26-12-2012, 05:16 PM
|
عضو نشيط
|
|
تاريخ التسجيل: Nov 2010
المشاركات: 155
معدل تقييم المستوى: 4099
|
|
اقتباس:
المشاركة الأصلية كتبت بواسطة سيف الشعر
الاسبوع هذا طلعونا يوم ثلوث كان اسبوع سريع اختبرونا سباحه بنادي الامل بالبكيريه واجترزت الاختبار الحمدلله وبعد صلاة ظهر يوم الاثلاثاء القى العقيد الحماد قائد مركز تدريب القصيم كلمه كان لها وقع كبير بنفوسنا جميع الي فهمناه ان ال 16 اسبوع الماضيه كانت للمركز ولنا اما الاسبوع الاخير بيكون لقائد المركز بمعنى ان هالاسبوع بيصير يختلف الله يستر ..... اتمنى الاطفال الي بمركزنا يكبرون هالاسبوع وماتصير مشاكل لنا وتخف الجنايات..
وانا من هنا اشكر قائدنا الحماد على جهوده الكبيره مرت ايام مركز تدريب القصيم علي باختلاف كبير عن مركز العوالي حسسونا كاننا طلاب جامعه باذن الله بيكون تحضيري هالاسبوع مبكر اكثر وانضباطي راح يكون اكبر كله احترام للرجل الي وقف معنا طول هالشهور..
نبذه عن مركز تدريب القصيم ...
قائد المركز يدور بالميز على الطاولات ومعه ملعقه يذوق الاكل من صحون الطلبه كم انت كبير يالحماد.
|
الحماد ما شاء الله تبارك الله ماسك العصى من النص لا تكن ليناً فتعصر ولا تكن يابساً فتكسر احسه يمشي على هالمثل والغلطان ياخذ جزاه وفعلا ما فيه عقيد بأخلاقه واحترامه وفعلا قالها الاسبوع الجاي اسبوعي لانه عادتن الاسبوع الاخير من الدورة يصير فيه بزوطه ولا ينفع بهالاسبوع الا القوه والصرامه وفعلا الاسبوعين الماضيه فيه طلبه بدو ينضبطون ليس بسبب التشديد وانما بسبب الاحترام المتبادل بين الضباط والافراد والطلبه واتوقع انا الاسبوع الجاي قمه الانضباط من الطلبه بعكس المراكز الثانيه بالمناطق الثانيه اللي راح يكون الوضع فيه سيئ جدا تحيه للعقيد الحماد على ما يبذله من جهود والله لا يضيع تعبه وبصراحه نطلب حنا الاسبوع الجاي يوم مفتوح نحتفل مع عقيد مركزنا هذا اقل شي نقدمه لعقيدنا وللضباط الموجودين بس ان شاء الله يوافقون على هاليوم ...
يوم كنا بمكه كان الوضع فوضى عارمه وكانو في قمه التشديد على الطلبه الطالب بمكة اعتاد على الجزوات وصار بليد وفاقد للأحساس يعني صار عادي تجازي ما تجازي كله واحد كنا بمكة تلتفت يمين مكموخ يسار منجلد يعني ما يخلونك تنفس جابو القريني شهر وجابو عقيد ثاني الحرقان اضنه شهر بعد بس ما استفادو شي منهم الا الجزوات اللي بدون بسبب صار الطالب يتجازا بكل فخر واعتزاز ولا يبالي بأي جزا بسببهم لدرجه ان الطلبه المنضبطين اذا سوا خطأ بدون قصد يقول بينه بين نفسه بيجازي خله يجازي بيده ورجله ما فرقت معه ليش لانه المنضبط والمبزوط بدرجه وحده عند القريني والثاني هذا وانا ابيهم يفهمون الجيل اللي حنا فيه ما ينفع فيه الشده لانه ينقلب سلبي بشكل ما يتوقعه كنا ايام القريني والثاني اللي جا بالشهر اللي بعده تزداد مخالفات الطلبه ويزداد الهروب ويقل الانضباط بسببهم وبمكة الطلبه اللي يثقلون عليهم بالجزوات وما يخلونه يتنفس يجيك الطالـب منفس وقافله معه هالاهانات المتكرره يجيك ياخذ شنطته ويتفـل بوجه الضابط المستلم هذا ان ما ضربه قبل يطلع ويهينه ويفصل من المركز وهاذي صارت قدام عيني بمركز مكة وكان الطالب في قمه الانضباط يعني وش استفاد الغبي القريني والثاني اللي جا بالشهر اللي بعده فصلو هالطالب واكيد انه موب بس هالطالب اكيد كثير اللي انفصلو ظلم او بسبب تشدد زايد عن حده المنضبط ما انضبط الا عشان ما تجازية تجي تجازية وش بيسوي يعني بيزود الطين بله صار الطالب يدور الحجز بمكة ولا يبالي يحجز ما يحجز طز مو فارقه معه يعني بالمختصر يا الداموك يا القريني والحرقان العسكرية القديمه اللي عندكم غيروها اذا فيه طلبه معهم شهادات جامعيه ومتفتحين ..
وبالمختصر هالجيل ماهو مثل الجيل اللي على زمانكم يا القريني ويا الحرقان ويا الداموك الشده ما تنفع معه وانتم شفتم ضغطكم وش سبب للطبه وجنيتو اللي زرعتوه بمستوى سيئ للغايه وبصراحه القريني ما يستحق المنصب اللي هو عليه سمعت انه مدير تدريب ومدري وش بصراحه نحتاج واحد مكانك من جيلنا عشان يفهم جيله ...
وانا اذا قارنت وجودي بمكة وبالقصيم ..
بمكة الهروب كل يوم وكل ساعه وكل دقيقه وكل ثانيه ويمكن لو اسوي تكميل برا مركز مكة العدد برى 1000 و 1000 بالمركز اي بمعني 50% هروب باليوم الواحد ايام القريني والحرقان
بينما بالقصيم وين ووين نسمع واحد هاج واذا طاحوبه هاج انحجز يعني نسبه الهروب 1% بقياده الحماد ..
عقداء مركز مكة قليل ما تشوفهم بالميدان وبمجرد انتهاء الدوام الظهر يروح لبيته اي بمعنى يلقي اوامره بالغالب وهو على مكتبه ما اظن ان هذا حلل راتبه ..
عقداء مركز القصيم تشوفهم بكل وقت وبكل دقيقه وبكل ثانيه عادي تشوفه بالليل وقت النوم يدور بالسكن عادي تشوفه بالميز وقت تناول الوجبات ويكشف على الوجبات لسلامه الطلبه طبعا مركز مكة لا يعرف هذا كله همه هالراتب ويفصل ظلم مدري وشلون يتهنا بهاللقمه اللي ياكلها ويوكل عياله بمركز القصيم العقيداء يدورون على كل المركز ويتفقدون بأستمرار واي شي تالي اول بأول يسونه ويحون اضافات تريح الطالب بينما بمركز مكه دورات المياه وانتم بكرامه البيبان مخلعه من اجمالي 20 دورة مياه الصالح منها 10 ولا عقيد من عقداء مكة يسوي جولات تفقديه يعني بالمختصر استاثمو 2000 طالب على رقبتهم مدري وش اوضاع الدورة ال 2000 اللي دخلو بعدنا لاكن كارثة عضمى ان كانهم ما عدلو بعض الامور لهم ..
يعني بالمختصر الحماد استطاع ان يتعامل مع الجيل الجديد بشكل افضل من قياده القريني والحرقان والداوموك مجتمعين
|
العرض العادي
