السلام عليكم.



جداً محتارة و قلت ممكن أحد يساعدني أو نصيحته تساعد.

عرض وظيفي و اباشر العمل يوم السبت.

لكن اللي مو عاجبني وافكر فيه اول العمل

الاسبوعين عند المدير للتدريب على النظام و غيره
وهو هندي , طبعا وسيلة التفاهم انجليزي.

وأنا تنااااااااحه بالانجليزي ممكن افهم كلمه وحده.
و الانجليزي يختلف من متمرس ل مبتدأ.

وهو كلامه سريع حتى لما تكلم ببطء برضو مافهمت .


كيف ممكن اتواصل معه.
خاصه ان النظام بالسستم اللي بشتغل عليه انجليزي و التعامل مع الحاسب بالانجليزي ماعندي مشكله فيه.

لكن توتري اني اكون بنفس المكتب & اسبوعين فتره طويلة & الانجليزي.

انا لقيتها فرصة عشان اتعلم الانجليزي& فرصة عشان السستم اللي بدخله نظام رواتب ومن عنده معلومه عن نظم ساب& فرصة للمسمى الوظيفي لو بقدم بمكان ثاني.


لانها اول وظيفه لي بتكون

ربي يرزق الجميع.

وشكراً

كيف وظيفتك تنزلين رواتب للموظفين !!!؟؟

الي اشوفه كووويس ووظيفة ادارية وخبره كويسه تفيدك مستقبلا ...

ويمكن القطاع الي تشتغلي فيه حاليا يعطيك راتب كويس برضوو.

الله يوفقك ويستر عليك ويرزقك يابنت الاجوووووواد

يعني هي فتره مؤقته وتصيرين بعدين لمكتب منعزل ومعك بنات !!؟؟

والشركة بها جانب وسعودين ولا هنود بس !!؟

اهم حاجه الشركة تكون كل شخص بعملة والادرة متعاونة معك ....

شوفي الي يريحك وستخيري انت ادرى بالمكان الي تعملي فيه ....

ماقدر افرض راي ولا شي ونا ماني عارف ظروفك .. الله العالم بظروفك ..

ربي يفرجها عليك

مريت بالمرحله هذي وكنت محرج ومرتبك لأن لغتي ضعيفه لكن سبحان الله
كل التوقعات الي خايف ماصادفتني
ودائماً المدراء يقدرون هذا الشيء انو الشخص مبتدء وراح يمشو معك بشويش ومايضغطو عليك .

اضغطي على نفسك بدون توتر ولاتتفلسفي (لان اي مبتدء بيحاول يفرض نفسه بالبداية) والشركات اهم شيء عندها انجاز العمل وركزي عليها انجاز العمل, عكس الوظائف المدنية الي تهتم بالحظور والإنصراف وثقي بالله سبحان قبل كل شيء ودعي ربك وقولي يارب ان كانت هذي الوظيفه خير لي فيسرلي امري فيها , والهنود كويسين وهادين وخلوقين جداً ويساعدك بشكل كبير ودائمن موظفي القطاع الخاص يفضلون الرئيس او المدير الهندي على الجنسيات الأخرى لأنهم حقانيين وما يظلمو .

بإذن الله اتوقعها بداية خير لك . توكلي على الله

يعافيكم ربي شكرا على تعقيبكم
وكلامكم بمحله

اي هو قال لي لا تخافي وبتتعلمي
الشي الكبير بس ان بنت تكون قسم رجال هنا بس المساله
والله يعديها و بكلم الاداره يخففون الوقت

شكرا لكم وربي يرزقكم كل الخير

اولاً موفقة باذن الله

اقبلي بالوظيفة وهي فرصة لك تمارسين اللغة عشان تطور عندك.
غير كذا هذه الوظيفة تساعدك انك تكسري حاجز التوتر و الخوف و تكون ثقتك بنفسك اكثر.
وحلو انك تكسبي خبرة و ان شاء الله رواتبهم حلوه كمان.

الله يوفقك