الف مبرووووك التعيين للجميع والله يجعله فال خير وباب رزق وسعاده للجميع
بصراحة محتاجين مثل هذا الموضوع للمناقشة موضوع السكن والمواصلات سواء في في نفس مدن الأحساء أو قراها والأستفادة من تجارب المعرفة السابقة بخصوص هذا الموضوع
لا تبخلوا علينا بأي مساهمة ....

شدوا حيلكم

استغفر الله واتوب اليه

الله يجزاك بالجنه موضوع كان ببالي وودي انزله وسبقتيني
انا ودي اعرف اذا فيه اماكن مهيأه لسكن المغتربات بقرى وهجر الاحساء والا لازم نسكن بالهفوف او المبرز بحكم انهم المناطق الرئيسيه وفيها سكن

الله يتمم فرحتنا بالتوظيف ويكفينا شر الاستبعاد

صدق موضوع السكن والنقل هم الأساس
أنا جاء ببالي فكره مدري مدى صحتها وهو أني الاقي مجموعه ناجر سكن واحد وكل اسبوع يجي معنا اما زوج وحده او أبوها المهم محرم من الجمعه الى الأربعاء بالتناوب

مدري ايش رايكم ؟

الان مانقدر نسوي شي
الا بعد ما يتحدد التوجيه للمدارس
بس لو نجمع معلومات من بدري حتى نرتب من بدري

الله يعين ويوفق الجميع ..
سبحان الله وبحمده
سبحان الله العظيم ..

الاحساء كبيره وفيها مدن وقرى وهجر

فالسكن افضل يكون بعد التوجيه على اساس تبحثين عن سكن قريب

مثلا لو جا التعيين بهجرة يبرين وهي تبعد مسافه ٢٨٠

تسكنين فيها افضل واوفر واامن. صح في مواصلات من الهفوف الى الهجره يوميا بس بيطلع مكلف جدا لان لو بتحسبين اجار الشقه السنوي سعره ١٥-١٨ الف بالسنة والمواصلات مابين ١٠٠٠-١٢٠٠. وغير انه تعرضون انفسكم للخطر بالتنقل اليومي مسافات طويلة

السكن متوفر بالهجر الرئيسيه واسعاره مناسبه والهجر الكبيره تكون فيها خدمات مثل البقاله والمكتبة

الله يحفظكم ويستر عليكم...

انا استغرب لما اشوف حريم يشتغلون في اماكن بعيدة .. الا انه الرجال ماوده يروح مكان بعيد عن الشرقية مثلا الدمام او الخبر .. او بالكثير الجبيل .. لكن الحريم ما شاء الله عليهم يرحون إلى حائل حتى !

الله يقويك يا نور المجتمع