مرحبا يامعلمات يابطلات
حبيت اخبركم عن مقابلتي عشان تستفيدو منها
بالبدايه انا مرشحه بالاحساء وانا من الدفعه الرابعه من سكان الدمام
المهم انو رحت للاحساء ودخلت مبنى التدريب والابتعاث وكانت فيه المقابله
وكان قممممممممممة الفوضى والحوسه وتسحيب طاولات وكراسي وازعاج مو طبيعي
واللجنه برضو ينقلون بهالطاولات اول مادخلت انفجعت من الازعاج وماكان فيه الا انا
قلت ابي اسوي مقابله اخذو اوراقي وقالو انتظري تجيك الاستاذه تعملك مقابله
قلت اوكي شوي جت وجلستني ووووسط الازعاج وقلت هنا المقابله قالت اي
قلت ازعاج قالت معليك عندنا شوية ترتيبات طبعا من غيررر اجوء الحررر والقرف وغبار القاعه
والمكيفات شغاله ولها صوت مزعج يعني اجواء ماتهيئ للمقابله نهائيا وجلست
وانا معصصصصبه بالاهمال والاستهتار اللي حاصل مالقو يرتبون ويسحبون الطاولات
الاهالوقت ليه مارتبو نفسهم من قبل وهم عارفين انو في مقابلات المهم انا تخصصي لغه عربيه وعلوم اجتماعيه بدت تسالني بلهجة اهل الاحساء طبعا لهجتهم جديده علي فما فهمت وش تقول
طول ماتسال وانا هاه ايش عيدي قالت بالبدايه قرااتش قلت وشو قراتش قالت انتي ماتقرين
كتب قلت الا قالت طيب قراتش قلت صيغي سؤالك قالت ماذا تقراين قلت اي قولي كذا
قلت كتب الادبقالت اخر كتاب قراتي قلت المستطرف في كل فن مستظرف
سالتني عن ايش يتكلم وتفلسفت
عطتني ورقه وقالت اكتبي
لم يخش الطالب العقاب واعربيها؟
ومافضل سورة البقره؟وسورة الكهف؟
من زوجة علي بن ابي طالب؟
من هم الخلفاء الراشدين؟
عددي بنات النبي ؟
ماهي طرق التدريس؟
ماهي عناصر القصه؟
منهم البطله؟اللذين تحدث عنهم الرسول صل الله عليه وسلم وقال لاتستطيعها البطله؟
هذي كل الاسئله حمدالله جاوبتها كلها
وكنت واااااثقه ومافي شي يخوف اللهم الازعاج الحاصل كان معصبني فكنت مكشره طول الوقت ومتنرفزه وشكله كان واضح علي والله يسهل اموركم

الله يوفقك اختي .. بنات وايد الي سووا مقابلة هناك قالو ازعاج مو طبيعي .. بس الحمد لله عدت على خير .. ومبروووووك