محمد بن سلمان تم الارسال على الخاص

اخوني الاداره عندها علم ومدير شؤون الموظفين عنده علم كلمته يقولي سوي المطلوب منك
اقوله انا موظف استقبال مو شغلتي هذي يقول ايه بس بالعقد مكتوب تقوم باي شغله تطلب منك
والله ماني عارف الكل ضدي واليوم طلعو لي بشغله جديد مالها شغل بالشركه يعني شغله خاصه لمدير الشركه
خاصه مالها شغل بالشركه والعمل بتاتاً يقولي روح خلص المعامله
لاحول ولاقوة الا بالله

مشكور اخوي مميز الاحساء
الله المستعان رحت مكتب العمل بقدم شكوى قلت لهم السالفه قال لي اكتب خطاب بالشكوه قلت طيب ويش الحمايه اللي لي
يعني بعد مشتكيهم مايبهدلوني وينقلوني من مكان الى مكان يعني تطفيش اذا اشتكيتهم مشان افصل
قال لي اجل تفاهم معاهم ماكو حمايه وانت مع الشركه بعد الشكوى تتفاهمون مالنا دخل حنا بس نبلغهم انهم مايكلفونك بشغل غير شغلك
صارحه ماقبلت اشتكي لانه عارف بعدها بهدله وتطفيش لين افصل وبعدين يقولون السعودي مايبي يشتغل
الله يكون بالعون حسبي الله ونعم الوكيل

انتبه تستقيل انت الجالس وهو الطالع الله لا يهينك .. ارفع راسك وسوي اللي تقدر عليه
والشباب ماقصرو

والله يوفقك يارب ويثبتك ويسدد خطاك

[align=center]
السلام عليكم ...وأسئل الله ان يوفقك ويسدد خطاك

اخى الكريم لا تصير انسان عجول وتستقيل وبعدها وش تستفيد تكون عاطل

خذ نصيحة اخوك ياخى انت استقبال ويقولك سوى كذا وخلص معاملات ياخي جنن فيه لا تقوله انا استقبال

قله ابشر ولا يهمك والمعامله الوحده اجلس عليها اسبوعين وطلع من الشركه ورح افطر ونم ولدقو عليك قلهم زحمه وثاني يوم قل بروح اشوفها وكذا مشى امورك خلك ذيب ولعب علي روسهم وانت فالها بحجة العمل وبعدها هم بطيب نفسهم منك ولا عاد يرسلونك وبعدين جب لهم فاوتير بقيمة التكاسي خلك مصرى زي مايسون المصاريه جب لهم فاوتير بقيمة مصاريفك وغصب عليهم يصرفونها لك وبعدين قلهم ابي سياره سيارتي تعطلت وهكذا ............ اه بس لو انى عندك لفلها عليهم فله اليمه وسو كذا وتمشى امورك

مع كامل التحيه والتقدير
[/align]

[align=center]
وثانيا مدام انك فاهم انه يبي يطفشك بكذا انحلت المشكله

لا تخليه يحقق مراده العب بحسبت اهله لعب مثل مايسوى سوى معه بس بأسلوب مثل ما هو يطفشك بأسلوب انت طفشه بأسلوب جنن فيه هبل فيه خله هو يستقيل لأنه هو الي بدها ويتحمل اللعبة القذره الي هو راسم عليها بس اعيد وأكرر ولا تمد يدك ابدا خله هو يستقيل
[/align]

الله يعوضك بخير منها

لا تستقيل لا تستقيل مو على كيفه ولا على كيف مدير شؤون الموظفين. وين احنا عايشين يا رجال بينك وبينهم عقد وهذا يلزمهم من ورا خشومهم عند مكتب العمل ولا يقدرون يفصلونك وش تبيهم يقولون لمكتب العمل تبيهم يقولون طلبنا منه شي غير المتفق عليه ورفض مستحيل يقولون كذا لكن ممكن يحاولون يطفشونك وانت خلك اذكى منهم قزز وطنشهم وخليك بارد لاتخليهم يعرفون نقطة ضعفك ان كثر الزن يطفشك اذا تسمع نصيحتي اذا شفتهم عطهم ظهرك وقزز لايهمونك لاهم ولا مدير شؤون الموظفين لانهم مايقدرون يضرونك بشي النظام معاك بس انا اقولك وش بيسوون بيحاولون يطفشونك انت خلك ذيب مثلا اذا شفت اتصالات منهم على مكتبك طنش مرتيين ومره رد واذا ساالك ليه ماترد قل له انك بدورة المياه حتى لو هو يعرف انك تكذب حاول تطفشه وما اعتقد فيه احد بيقولك ليه تروح دورة المياه واذا شفتهم بمكان عطهم ظهرك يعني لاتبين لهماحترام بس اهم شي اضبط الحضور والانصراف عندك هههههههه وانا اكتب لك كذا تذكرت بعض المدراء اذا بغيت اطفشهم ماعاداعطيهم اي اهتمام واي احترام بس اهم شي لا تتجاوز كثير عشان مايمسكون عليك شي ولاتعمل حاجه قدام احد من الشباب عشان مايشهدون عليك. اعمل كذا اسبوع وبعدها ادعيلي واذا مانفع معاهم قول في طرق تطفيش كثيره للمدراء بس خلينا في الخطه الاولى واهم شي خلي بالك طويل

الله ييسر امرك ولاتتعجل بالامور هذي ..

وان شآء الله تتعدل المعاملة معك