مشكلتي كبيرة مرة مرة مرة ان شهادتي الثانوية العامة متخرج عام 1424 وبنسبة 66 ليلي دور ثاني يعني اخس من كذا مافية وكلما اقدم سنويا على الجامعات مانقبل واقدم على الكليات مانقبل الين ماكلها الدهر وحنا الان سنة 1433 ارجوكم راح عمري ابي واسطة مصيبة شي بس انقبل بالجامعة لان شروطهم الي يتعدى 5 سنوات ماينقبل والي نسبتة ضعيفة ماينقبل لاحد يقولي تعليم عن بعد سجلت العام ويوم حسبناها طلعت حدود 40 الف ريال والله لو اني بنك متحرك انا ماني موظف حتى ادفع رسوم تعليم عن بعد ابي مساعدتكم ارجوكم التسجيل بيبدا الاسابيع الجاية كل الجامعات والكليات شهر 8 انا في مدينة الرياض ابي اي كلية او اي جامعة بالرياض ارجوكم ساعدوني ياخواني والله قفلت الدنيا بوجهي

الله يسر امرك اخي ويعطيك على قد نيتك يارب

الله يوفقك ويرزقك ويسهل أمورك

مالك الى عسكرية وانا اخوك

عمرك راح انت يبيلك وضيفه تستقر فيها مايبيلك دراسة

تقبل مروري

[align=center]إذا نت طموح مررره و تدور الشهادة اشتغل اي و ظيفة و ادرس عن بعد مالك الا هي او إذا انت مسجل في حافز خلها لدراستك
و بعدين انت عيش اليوم ولا تفكر في بكره لاتحسب الاربعين الف احسب الترم الفين ريال بس
الله يوفقك

[/align]

مالك غير العسكرية وبعدة بتفتح لك كل الابواب و تقدر تدرس منتظم او عن بعد او الالكتروني..

الله المستعان ، الله يرزقك اخوي أنت نفس معاناتي

انا نفس النظام
متخرج عام 26 وعاطل الين الحين
ودخت وأنا احاول اكمل جامعه (انتظام) مافيه أمل

مالك الا عسكريه وأنا أخوك
شوف الرابط هذا
https://www.btalah.com/t434772.html

الله يعينك ويسهلك امورك

من قالكم ان العسكرية تقبلني طولي 164 بعدين عندي ربو ماقر اخشها انا ابي اي جامعة او كلية مابي عسكرية