طيران الحرس ما عرفنا له

الموهبة المتقدمة · #11 (**permalink**) 17-06-2012, 03:09 AM

اقتباس:

المشاركة الأصلية كتبت بواسطة هوميها

^
لاهي واسطه ولا شي يابعدي
لاتشطح على كل شي بواسطه

طيران الحرس الوطني يابعدي
على حسب اقدميات ( ترتيب ) طلاب الدفعه
ياخذون على حسب اللي يرشحون انفسهم
من الـ 100 الاوائل بالدفعه
ومن الـ 100 هذول , يسوون لهم اختبار فحص طبي
طول ووزن < فقط هالثنتين
واقل طول ياخذونه 174 , واذا وزنك موب متناسب مع طولك
حتى لو زايد 1 كيلو اعرف انك باي باي مانت داخلها
بعد هالاختبار يصفونكم إلى 60 أو 70
بعدها يودونكم للظهران , لمركز الفحص الطبي حق القوات الجويه
ويسوون هناك اختبار شامل لك , على يد دكاتره بريطانيين وامريكيين
نظر وطول ووزن مره ثانيه , والاختبار هذا زي ماتقول محطات
ماتروح للمحطه الجايه الا وانت سليم باللي فيها
واذا فحصك طلع فيه مشكله على طول يقولون لك انت مو مقبول
بعدها يصفونكم على حسب اللي يرسبون بعضهم يرسب وبعضهم ينجح
تقريباً بالخمسين تبقون ,
يسوون لكم اختبار لغة انجليزية بمدارس الحرس الوطني
الاختبار مره صععب , ولا يعدي فيه الا اللي يعرف للغه الانجليزيه صح

النتيجة النهائية تطلع قبل نهاية السنه باسبوعين او اسبوع
بالنسبة لي انا عديت كل شي الا اختبار الانجليزي نقصتني درجة وحده
ولله الحمد جتني أفضل منها بمليون مره
للمعلومية : العدد سنوياً لايتجاوز 37 طيار
بعدها يبتعث سنتين لأستراليا او امريكا دراسة طيران
ويرجع بمسمى ملازم طيار

هذا اللي حبيت اوضحه عن الطيران
وبالنسبه للي يقولون واسطه , بالطيران
مالك امل تلقى مجال للواسطه , والله ثم والله
ان ماخذوا من ضباط الطيران
الا اللي متأكدين منه سليم فحصه ولغته تمام

ههههههههههه

و الله انك ماشاء الله عليك

فاهم بالنظام زين

لكن ماحتاج اوضح لك ان القوانين هذي تشمل فقط جزء من المتقدمين
و هذه للاسف تشمل التدقيق على جميع اوراق هذه الفئة
و النتيجة دائما انا اكملت كل المتطلبات و نقصني نص سانتي بالطول فقط

و الله العظيم كل الاوراق المطلوبة كملتها و نقصني درجة واحدة في اختبار اللغة
يعني ها الدرجة راح مستقبلك فيها ,, بصراحة فعلا انت غير مؤهل لتعلم اللغة الانجليزية
ودراسة الطيران لانك ناقص درجة واحدة فقط ,,, لو انت حاصل عليها
ابد من باكر شدك السفري و على استراليا حتى تعود طيار عفوا ملازم طيار
لكن آسفففففففففففين

بصراحة اخوي
اسمح لي اهنيك على درجة و مستوى القناعة اللي عندك لو منك كان فاصل و ابد بديرتي عند الذود
ما عاد و راها كان اكتشفت اني فاشل

الان اسمح لي
ما سمعت بخطاب اسمه شفاعة
خطاب يطبع و يختم في ظرف خمس دقائق محسوبة نسبة لوقت شرب الشاي عند معزبك

ايييييييه خلك السالم الله يوفقك بس

لكن لا تقنعني ان 37 طيار جابو العلامة و انت للاسف ما جبتها

الله يستر عليك تقبل تحياتي و انصحك ابحث عن شفاعة انت اولا من غيرك
مطابق للشروط لكن باقي درجة واحدة للنجاح

التحية

الموهبة المتقدمة · #12 (**permalink**) 17-06-2012, 03:18 AM

اقتباس:

المشاركة الأصلية كتبت بواسطة هوميها

لا لا مالك لوا يابععدي
مافيه مساعد طيار
قصدك فني ,
هذي حالياً الحرس ياخذ اعداد بسيطه من
معهد الدراسات الجويه
اللي يخرجون فنيين
إلين يجهزون مدينة تدريب خاصه بالفنين هذولي
ويجهزون معدات خاصة للتدريب

هذا الكلام ماخذه من العميد طيار / تركي الطاسان
اجتمع فينا قبل فتره بالكلية , وسألناه عن هالشيء

ما شاء الله مازلت مقتنع بالهاله الاعلامية و التصريحات الصحفية وقال فلان و العميد و اللواء

شوف يا ذيبان و الله ما حلفت كذاب و لا قصدي اشكك بمصداقيتك أو مصادرك
لكن مرة اخرى اقول لك من واقع قدامي
واحد من عيال عمي فيها و مؤهله ليس من معهد الدراسات الجوية
اعطيك سيرته الذاتية و احكم
1- ثانوية عامة علمي
2- دبلوم ميكانيا
3- خبرة في شركة طيران بالرياض فني
4- لغة انجليزية 6.5 بالالتس

التقديم كان بالرياض ثم دورة عسكرية بالرياض ثم ابتعاث لاستراليا
الرتبة بعد التخرج وكيل رقيب

اتمنى اكون افدتكم و الفكرة انه البرنامج موجود و شروطه أو خمسن في المئة منها في ردي الاول

لكن دعواتك حنا الان مقدمين بالجامعة على الكلية و الله يسهلها و يوفق الجميع

هوميها · #13 (**permalink**) 17-06-2012, 07:02 AM

^

هههههههههههههههههههههههههههههههههههههههههههههههههه ه
عقول مادري وش اسميها
ياحبيبي انا ولله الحمد اخذت اللي ابيه من هالكلية
واخذت المكان اللي كنت حاطها براسي
صح ان الطيران كانت لي رغبه فيه لكن مالله اراد
وهذي قناعاتي ولله الحمد ..
لكن انت مادري وش وضعك
اجل يشمل جزء من المتقدمين
اسمح لي اقولك :
فعلاً عندك موهبة متقدمه
وانت ادرى بالمعنى