الله يرزقك
واحد من الشباب سواها ناجحه جدا جدا جدا
شف وركز معي
اسال الله لك التوفيق
الحين سعر البرسيم رخيص جدا في الصيف
رح لوادي الدواسر تاخذها من 10 او 12 اقصى شي
فيه ترايلات واقفه تستاجرها ب1500 توديها لديرتك
يبي لك مستودع كبير
حط تقريبا فيه 10 الالف الى 15 الف قطمه
طبعا البيع يكون في الشتاء السعر يتضاعف الى الضعف
عطيتك الملخلص واعذرني على انه مو مرتب بس اقراه وتفهمه
وشكرا لك

ولا يهمك يا فارس سهم
واشكرك على دعواتك الطيبه
بارك الله فيك

أخي مرات جزاك الله خير
وولله انك احييت في نفسي التفائل والأمل
بالنسبه للتريلا ما احتاج استأجر لاني شريتها بمساعدة الآهل كما ذكرت
واقتراحك في التخزين جميل وقريت عنه في المنتديات وانه مربح
ولكن اليس فيه احتكار واخاف والله من الكسب الحرام
لآن احتكار السلع محرم شرعا
لكن بسأل أهل العلم واشوف
ومشكور ما قصرت

والله ياخوك عاد الفتوى ما ادري عنها
لكن اعتقد ما فيها شي تجاره
لكن اعقلها وتوكل
انا كنت اتمنى اشارك ولد عمي لكن مالله كتب
الله يرزقك يالغالي
===============

مشكور أخي مرات
والله يرزقك من واسع فضله

الله يرزقك ويوسع رزقك يارب

راكان
ادخل منتدى اغنام
قسم الاعلاف
وتجد كاتب اسمه ابو هزاع من الوادي
وابو هديل من طبرجل
تواصل معهم

هلا اخوي
قسم بالله مشروع الاعلاف ذهب ذهب
انا عندي حلال ومتعامل مع افغاني ..... التريله ملك له يشتري الاعلاف من وادي الدواسر ويبيع بمكسب اقل شئ 3ريال في اللبنه الوحده ... يحمل 850 لبنه وعليك الحساب....

ودامك من الجنوب انصحك اشتغل بمحافظة الدرب .... اكيد تعرفها ... وانا بتعامل معاك افيدك احسن من الافغاني

السلام عليكم أخوي .. مبروك وتستعملها بالعافيه

المهم كبداية لا أنصحك بشراء الاعلاف وتحمل تكاليف عاليه ومخاطر عالية .. أذا ما هو الحل ؟؟؟

أخي العزيز بما ان التريلا ملكك + العامل تحت كفالتك ويعمل براتب .. والتريلا نظيفه ولايوجد بها خرابات أو متاكله
+ التيدر حقها كبير ووسيع + الكفرات جديده ..

الطرريقه والحل الحالي هو أستخـــــــدامهـــا بالنقل ( برسيم ) أي أنك تقوم بنقل البرسيم من المدينة الفلانية الى المدينة الفلانية ويرتفع السعر حسب المسافه

وبصراحه النقل فيه أرباح هائلة بدون تحمل مخاطر راس المال ( الا وهو الاعلاف )

الطريقه الحسابية لاستخراج تكلفة متوقعة للعملية :

مثلا قمت بتشغيل التريلا 10 مرات شهريا في النقل ذهابا وايابا

سعر نقل اللبنة الوحدة ( حسب المسافه ) غالبا يكون من 2 - 3 ريال للبنة الواحدة بدون تحمل تكاليف تحميل وتنزيل

أذا لو أخذنا السعر 2.5 ريال للبنة - وكان تيدر التريلة كبير ورفيع ووسيع وقام بتحميل 900 لبنة

900 لبنة * 2.5 ريال للبنة = 2250 ريال للرد ( بمسافة متوسط 400 كيلو ) لا أعرف الاسعار الدقيقة للتكاليف

2250 ريال للرد * عدد أيام العمل 10 أيام = 22500 ريال شهريا ( عمل 10 أيام )

طيب نخصم التكاليف
1500 راتب عامل + 2000 ديزل + 1500 تكاليف أخرى = 5000 تكاليف

الربح الصافي = 22500 - 5000 = ((17500 ريال شهريا )) وأنت لم تتحرك من البيت

تجنب الطرق الطويلة لان المخاطر تكون عالية جدا ...

17500 * 12 شهر = 210000 ريال رجعت قيمة التريلا بعون الله وتوفيقه ..

لو قلنا وش يسوي العامل بالايام الباقيه يعني 10 أيام عمل .. 10 أيام رايح و 10 أيام جاي = 20 يوم .. أترك الــ 10 أيام الباقيه راحه متقطعه بين الــ 20 يوم للعامل والتريلا يعني يوم وراء يوم ..

ملاحظه (( يمكن أكون قد أصبت وممكن أكون قد أخطأت لكن ليس لدي خبره لكن هذا الي أشوفه عندنا بحكم عملنا بالبرسيم وليس النقل ... بس قلت لك عشان ماتتحمل مخاطر شراء بما أنك لسا جديد يعني على الاقل خليها السنه الثانيه عقب ماتعرف السوق وتعرف الناس وتكون علاقات مع أصحاب السوق والتجار



أتمنى للجميع التوفيق (( ودعواتكم ))