هلا والله فيك

همة مواطن

أخوي أنا أعمل محظر خصوم بالمحكمه

وطريقة دوامي أستلم بلاغات وأسلمها لأصحابها

في أي وقت أهم شي قبل الليل

يعني أحيانا أطلع الصبح ساعه وأكمل كل العصر

وأحيانا العكس

يعني فاضي وأنا مشغوول

وسيارتي للأسف ما معي سياره خاصه فيني

معي سيارة العمل ( خصوصي )

أتمنى تفيدني ولك خالص الدعاء

والله يتقبل

السلام عليكم

جرب هذا المشروع وما اقول لك جربة الا وانا مجربة قبلك وبعت منة وطلعت مكسب حلو ووزعت الباقي من البضاعة قبل المغرب 0

وعلى فكرة انا في ذيك الأيام معبي صندوق هايلكس غمارتين الى نص القزازة اللي ورى بضاعة 0

روح سوق الخضرة اللي في العزيزية بعد الفجر مباشرة ويفضل تصلي معاهم الفجر احضر الحراج ولا تزاود ولا شي بس عشان تحضر الفرص

بعد الحراج رح لكبرات الجملة بتحصل انتاج اليوم وامس وقبل امس عندك

الكوسة والبذنجان والفلفل الحال والبارد والجزر

ما يبين عليهن اذا كان لهم يومين من المحصول عرفت

يعني تشتري مما سبق ذكرة انتاج قبل يومين او انتاج امس من اليوم اللي تروح فية تعرف كم سعر السلة ما تتجاوز 3 ريال وانا ماخذها ذيك الأيام بريالين السلة تطلع منها 5 سطول سود تعرفهم اللي يعبون فيهن التمر سعر السطل بيع خمسة ريال كل سلة تبيعها بأ 25 ريال المكسب بين 22 ريال في كل سلة

عندك الخيار سعر السلة ما يتعدى ريالين بس خذ حق امس لانة يذبل بسرعة والزين منة المشدود
وبيع السلة 25 ريال بعد تفرقتها على السطول

والليمون والطماط يتراوح سعر السلة من 4 ريال الى 7 ريال 0

وسعر السلة على حسب ما تشتري الطماط والليمون سعرها متحرك كثير ويرسي على بر لكن مثل ما قلت لك الأسعار لا تاخذ انتاج اليوم اللي تروح فيه خذ حق اللي قبلة

نكمل وقبل الساعة 6 الصبح تروح لبسطات الورقيات تحصل دداسن وصناديقها مليانه ورقيات لا تشتري الا على الساعة 6 الا ربع

لأن الساعة 6 تجيهم البلديه وتضف كل اللي هم يبيعونة

خلني افيدك با الأسعار في هذا الوقت

نعناع - كسبرة - بقدونس - جرجير - سبانخ اسعارها با الهلل يعني

تحصل من اربع ربطات الى ثمان ربطات بريال والتوفيق من الله

با النسبة للملوخية ممكن تحصل لك ثلاث ربطات بريال

والخس تحصل الربطة الكبيرة اللي فيها اربع بـ ريال او ريال ونص


نقول الحين


الكسبرة والبقدونس ... الخ البيع من ريال المكسب بين لا يقل عن 5 ريال من الريال

الملوخية الوحدة بثلاثة وثنتين بخمسة وفية بعد ناس تبيع الوحدة بريالين والثنتين بثلاثة اذا مات السوق ودخل على الفترة المسائية يقلل الأسعار

والبضاعة كلها ما راح تكلفك اكثر من 100 ريال وانا مجرب بهايلكس وانت خصوصي يعني بتعبي شنطة السيارة بـ 50 ريال والتوفيق من الله


اي استفسار انا جاهز واذا تبي فكرة غيرها انا تحت امرك

الله يوفقك اخوي بدر
الشباب ما قصرو عطوك نصائح حلوه

وانا ازيدها وحده مقاربه لفكرة المشرفه / القصيم مشهور بالكليجا

جب من القصيم وبع في الرياض
عندك وحده في الفايزيه في بريده كليجتها مشهوره ( اذا تبي اسمها بجيبه لك )
وعندك وحده في الزلفي يمدحون كليجتها بشكل خطير ( واذا بغيت الأسم بسئلك عنه )

وفيه مصنع في القصيم اسمه مصنع شهد عندهم عدة منتجات كلها بالتمر وحلوه بالمره
وبادية تنتشر في كل المناطق وحتى سعرهم بداء يرتفع من كثرة الطلب
حاول تشري من المصنع وتبيع عند المساجد وبأذن الله بيكون لك دخل اضافي

وفي الأخير / أكثر من الأستغفار ........ لان بالأستغفار تحل البركه ويرزقك الله من حيث لا تحتسب

بدر اولاً من خلال كلامك ان وظيفتك راتبها قليل ومن ذلك استنتجت انها على البند او على ال33 او 32
وبذلك النظام يجيز لك فتح محلات تجارية

توكل على الله اخوي بدر انا من القصيم ومن بريده تحديداً وتوظفت بالرياض فتره وتركت وظيفتي وجالس لي 4 شهور بدون راتب لكني رجعت للقصيم وفتحت لي محل مقاولات
وعطوني 3 عمال