عندي استفسارات لاني ابتوكل على الله وادخل المشروع
اولا وش شروطهم لفتح السجل لازم يكون في سيارة نقل وخشب؟
التاشيرات اقدر اطلعها على البلد اللي ابغاه والا هم يشكلونها وكم يعطوني وايش هو تأييد العمالة
عندي شخص باكستاني يبغاني انقل كفالته علي اذا نقلته قبل ما تطلع التاشيرات هل يلغون علي تاشيره علشانه
انا ابغى اشغلهم هنا ونمسك العماير ما ابغى ابيع الفيز
وهل اقدر اشتري تاشيرات من برى واحولها على كفالتي والا هم يكونو على كفالت صاحبهم الاصلي
تكفون اللي عنده خلفيه يعلمني
طفشت بطاله

محد يعرف

بالتوفيق

[align=center]السجل التجاري لايحتاج الى محل فقط ملف اخضر علاقي وبرنت من الاحوال انك عاطل وصورة بطاقتك وحطها في الملف وروح لوزارة التجارة لو قدمتها 8 الصباح تستلمها بعد الظهر

رسومها 1000 ريال لمدة 5 سنوات + 800 ريال للغرفة التجارية

وكل ماسبق غير كفيل بان تستخرج اي تاشيرة او تنقل كفالة

الان بعد ماتخلص السجل يجب عليك استئجار مكتب وتاثيثة وتركب عليه لوحه وتجيبلك ملف اخضر علاقي وتحط فيه :
صورة البطاقه
صورة السجل
صورة عقد الايجار
صورة سند القبض
3 صور للمحل باينه فيها اللوحه
صورة من فاتورة الكهرباء


على كل متر للوحه 100 ريال

بعد ماتطلع الرخصه

تروح للزكاة والدخل وطبعا ملفك الاخضر وفيه نفس الطلبات بس بدون صور المحلات فقط وتحط كروكي للمحل وتفتح ملف واول سنة مجانا

وبعدها تروح لمكتب القرف والضغط والسكر والتعقيد و>ل المواطن وتطفيشه وتفتح عندهم ملف للمنشاة وايضا ملف اخضر علاقي تحط فيه جميع ماحطيت لملف الرخصه بالاضافة لكروكي للموقع


وتنتظر من اسبوعين الى ثلاثة ليتم ربط الموسسة مع التامينات وبعدها تروح لموقع التامينات وتسجل فيه ويطلعلك نمودج تختمه وتحط معه صورة البطاقه وكروكي للموقع ويخلصونك سريع


بعدين ترجع لمكتب القرف والوساخه اجلكم الله ومعك صديقك الملف العلاقي وتحط فيه جميع اوراقك بالاضافه الى صور للمحل وبرنت من الجوازات وتقدم على ثلاث تاشيرات وبعد مايسجلون طلبك تنتظر معالي مراقب المكتب ليعطف ويتكرم عليك ويروح للمكتب خلال اسبوع او اسبوعين وبعد مايكشف ويقتنع سموه ترجع لهم وتسدد 6000 ريال وتاخ> التاشيرات والله يوفقك


خل معك شنطة صغيره اثناء زياراتك لهالمواقع وتحتوي عالاوراق التاليه:
1- ختم الموسسة
2- صور للسجل التجاري
3- صور للغرفه التجارية
4- صور للتامينات
5- صور لرخصه البلديه
6- صور للهوية


وكل التوفيق لك ان شاء الله والتعب منسي بامر الله [/align]

طيب اخوي منصور
اخوي الكبير برضه ابغى اطلع عليه عماله عنده سجل بدون عمالة بس هو بالقطاع الخاص وهو مسجل بالتامينات من العمل حقه اقدر اخليه يطلع عماله يعني ما اواجه مشكله مع التامينات لاني باخذهم برضه زيادة خير

الله يوفقك يارب