بسم الله الرحمن الرحيم

السلام عليكم ورحمة الله وبركاته

عندي استفسار وهو إني موظف حكومي لي 8 سنوات من عام 1425 والآن أنا ع المرتبة الرابعة .

الترم هذا الحمد لله تخرجت من الجامعة بكالوريوس لغة انجليزية معدل 4 من 5 تربوي . مع العلم عملي رافض يرقيني وحرام جامعي و عالرابعة وخدمة 8 سنوات .

أنا بحسن وضعي وظيفيا ايش الحلول الموجودة ؟

وانا افكر اروح للتدريس ؟

هل فيه حل اقدر انقل ولا اقدم علي الديوان لتحسين وضعي وكم استحق مرتبة؟

الله يجزاكم خير

ارجو من اصحاب الخبرة افادتي الله يوفقكم.

اتجه للتدريس افضل لك بمليون الف مرة

و قسمك مطلوب بالتعليم وماشاءالله معدلك حلو

اسمع نصيحتي اتجه للتدريس وريح بالك

التدريس افضضل لك بكثيررر وتخصصك مثل ماقال اخوي ريان مطلووب وبقووه
ورواتب المدررسين ماشاء الله الان في تزايد وكل سنه فيه زياده يعني افضضلك من المكان الي انت فيه

اتمنى لك التوفيق ..

لما تجتاز إختبار قياس المعلمين في ذاك الوقت فكر تغير عملك..

الإختبار مو الكل يجتازه..

و بالله التوفيق..

اول شي تأكد من شهادتك هل هي تعليم عن بعد او انتظام

بيض الله وجيهكم وجعل والديكم في الجنة

ماقصرتوا

أنا اختبرت اختبار المعلمين وعديت فيه واختبرت اختبار كفايات اللغة الانجليزية وعديت فيه واختبرت قياس للجامعيين وعديت الحمد لله هذا من فضل ربي عليه.

اخوي صريح انا مسمى البرنامج اللي درست فيه تعليم موازي لغة انجليزية ، وكتوب انتظام ما فيه فرق بيننا وبين طلاب الصباح أي اختلاف وفي الوثيقة مسجلين انتظام موازي.

اللي انا اطمح فيه اني ادخل الامنية بس المشكلة شرطهم اني ما اكون موظف ، أنا ابحث عن اعادة في الجامعات لان طموحي اكمل دراسات عليا ان شاء الله . لكن لو مافيه الله يعيننا على التدريس.

ولو فيه اقتراحات ما نستغني

اخوي ليش ماتكمل ابتعاث في برنامج خادم الحرمين الشريفين

اول شي روح صدق شهادتك من التعليم العالي اذا ماكانت مصدقة .

ثاني شي روح للخدمة المدنية وعطهم الشهادة وغير مؤهلك عندهم لجامعي .

ثالث شي بعد كل هذا يكون عندك خبرة 8 سنوات و مؤهل جامعي تستحق السادسة على الاقل .

وبالتوفيق