هذه القصيدة للشاعر : محمد القثامي نشرت في جريدة اليوم بتاريخ 27 - 3 - 1429هـ يو الجمعه


[POEM="font="Arial,5,white,bold,normal" bkcolor="transparent" bkimage="./images/backgrounds/3.gif" border="inset,3,silver" type=0 line=0 align=center use=sp num="0,black""]
يجي للشعر ثوره وإنفعاله=ليا شاف الخطا في كل حاله
وأنا والنفس في خذها وذقها=على عِرُف وبراهين ودلاله
ودايم نتفق في شي واحد=كلام الصدق مانرضى بداله
ومن مبدا الصراحة والحقيقه=وفكر منشغل فالوقت باله
يقولون الجرائم وش سببها=فقر والاّ سببها فالبطاله
وأنا أقول الجرائم كلبوها=سببها من تحت راس العماله
علينا يمّموا من كل ديره=وفيهم من علينا الحقد شاله
يجينا ضيف ونكرمه حتى=يباغتنا بغدره وإحتياله
ولأنا شعب طيب ما ندقق=نحب الشخص من شكل إعتداله
ومن هالباب راع المكر جانا=وسوى اللي على باله طراله
أمام الناس يظهر في برائه=ولكن فالخفا يفتل حباله
يفكر كيف يسرق جيب عمه=ويلهف مكسبه مع راس ماله
وعمه عنه لا منـّك سألته=يقول ضعيّف مالك وماله
وهو بالضعف ينهش في جسدنا=ويضمر شي بالصدر اشتعاله
ومدام إنه على السرقه تجرّا=أكيد إنه يبا يوسع مجاله
ويبدا بس في حاجات أكبر=على شان يتحقق ما سعاله
بلعب قمار ولا بيع مسكر=يمر مجتمعنا من خلاله
أو انه يقتل نفوس برئيه=تعيش بأمان في ظل العداله
أو إنه يحترف تزوير عمله=وأختام وجوازات ووكاله
أو يتاجر بالأعراض الرخيصه=يبيع فلان وفلان اشتراله
أو يروج للأفلام المخله=ويدعو للرذيله والضلاله
جرائم في جرائم في جرائم=وأنا صعب اختصرها في عجاله
لكن لا بد لي من رأي أقوله=بشعر منبعه صدق وجزاله
يقوله كل رجل فيه غيره=على دار ٍ تفيّينا ظلاله
بلدنا ثم بلدنا ثم بلدنا=نحامي عنه والروح تحماله
وعلى شانه نصير يدين وحده=وعز الدار من عزّة رجاله
ولانطلب سوى تطبيق بصمه=على الوافد وتقليص العماله

[/POEM]

__________________
ومن يعمل من الصالحات وهو مؤمن فلا يخاف ظلما ولا هضما

صح لسانك ولسان الشاعر

الله حسبي على المفسدين , وشكرا على النقل الرائع

صح لسان الجميع

صح لسانك ... ولسان الشاعر طال عمرك