السلآم عليكم



قسسسم خلآ ص ضآقت علي آلوسسسيعه رحمتك يارب

شبآب ( وش التقديمآت الجآيه تكفون عطونآ خبر مؤكد )
لآني ( خلاص ألظآهر ) بروح اقدم على الجيشششش / مع آن طولي 168 ووزني منآسب
وشهآدتي ثآنوي عآم والنسبه ( 86 )
ومعي شهآدة حآسب ست شهووووووووور

اصبر شوي احسنلك

يجيك رزقك يالغالي كل واحد ونصييه

التقديمات الجايه على النحو التالي :-

1- الدفاع المدني بشهر 10

2- حرس الحدود بشهر 8

3- مكافحة المخدرات بشهر 11

4 المباحث العامه بشهر 10

5- الأمن الخاص بشهر 8

6- القوات الجويه بشهر 12

7- الأمن العام بشهر 3

وهاذي كلها توقعات طال عمرك .. الله يوفقك ويسهل امرك

حياك الله اخوي كراسي الانتظار وشلون بشرني عنك

وانا اخوك تذكر ان رزقك عند الله سبحانه و تعالى ما احد غيرك راح يأخذه


و انا انصحك بالقطاع الخاص افضل لك دامك قاطع الامل في العسكريه وش تبي في الجيش ؟

عندك البنوك دام معك حاسب رواتب ضخمه و دوام فله

و عليك بصلاة الاستخاره و اي تقديم يالغالي تشوفه مقارب للطولك قدم عليه

و على فكره دام معك حاسب فأنت تعتبر " فني " <~ يعني اي قطاع راح تقدم عليه عسكري راح تأخذ صنف على شهادة الحاسب و يصير عملك فني يعني الشغله عسكري على مكتب

و انا اشوف بعد حرس الحدود عندهم الطول شوي من ناحية الفنيين حليو يعني قريب من وضعك


والله يوفقك و يسهل امورك ان شاء الله و يعجل لك بالرزق
عليك بالصلاة و الاستغفار و الوتر و الدعاء ومن ترك شي لله عوضه الله بخير منه

اصبر لاتستعجل مادام معاك حاسب اصبر

ناس لهم اربع سنوات وناس لهم خمس سنوات مثلي

ان شاء الله ربي يرزقك

الله يوفقك

في الجيش فيه رواتب توصل ل 9000 و 10000 يحلم يجيبها جندي فالداخليه

مثل الضفادع البشريه والمضليين

ولاكن تبي رجال تصبر وتكرف ولا يهون الجميع

بس يضل الجيش آخر الإحتمالات لسبب ان تعينه في آخر الدنيا

والله يفرجها من عنده

[ALIGN=CENTER][TABLE1="width:95%;"][CELL="filter:;"][ALIGN=center]
يآرجآل فيه نآس دخلت اسوء القطآعآت العسكريه وفتحت عقولهآ
وسوت لهآ مشآريع والأن هم تجآر فلآ تعتمد على الوظيفه حتى ولو انك
في افضل قطآع لو دخلت الجيش قول اقل شي راتبك بيكون 4ونص لو بتحفض الدرآهم
وبتحط الف ريآل كل شهر على جنب بتطلع نهآية السنه 12 الف تدري ان هذا المبلغ يخليك تفتح
بسطة خضآر او بسطة جوآلأت وهذا هو فقط 12 الف ريآل وانا ترى مآ اقول لك ادخل الجيش
انا اقول لك ان المشكله فينآ حنى مآنعرف وشلون نصرف امورنآ ولا نعرف نحفظ فلوسنآ الهندي
يجي من الهند وهو مآمعه ولا ريآل لا اذا كآن يآدوب حق اكله وشربه ويشتغل بـ 20 ريآل فآليوم يعني 600 ريآل في الشهر وتلقآه وحبه حبه وتلقآه يشتغل في كل شي يبيع خضره ويغسل سيآراة
ويشتغل في مطعم انا أعرف هندي في حآرتنآ يغسل 12 سيآره يومياً كل سيآره بـ 10 ريآل تدرون كم
تطلع في الشهر تطلع يآجمآعة الخير بـ3600 ريآل هذا المبلغ عندهم في الهند مبلغ هآئل وكبير جداً الريآل
السعودي يسآوي 14 روبيه وعليكم الحسبه ولا شفت وجه وملآبسه وأكله و عزبته الي سآكن فيهآ تقول
هذا مسكين مآمعه ولا ريآل بس هم كذا يحفطون الريآل وتلقآهم في الهند من كبآر التجآر قبل فتره قريت
في صحيفه سعوديه عن واحد هندي كآن يشتغل حلآق في السعوديه براتب 800 ريآل واشتغل في السعوديه
23 سنه جآيبين صورة بيته وسيآرآته عنده سيآرآة اظآهر ان عيآل الشربتلي مآركبو زيهآ بيته كبير وفخم ويربي تمآسيح وحيوآنآت لليل وهذا وهو راتبه 800 ريآل يقول الفلوس السعوديه فيهآ بركه تلقآه في الصبآح
حلآق وفي الظهر يغسل سيآرآة و في العصر يبيع بطآطس وفي المغرب يشتغل مكآنيكي وفي أخر الليل يحي سهآرآة غنآئيه على كورنيش جده يطلع الريآل غصباً عن الي مآيرضى
والسعودي يهجول في الشوآرع وخميسكم فله وربوعكم دشره واذا شآف خويآه توظفو قآل
يلعن ام الحآله انا الين متهآ طفرآن وقآم يحك شوشته ونسى انه زحف ومآنفعته الزحف والدشره لين رآح عمره لأكن فيه عينه طيبه انا اتمنى لهم التوفيق وهم شبآب سعوديين 100% لأكن للأسف بموآصفآت أجنبيه يشتغلون ويتعبون ويطلعون الريآل من عرق جبينهم وهذولا
الشبآب الي القآهم انا دايماً في كورنيش جده يبيعون شآهي على الجمر نآس تنبسط لا شفتهم واعذروني على الأطآله والكلآم الطويل لأكن كآن في خآطري كلآم وقلته لكم
والــــســـلآ عــلــيــــكــــــم ورحــــــمـــــة الــلـــه وبــــــركـــــــآتــــه .
[/ALIGN][/CELL][/TABLE1][/ALIGN]

اذكر الله ياخوي
نسبتك حلوه وتأهلك تدخل مجالات كثيره

تابع التقاديم بالجامعات والوظايف وقدم عليهم
ولا تنسى ان الله موجود ..

[align=right]- الله بيرزقك , أنت أبذل الاسباب و لا تخاف
- بالنسبة لي أفضل إنّك تقدم على جامعه حتى لو تخصص " عادي " و بإذن الله تتيسر [/align]