ابتداء منالسنة الجاية ادخل انتساب في جامعة الامام كم رسوم الانتساب ظش رايكم فالنتساب

حياك الله يالشيخ ..

أجل بتصير زميلي في الجامعه << تهورت الأخت
قصدي زميل الدراسه في جامعة الإمام << ترقع

الله يوفقك و قرار جيد أثبت عليه وشد العزم وتوكل و السنين تمرش ما تحس به أبد ..

أنا في جامعة الإمام بنظام التعليم عن بعد تخصص إدارة أعمال أنتقلت إلى مستوى خامس و الله يسهل ..

في جامعة الإمام نظام يختلف عن بقية الجامعات اللي هو معك من كل مستوى حفظ جزء واحد من القرآن تتخرج بحول الله وأنت حافظ 8 أجزاء من يحصل له ..

الشي الثاني فيه دورة تأهيليه وهي ترم تدرس 8 مواد وإذا نجحت تختار التخصص اللي تبيه وأبشرك نزلوا خبريه حلوه بالموقع فتحوا تخصصات جديده من الأنقلش و الإعلام و حاسب آلي و الإعتماد باقي عليه ..
عندك بعد تخصص إدارة أعمال أقتصاد و لغة عربية وشريعه ..

رسوم الدورة التأهيلية 3000 ريال و رسوم التخصص كل ترم 2500 ريال ..
الحلو أنه اللي مسجل بالضمان يسقط عنه الرسوم و حاطين الشروط في الموقع ..

تابع الموقع حق عمادة التعليم عن بعد راح ينزلونه أعتقد في رمضان لأن حالياً مشغولين بالترم الصيفي << غثت العالم بهالترم الصيفي

الشي الأخير بعد نجاحك من الدورة التأهيليه راح ينزل جدول بيبن متى ترسل شهاداتك حق الثانوي للبريد الممتاز و أوراق تطبع من نفس الموقع ..

أي شي تبي تستفسر عنه أبشر وموفق ..

انا ملفي عندهم كنت منتظم وانططعت من الدراسة وناوي ارجع انتساب

ما دام ملفك بالجامعه ما يمديك ترجع لمهم وتدرس إنتظام ؟؟
أحسن لك من جهتين تمشي لك مكافأه و الشي الثاني مسمى الشهادة منتظم ..

تقدر تحول إنتساب لكن للمعلومية إنتساب اتقليدي ألغوه نهائي ما فيه إلا الإنتساب المطور اللي برسوم وهو التعليم عن بعد ..

شايف أن الإنتساب المطور مناسب لك أستفسر من عمادة القبول و التسجيل شؤون الطلاب عندكم و قل لهم أبحول لعمادة التعليم عن بعد و هم راح يوجهونك وش تسوي ..

طيب أنت درست كم مستوى ؟؟
عشان لو مشيت لمستوى أعلى قهر ينزلونك لأقل شي على الأقل يسوون لك معادلة بالمواد تمشي أمورك ..

و إذا ما كملت دراسه أبد أسحب ملفك من الجامعه وعادي سجل بالدورة التأهيليه و إذا نجحت أرسل ملفك اللي معك و الجدول راح ينزل في رمضان بحول الله تابع الموقع ,,

بالتوفيق ..

مشكورة انا ابسجل انتساب مطور لو بفلوس دامني عايش اكمل دراستي