السلام عليكم ورحمة الله وبركاتة
اعتذر عن تغيبي ليوم امس
واسعد الله مسائكم بكل خير
لكم جميعاً
اخواني من الدفعى الاولى
اولا : نبارك لكم استلام الرواتب رغم انا ما شفنا احد تكلم في موضوعها
على بالكم تبون تصرفون الموضوع .
ثانياً : ادري ان موضوع بقائكم في العوالي الفترة الجاية مسبب ازمة نفسية لكم
لكن الي ابي اتكلم عنة هو الغرض من هالقرار الي جاء مفاجئة للجميع
طبعاً انتم عارفين ان رمضان على الابواب
وان مثل هذه المناسبات الدينية تستعد لها الدولة بوقت مبكر جداً
ومن ضمن هذه الاستعادات هي تأمين سلامة المعتمرين والزائرين لبيت الله الحرام
وتتسابق الناس لتقديم الخدمة والرعاية لضيوف الرحمن .
وشرف لكل انسان ان يحضى بهذه الميزة ابتغاء كسب الاجر والثواب في مرضات رب العباد .

الي ابي اوصل له ياشباب احنا ليش متذمرين من نيل هالفضل العظيم
كلة عشان الواحد يبي يروح عند اهلة بس .
انتم الآن محسوبين على الوطن كرجال آمن ومهمتكم اسمى واعضم اجر في كافة مجالات اعمالكم الموكلة لكم .

احنا اليوم في الآمن والامان
وتذمرنا من جلسة لمة شهرين عشان خدمة ضويف الرحمن

اجل بكرة وش بيصير لو صارت كارثة او مصيبة في اي بقعة من بقاع وطنكم الغالي واستوجب الامر انكم تروحون وتفزعون .

قبل كم سنة سمعتوا بزلازل العيص
وشفتوا في التلفزيون كم من القوات والاليات والناس الي راحوا لخدمة العالم هناك
كل واحد ترك عياله ومالة وناسة وراح لخدمة المواطن .
ورجعوا لهلهم سالمين غانمين .

وانتم رجال آمن في السلم والحرب المفروض ما تكون ردة فعلكم ماهي بهالصورة
انا ما القى عذر لكل واحد فيكم
الا بسبب واحد هي الطريقة الي انتم تبلغتوا فيها
يمكنم هذا هو السبب الي خلاكم تكون ردة فعلكم بهالصورة
لانة ما وضح لكم السبب لبقائكم
وماهو المطلوب منكم
وماهي طبيعة العمل
وماهو البرنامج الي بتكونون علية .

لذلك انا بوضح بعض النقاط الي انا اشوف انها بتكون في المستقبل .

المرحلة القادمة :
اعتبارً من يوم السبت 8/3 تعتبرون دخلتوا في الجزء الثاني وهي دورة التاهيل الفني .
الامور العسكرية تخف بكل ما تعنية الكلمة بشرط ارتفاع مستوى الانضباط
لا تجلسون تسوون حركات وتقلون ليش على الوراء در وثبوت في الشمس
انتم الحين صرتوا عسكر وهذا جزاء عسكري .

لكم اجازة اسبوع احتمال يكون الاسبوع بعد القادم او يخلونة لكم مع استلام راتب شهر 8 .

مهمة رمضان بتكون كلها وناسة وسعة صدر ويكفيكم انكم بتحضرون صلاة التراويح في الحرم
العالم تدفع عشرات الالف عشان تحضر هالشهر الفضيل في الحرم

اعتباراً من تاريخ 8/3 محسوب لكم ضمن برنامج التاهيل الفني يعني تخرجكم بعد مهمة الحج مباشرة .
يعني ما راح تزيد عليكم المدة بسبب بقائكم في العوالي .
عودتكم للمراكز التابعين لها بعد العيد مباشرة

اسئل الله لنا ولكم التوفيق
واهم شي في الموضوع احتساب الاجر
والله لا يحرمكم الاجر والثواب

^
يالبى قلبك يالحوت بس
يآشيخ لو انت منت عندنا وش كان بيصير فينا ؟

الله يجزاك خير يالحوت وهذه العسكريه تبي الرجال الي تصبر وقت الشدايد وتكون متوقع اي شي راح يصير اخوي الحوت تتوقع الدوره بعد العيد مباشره والشباب العام بتاريخ كم دخلوا الدوره

يخدمووون ضيوف الرحمن ع العين والراااااس ماقلنا شي
لكن وش هالاستهتار بالدوووره كل همهم ثبوت وجزاء
لهم اربع شهورعلى هالحال خلاص ...

ومن الاساس ليه ماضبطوووو خطتهم ولك يالحوت اكثرمن اسبوعين تبشرنا بخروجهم لمراكزهم وبالنهايه تغيرالخطه ((انت مالك ذنب بشي ورايتك بيضاء )) وماعلى الرسول الاالبلاغ ...

ومن حققققققق وابصم لك بالعشره ان هالقرار موب نهائي انا داري بعداسبوع بتكتب انه تم وضع خطه جديده وبيكملون بمراكزهم
كل خططططططططهم مططططرسسسه × مططططرسسسه
الله يكوون بعووون الدفعه الاولى ويحمي تسبد كل من لعب بنفسييييييييياتهم ونفسيات أهاليهم ...
هزززززززلت

الاخوان الي يقولون محنا راجعين الا يوم الثلاثاء او الاثنين
احب اقول لكم
ترى النظام العسكري العن نظام في العالم

يعني خذ حسابك
1- غياب 7 ايام متواصلة فصل من الخدمة .
2 - غياب 30 يوم متفرقة خلال السنة الهجرية فصل من الخدمة
3- اي يوم غياب بيحسم عليك من الراتب + حجز اسبوعين
4- اي حسم معناة تاخير في الترقية لان الحسم يخصم من نقاط الترقية
يعني بعد سنتين زملاك بيغلقون عريف وانت جالس تقول ياليت
5- اذا فصلت من الخدمة او استقلت الحين لا تفكر انك ترجع لاي قطاع عسكري
لان النظام العسكري يشترط عدم وجود خدمة عسكرية سايقة لك وانت الحين تعتبر خدمت في العسكرية حتى لو كانت خدمتك يومين اهم شي عدلت مهنتك .

لذلك نصيحة اخوية فكر قبل ما تقول ياليت

والله يكتب لكم الي فيه خير

الله يصبرنا على الشهرين