معاناة عاطل ،،،،،،،(اتمنى تعجبكم )

جـ الفراق ـريح · #1 (**permalink**) 20-12-2006, 04:12 AM

السلام عليكم كيفكم ان شاء الله تكونوا بافضل حال يارب
هذي قصيدة من تاليفي انا ما اقول اني شاعر بس تعتبر محاولة شعرية مني اتمنى تعجبكم
اقول فيها

تعبــــت من هالــوظيفة ومن هـالانــتظـار

كلمـا قدمـت قالـو انتظـر منـا اتـصـال

كلما اسمع عن وظيفة اتجه صـوب المطـار

اتعنى من مدينة الى مدينة ودي بالرزق الحلال

عايش بهم وفراغ ومـن جـدار الـى جـدار

والمصاريف اكثرت كلهـا فـي روح وتعـال

جامعي ومستحي اذا اسألونـي ايـش صـار

اقلهم انـا مـا لقيـت وغيـري بعـز ودلال

لو يقولـو لـك وظيفـة فـي محـل عطـار

والا بتلاقي وظيفة لك في دولـة الصومـال

يمكـن اخايـر واروح واتخـذ ايـة قـرار

دام باقي الوظايف ما فـي امـل او احتمـال

ما فيه احد في يوم دق وقال عنـدك اختبـار

ولو الاقي حرف واو كان حالي احلى حـال

كان ما عنيت نفسي وكان مـا فيـه انتظـار

كان من يومي توظفت بدون قيل وبدون قـال

لكـن الـرزق بيـد ربـي الواحـد الجبـار

والنصيب اللي يجيني فيه راضـي لا محـال

العاطل الولهان · #2 (**permalink**) 20-12-2006, 01:36 PM

جـ الفراق ـريح صح لسانك ولاعدمناك ... وتعبير عن البطاله أسأل الله ان يفرجها لنا.

محمد الزهراني · #3 (**permalink**) 20-12-2006, 02:36 PM

ياسلام عليك

ولا احسن من كذا

سلالسة ومتناسقة

وصح السانك وحياك معنا

وحياك الله خلاص انت صرت واحد من اعضاء هذه الصفحة دام هذا اول انتاج نتشرف بك

وننتظر جديد.

وننتظر نحن وانت المزيد من شعراء مبدعين ومميزين .

وتحياتي