السلام عليكم

يا شباب هل هم مشددين على الوزن؟؟؟؟؟

الرجاء الرد ضرووووري الساعة 8 عندي موعد في المستشفى

اذا كان طولك فوق الـ 168 ان شاء الله بتعدي طبعاً اذا ماكنت سمين مره

كم وزنك يالغلا وكم طولك وانا اقولك يقبلونك او لا اذا وزنك تحت 100 مبروك اجتزت

كل شي يصير لك من البداية للنهاية
الموعد الأول الي يحددونه لك السجون تروح لهم بمقر القبول والتسجيل يعني اذا قالو موعدك بتاريخ 26 - 7 تروح للقبول والتسجيل بنفس التاريخ يعطونك ورقة مكتوب فيها تعليمات وياخذون منك صورتين ويقولون لك بكرا تروح للأدلة الجنائية الساعه 6 والساعه تسع مستشفى قوى الأمن طبعاً
من بكرا الصبح تروح لازم تكون ست عند الادلة الجنائية تروح هناك ويطلع لك المندوب ياخذ بطاقة الأحوال يجمعها ويدخل يضبطون بياناتكم ويبدأ ينادي الاسماء وتبصم وتطلع [[ اللي بيروح للأدلة الجنائية حاول تكون عند الباب علشان ياخذ بطاقتك قبل ]]
طبعا تخلص من الادلة تروح لمستشفى قوى الأمن خذ معك بطاقة الاحوال وقلم ولا تروح هناك الا تسع خلك عندهم تسع واذا رحت اسئل عن مكان كشف العسكرية وبيدلونك واضح وباين
اليوم الأول تروح بزي رسمي ثوب وشماغ ينادون بالأسماء وتدخل ثم تجلس يعطونك ورقة فيها بيانات تعبيها كلها سهلة واسئلة بسيطة هل تعاني من امراض وهل لديك امراض نفسيه وتوقيعك ورقم جوالك .. الخ
ثم تروح لموظف وتحط اصبعك الابهام لمطابقة البصمة وتعطيه بطاقة الاحوال يتاكد بعدها ترجع تنتظر لين ينادونك تاخذ الطول والوزن طبعاً هناك قفل جوالك اهم شي لا يدق ولاتسولف لإن في ناس تنطرد
بعد الطول تروح للأشعه وانت وحظك يمكن تطول ويمكن لا تاخذ الاشعه وتروح
ترجع لهم اليوم الثاني وتكووووووون لابس رياضي وهاليوم للبول والدم وحاول تشرب موية بكثره واذا كنت بتنام بدري قم قبل الموعد بساعتين وادخل دورةا لمياة وفرغ مثانتك [[ يعني اقض حاجتك ]] واشرب موية كثيررررر
البعض بيقول ليش انا اقول لك اذا كنت نايم بيكون البول اثقل من كونك صاحي والكل يدري عن هالشي اصحى واشرب موية بكثره خل البول صافي علشان مايكون فيه شي بالتحليل افضل لك
وبعد ماياخذون الدم والبول تروح وتجي لليوم الثالث الي هو عيادات طبعاً بموعد العيادات لازم تقص اظافرك ولازم تكون منظف عمرك ومحلق شعر العانة وشعر الابط للإن النظافة مهمه جداً جداً نظف اذانك وضبط عمرك ورح لهم

_ حلاقة ماينتبهون لها
_ الرتبة بخصوص حقين الدبلوم بتتفاجىء انهم كاتبين الرتبة جندي احب اطمنكم المندوب يقول خطأ ورتبكم هي وكيل رقيب

اليوم الرابع سموم وبكذا تكون انهيت الكشف وفالكم الدورة ان شاء الله

أحب ابشركم اللي يخلص الكشف الطبي ويكون سليم يعتبر نفسه ان شاءالله مقبول هاذا كلام اكيييد اللى اذا طلع شي في تحليل السموم يعني اللي عارف نفسه صووفي هههه صدقوني مافيه فرز نهائي هاذا كلام العسكري وبنسبه الدوره شهر 10 ويقوول احتمال كبير في عسير بس مو مضمون لحد الان متاكد انها بتكون عسير وبتوفيق ياشباب وان شاءالله نشوفكم على خير

انا طولي طلع 177 ووزني 86

وان شاء الله بنقصه الى 75 ليكون الوزن المثالي الممتاز