[align=center]السلام عليكم ..

حياكم الله جميعآ آخواني ..

اخواني انا .. خريج عآم 1430 ~ 1429
وعاطل


معدلي للثنوي : 82% علمي
قياس : 69
التصحيلي : 61

يآ اخوان ابي نصيحتكم ..

ما يهمني دبلوم أو بكآلوريوس

اهم شي اتوظف عمري 22 طفشت

ولغتي الانجليزية ضعيفة وسآكن بالرياض

أبيكم تدلوني على شي حلو ,

الله يجزاكم خير ويرحم وجهكم ووالديكم عن النار ..

وهل تتوقعون يقبلوني التقنية قسم ادارة مكتبية ووش رايكم بهل القسم
[/align]

وعليكم السلام ورحمة الله وبركاته، لا تطفش وانا اخوك، هذاني عمري 28 وعاطل ولا تضايقت..!

رزقك ربك كاتبه لك، ولا يعلم موعده غيره.. لكن عليك بالاتكال وبذل الجهد.

بصراحة ياخوي اشوف مجال الحاسب افضل، خصوصاً ان مافيه قطاع خاص او حكومي ما به حاسب ^_^

اهم شي التخصص، ابعد عن التخصصات السهلة، اللي تحصل منافسين لك بكثرة.. وربي يوفقك.

اخوك

يا اخوي خش اي شي دبلوم لو حتى تمريض بس اهم شي تاخذ شهاده
لكن مايمديك لانك متاخر سنتين وهذي تنفيها بعض الجامعات
اظن الانتساب راح يفيدك حاول انك تنتسب وربي يكتبلك اللي فيه الخير

والله عندك كلية التقنية وكلية المجتمع ان كانك مستعجل يعني دراسة اسنتين او سنتين ونص

بس المكافات في الكلية التقنية وكلية المجتمع ما فيها مكافات والادارة المكتبية حلوة وعندك المحاسبة والله يوفقك

قرر وسجل هالسنة اذا مر خمس سنوات على شهادتك وبعض الجامعات ثلاث سنوات ما عاد يقبلونك منتظم

وبعدها ما يصير عندك فرصة إلا تسجل منتسب أو معهد أو جامعة خاصة

ورأيي من رأي اخي عبدالمحسن شوف لك تخصص مطلوب

الله يوفقك ،

اقترح عليك تدخل جامعه اهليه عندكم في الرياض كثيره منها جامعة دار العلوم اللي قريبه من جامعة الامام

سجل فيها وقدم على المنح تدرس بلاش لان من شروط المنحه ان لاتقل درجة القياس عن 65 وانت جايب 69
جامعه اهلية الدراسة فيها سهله وفيها دف المنح بدأت من الحين الى 20 رمضان
او
ادررس اداره مكتبيه في التقنيه وبعد ماتخلص كمل تجسير في اي جامعه اهليه تدرس سنتين وتاخد بكالريوس

شروط الواجب توفرها في قبول الدارس المتقدم للمنحة لخريجي الثانوية العامة:
أن يكون سعودي الجنسية.
أن يكون حسن السيرة والسلوك.
ان يكون غير موظف.
أن يكون الطالب مسجل في احد الجامعات والكليات الأهلية المشمولة في برنامج المنح .
أن لا يتجاوز الدارس الحد الأدنى من المدة الزمنية ( المعتادة ) للحصول على الدرجة.
أن تكون الدراسة بنظام الانتظام بالجامعات والكليات الأهلية. على الأ يقل عدد الوحدات الدراسية المسجلة فصلياً عن 12 ساعة .
أن يحصل الطالب على معدل لا يقل عن جيد جدا (80%) في الثانوية العامة ومعدل لا يقل عن (70%) للقدرات والتحصيلي (70%) للطلبة المستجدين لتخصصات ( الطب وطب الأسنان والصيدلة والعلوم الطبية والتمريض) و جيد جداً (80%) في الثانوية العامة ومعدل لا يقل عن (65%) للقدرات للطلبة المستجدين لبقية التخصصات.
ان يكون الطالب من خريجي الثانوية العامة للعوام الدراسية 31/1432هـ و32/1433هـ