السلام عليكم ياكرام
عندي مبلغ 150000 مية وخمسين الف ريال
وحاب ادخل فيها مشروع بعد ماخسرت مثلها مرتين في الاسهم الله لايعيدها
ودي في افكار ونصائحكم
تذكروا حب لاخيك ماتحب لنفسك وان لااحد ياخذ رزق احد مهما تعددت الافكار وتشابهت

صراحة في بالي مشروع بس ماني مقتنع فية 100%وهو
مشروع تصميم وتفصيل فساتين افراح وسهرات
المصممات سعوديات
والخياطات سعوديات
والادارة سعوديات
الموزعين سعوديين
ربعنا واهلنا اجانب مافية
بس المشكلة وين:: مافية مصممات سعوديات ولا خياطات سعوديات للاسف الشديد
انا من الخبر

افتح لك مغسلة سيارات ,,,,والله يوفقك.

فساتين السهره مشروع ناجح اذا ضمنت المصممه الصح وغالبا المصممات يشتغلون لنفسهم ويبدأون من البيت لحد مايتوسعون . نادر ماتلاقي وحده بتشاركك بإسمها وتصاميمها الا اذا تعرفك شخصيا.
اقترح عليك اخوي بمبلغك هذا اذا انت معزم شي نسائي (تصميم العبايات وبيعها) ولو ماقدرت تستأجر محل ممكن احد اقاربك من النساء تمسك ادارة ركن بمركز نسائي وبيكون اقل تكلفه. بيفيد لو درت على محلات العبايات بالسويكت بما انك في الخبر بعضهم يمولون لمصمات عبايات بمناطق ثانيه يفصل لها مجموعه وتاخذهم وتبيعهم بمكان ماهي فيه. (حسب ماذكر لي احدهم مع احد المصممات في دول المجاوره)
الإقبال عالعبايات في تفاصيل حياتنا اكثر من ملابس السهره اللي في المناسبات فقط "في الشهر الواحد قد يفصل اكثر من عبايه وتترواح الاسعار من 150 - 1000 وفيه ناس تبالغ اكثر من ال1000"
وبرضو اتوقع كخيار ثاني عندك محل تفصيل الثياب الرجاليه ممكن توفر اقمشه بالجمله من الكويت وبسعر رائع وتفصل وماعندي تفاصيل اكثر بهالمجال (اهل مكه ادرى بشعابها).

اتمنى اكون افدتك الله يوفقك ويطرح البركه في مالك...

اذا لقيت طاقم العمل والله اني على استعداد اشاركهم في كامل الارباح بنسب معينة يعني
انا راس المال اخذ نسبة 50% والعاملين في المشروع 50% بس نتحدى انفسنا والبطالة ونشتغل
ونصبر على الظروف ولا يجينا الملل والاحباط
اذا قدرنا نسوي قروب عمل ونبدء ونعتبر المشروع ملك لنا جميعا
كل واحد قلبة على الثاني
وكلنا نريد المكسب والنجاح
الاهم ان كل اللي يعملون سعوديين وهذا مهم بالنسبة لي لان البعض يظن السعوديين فاشلين
لو قدرنا نكون فريق عمل وننجح راح نرد على المشككين فينا ويمكن غيرنا يخطو خطوة مثلنا

تفصيل عبايات نسائية
فساتين

موفق
بس اذا ماعندك الخبره اللازمه انصحك لاتضيع قروشك بهالمشروع دهاليزه كثيره وتخوف
واهم شي تضمن التسويق

افا يالعلم وين اهل الافكار والمشوره
هذا وانا شاد فيكم الظهر واقول الشور عند اهل بطالة

الله يوفقك يارب

وتلاقي احد يشاركك بمشروعك وينجح يارب

اخوي افتح مغسلة سيارات صدقني فيها ذهب
بس اهم شيء يكون المكان كبير ويسع اقل شيء 10 سيارات
وجيب لك عمال كثير وكبر لوحة المغسلة وزودها بأحدث التطورات
وتبي تربح ذهب صدقني

اما بخصوص فساتين السهرات هذي الخبرة لدى البنات وأنصحك اذا ماتعرف بنت قريبتك لها خبرة بهالمجال انك تبتعد عنه وتسوي شيء لك خبرة فيه

لا تدخل مشروع إلا و أنت عارف أسراره و طرق التسويق له و إيجاد حل لمشاكل المشروع مستقبلاً.