السلام عليكم ورحمة الله وبركاته

لا حول ولا قوة إلا بالله , يا أخوان لو دريت أن الشغلة بتطول كذا كان رفضت الوظيفة من الأساس, أنا مجتاز اختبار القياس للمعلمين يعني لو ما قبلت وظيفة العمل , امديني الأن موظف بوزارة التعليم بالوظائف الإدارية , الله لا يوفقهم دنيا ولا اخره في الوظائف الإدارية الأخيرة توقعت اسمي ينزل بوزارة التعليم لأني مجتاز اختبار القياس , ولكن ما حصلت اسمي اتصلت على واحد بوزارة التعليم قلت له السالفة قال لي أنت الأن مستبعد من وزارة التعليم حتى لو اجتزت اختبار القياس لأن اسمك خلاص بوزارة العمل

يعني وزارة العمل لا هي اللي وظفتنا وريحتنا ولا هي اللي رفضتنا وخلتنا نتوظف باي وزارة ثانية, الله على الظالم


يالله الله يعين كلمت واسطه يحاول يرجعني للشركة اللي فصلت منها بسبب قبولي بمكتب العمل الأقشر

[align=right]هلا بالحبايب, السلام عليكم ورحمة الله وبركاته
بشروا وش صار معاكم؟ عمومًا في كل الحالات أكثروا من الإستغفار
وسجلت دخول لكم وحشة خصوصًا المناضل أبك

لكم دعواتنا بتيسير أموركم [/align]

يعني لو جاء لنا وظيفة افضل من وزارة العمل مانقدر نروح لها ><

بكالوريس اداره .. اللي قالك هالحتسي ماعنده سالفه

انت ماتستبعد نهائيا من الوظاف الا اذا طلع اسمك بالخدمه المدنيه كمرشح نهائي

يعني لما يطلع اسمك حيكون مباشرتك اليوم الثاني

واعطيك مثال .. اللي هو انا لازلت بجداره ولازلت بإحدى المسابقات وعملت فيها مقابله كمان من قبل كم يوم

والامور طيبه وانا اخوك

لاتكدر ولاتزعل .. انت موظف بالعمل بس انتظر رد الخدمه المدنيه وانتبه لجوالك يكون عام ع طول



طارق باشا .. يامرحبا والله

المهلي مايولي ^_^

ابشرك الامور طيبه ,انت بشر وشصار معك

خبري فيك تبي تكمل دراسات

ياخي صرت اشوفك وابتسم غصب

الله يسعدك ويسعد قلبك باللي تتمناه

والله يوفقك ويرزقك

تقديري

أخوي دلوني على وظيفة اللي ما تعرفه أن تخصص إدارة أعمال له مجال معلم بوزارة التعليم لأن الثانويات المطورة الأن عندها مناهج مواد إدارية ولكن يعينوك معلم على مستوى رابع لأنه ما معك ترم تربوي,واحد من الشباب نفس تخصصي ادارة اعمال واقل مني معدل تعين مدرس الأن بالدمام والسبب بتأخري أنا لأني ما اختبرت قياس معلمين الا السنة ذي, ولك الأحقية أيضاً بالوظائف الإدارية التعليمية , ولكن سواء معلم أو اداري بوزارة التعليم لازم تكون مجتاز اختبار القياس للمعلمين, هذا الكلام بالنسبة للشباب البنات ما ادري


أخوي أبك بيض الله وجهك ريحتني والله يجيب الخير, من جد طولوا وزارة العمل ما صارت وظيفة

الله يطمن قلبك اخوي ابك مثل ماطمنت قلوبنا ~