. انا ناوي انقل محروقات بس ليش صعبة ..
ممكن توضح اكثر لا هنت ..[/align]

سابكي · #6 (**permalink**) 12-06-2012, 08:00 AM

اقتباس:

المشاركة الأصلية كتبت بواسطة عبدالرحمن السعد

[align=center]الله يعطيكم العافية جميعا ..

اخ سابكي .. انا ناوي انقل محروقات بس ليش صعبة ..
ممكن توضح اكثر لا هنت ..[/align]

الله يعافيك صعبه لأن بعض شروطهم تعجيزيه حسب ماسمعت انه شرط يكون عندك محطة اذا كنت بتنقل لمحطة تملكها أو عقد مع محطات اذا كنت تبي تشتغل في نقل البنزين فقط غير كذا مواصفات الصهريج تكون مطابقة لشروط أرامكو من سنة تصنيع ومن مواصفات سلامة وغيرها وسائقينك يكونون على كفالتك وتعطيهم أرامكو دورة لمدة اسبوع عن السلامة في جدة وغيرها كثير لدرجة ان التريلا ماتدخل بترومين الا وهي توها مغسوله

لكن بعد ماتشتغل بتعين خير ان شاء الله والمنافسين كبار ومحدودين ومنهم السديس والجري ومنتشرين في كل مكان..

بالتوفيق

الخبير الأكاديمي · #7 (**permalink**) 12-06-2012, 07:40 AM

مره سألت عامل في محطة قلت له كم تجيب تريلة البنزين , قال التريله ب 1500 و احيانا توصل 2000 او 2500 ريال

قلت طيب و المربح كيف , قال ممكن مع رأس المال 6000 إلى 7000 ريال في التريلة الوحده

هذا على ذمة عامل في محطة كان يقولي ان محطات البنزين فيها مكسب كبير جدا.

هذا ما حبيت افيدكم فيه .

سابكي · #8 (**permalink**) 12-06-2012, 08:03 AM

الخبير الأكاديمي العامل مايدري وين الله حاطة التريلا بنزين 91 سعرها فوق الـ16 ألف ومكسبك فيها 2000 ريال أو اقل بشوي..ولاتنسى ان الناقل ياخذ عليك 300 ريال وتزيد حسب موقعك