اعرف فاعل خير + محتار وابي مشورتكم

Hard Man · #1 (**permalink**) 21-06-2012, 09:05 AM

السلام عليكم ورحمة الله وبركاته

اسعد الله اوقاتكم بكل خير

اخواني واخواتي الاعزاء زي ماهو واضح بالعنوان محتار وابي مشورتكم .

اعرف شخص من الجماعة غني الله منعم عليه ..
يحب فعل الخير وماشاء الله ساعد ناس كثير ..
لكن الله يهديه له ناس معينين بمعنى يحب يساعد ناس وناس لا .
افتكر مرة شخص يبغى منه سلف 500 ريال جلس يماطل فيه تقريب اسبوع وشكلوه مااعطااه

المهم ياخوان فكرت اروح له واكلمه يشتري لي سيارة ع اقساط اسددها له ع حسب اتفاقنا طبعا
داري وجازم انه ماراح يقبل لانه يقول انا احب اعطي لله
انا مابي سلفه منه عندي الحمدلله حويفز لكن ابيه يساعدني بعد الله ..
اللي غابني هالسيارة اكلتني اكل اقسم بالله تقال مقبرة ماترد ميت

وياليتها تخرب خرابات بسيطة لا خرابات تقصم الظهر
واللي جرب معانات السيارات اكيد يعرف حجم المعاناة اللي انا امر فيها .
تدرون العاطل حظه اردى منه الا اذا ربي مهيئ له ناس يساعدونه سواء اهله او قرايبه او اصحابه ..الخ

المشكلة ياريتها هم السيارة بس كان تنبلع
لكن المشكله ماعندك شي تبي تتوظف مؤهلاتك ماتساعدك في الحصول ع وظيفه
تبي تتزوج ماعندك وظيفة
تدور احد يساعدك والله ماعندك احد اذا ضرك مانفعك

المهم ياخوان لا اطيل عليكم اش رايكم اكلمه وامري لله ولا لا
واسف ع الاطااااله

الطيب طبعي · #2 (**permalink**) 21-06-2012, 01:07 PM

اذا كنت تقول ان فيه واحد طلبه 500 وماطل فيه كيف تتوقع انه راح يساعدك بالسيارة ؟!

الله ييسر لك أمورك

Hard Man · #3 (**permalink**) 21-06-2012, 03:31 PM

اقتباس:

المشاركة الأصلية كتبت بواسطة الطيب طبعي

اذا كنت تقول ان فيه واحد طلبه 500 وماطل فيه كيف تتوقع انه راح يساعدك بالسيارة ؟!

الله ييسر لك أمورك

اللهم آمييييين واياك يالغلا ..
والله وانا اخوك الناس مادري اش صار فيها لو انه قريب لك تحب تساعد ناس وناس لا
واللي يده بالماء البارد مو زي اللي يده بالماء الحار
وهو ماشاء الله ربي منعم عليه ع حسب ماسمعت من احد الاشخاص اللي يشتغل عنده
يقول دخله باليوم بحدود 100 الف رياااااال ماشاء الله الله يزيده من فضله ..!
اعرف شخص يشتغل عنده يقول اذا كلمته مايردك ابحاول اقنع نفسي
مع قرب شهر رمضان المبارك ..
وابشوف لعل وعسى

الحربي حمد · #4 (**permalink**) 21-06-2012, 05:31 PM

والله يااخوي اول شي الله يوفقك وييسر امرك
يااخوي والله المشكلة ان طلبت ورفض وش راح يكون شعورك لاسمح الله
اهم شي الكرامة يالغالي
اطلب الله سبحانه وماراح يخيب ضنك
ثانيا ابطلب منك طلب لو سمحت حاول بقدر الامكان تروح للمدينة الصناعية ان كانك بالرياض وان شاء الله تلقى وظيفة تمشي امورك فيها لين الله يوفقك باافضل منها
الله يستر عليك ويسهل امورك

Hard Man · #5 (**permalink**) 22-06-2012, 02:32 AM

اقتباس:

المشاركة الأصلية كتبت بواسطة الحربي حمد

والله يااخوي اول شي الله يوفقك وييسر امرك
يااخوي والله المشكلة ان طلبت ورفض وش راح يكون شعورك لاسمح الله
اهم شي الكرامة يالغالي
اطلب الله سبحانه وماراح يخيب ضنك
ثانيا ابطلب منك طلب لو سمحت حاول بقدر الامكان تروح للمدينة الصناعية ان كانك بالرياض وان شاء الله تلقى وظيفة تمشي امورك فيها لين الله يوفقك باافضل منها
الله يستر عليك ويسهل امورك

اللهم امييييين واياك يالغلا ..

صادق وانا اخوك اهم شي الكرامه لانها اغلى من الذهب والفضة
لكن طريقتي ماراح اروح له بنفسي او ارسله احد
ارسله مسج اشرح له فيه وضعي اذا وافق جزاه الله كل خير واذا ماوافق الحمدلله الدنيا ماوقفت عليه
وياكثر الناس اللي تحب فعل الخير ..
وصدقني وانا اخوك واثق ان ربي راح يعوضني سواء انا او غيري لكن يجب ع الواحد بذل الاسباب
وياما ناس احوالهم اسواء مني بكثير وربي هيئ لهم اهل الخير وتبدلت احوالهم الى الافضل

وبالنسبة لطلبك الثاني للاسف انا من المدينة ولا كان اخذت بنصيحتك ...

عموما الف شكر ع مرورك العطر

رومأنسي عاطل · #6 (**permalink**) 22-06-2012, 03:23 AM

نصيحه تصوونك طول عمرك لاتطلب بشر!

الحربي حمد · #7 (**permalink**) 22-06-2012, 04:09 AM

اخوي المجروح ارسلي رساله ع الخاص

Hard Man · #8 (**permalink**) 22-06-2012, 06:44 PM

اقتباس:

المشاركة الأصلية كتبت بواسطة رومأنسي عاطل

نصيحه تصوونك طول عمرك لاتطلب بشر!

صادق وانا اخوك والحاجة لغير الله مذلة
حياك اخوي نورت

اقتباس:

المشاركة الأصلية كتبت بواسطة الحربي حمد

اخوي المجروح ارسلي رساله ع الخاص

تم الرد ع رسالتك اخوي
وحياك نورت

السمو الكلي · #9 (**permalink**) 23-06-2012, 08:19 PM

نسال الله التوفيق والسداد

Hard Man · #10 (**permalink**) 24-06-2012, 03:57 PM

اخواني اولا الله لايسامح من خلى الشعب بهذي الحالة ..
ثانيا انا لو لاقي وظيفة يمديني من زمااان ماخذ سيارة ومرتااااح ومتزوج كمان وساتر حالي
لكن اللي يقهرك لما تشوف اللي معاااك زملاء الدراسة متوظفين ومتزوجين وبخير ونعمه
وانت حالتك من اسواء الى اسواء ..
كل الوظايف اللي تعرض علي رواتبها ضعيفه او خارج المدينة
وانا ظروفي ماتسمح اسافر برا المدينة

اخواني الله يجزاكم بالجنة من يعرف فاعل خير يدلني عليه
والله حراااااام حياتي ضاعت في العطالة
وبعدين انا ماعندي عوامل تساعدني ولاحتى مؤهلي يساعدني بالحصول ع وظيفة
مع العلم انه مؤهلي ثانوية عااااامه

اعرف فاعل خير + محتار وابي مشورتكم

الفقر هموم ومشاكل

السلام عليكم ورحمة الله وبركاته اسعد الله اوقاتكم بكل خير اخواني واخواتي الاعزاء زي ماهو واضح بالعنوان محتار وابي مشورتكم . اعرف شخص من الجماعة غني...

اعرف فاعل خير + محتار وابي مشورتكم

تسجيل الدخول

اعرف فاعل خير + محتار وابي مشورتكم

الفقر هموم ومشاكل

السلام عليكم ورحمة الله وبركاته اسعد الله اوقاتكم بكل خير اخواني واخواتي الاعزاء زي ماهو واضح بالعنوان محتار وابي مشورتكم . اعرف شخص من الجماعة غني...

اعرف فاعل خير + محتار وابي مشورتكم