05-07-2012, 08:22 AM
|
عضو ماسي
|
|
تاريخ التسجيل: May 2008
المشاركات: 1,523
معدل تقييم المستوى: 1138773
|
|
اقتباس:
يستاجروا محل بااسمي ويفتحوا مطبخ ونتساعد فيه ومستعدين يدفعوا نص الايجار هم على ان ادفع انا النص الثاني بعد ستة اشهر من مكسبي من المطبخ ونتساعد بلطبخ يعني اطبخ من بيتي وارسل للمحل ويطبخوا هم اكلات يعرفوها
|
هم عليهم يستأجرون محل بإسمك وبفلوسهم
وهم يعملون المطبخ ويدفعون الايجار لمدة ستة اشهر
يعني عليهم المال
وانتي عليك الطبخ + العمل بإسمك وهويتك
هم يطبخوا اللي يعرفوه بس ؟ قالولك وش هو ولا ماوضحوا هالشيء لان المحل بإسمك لازم تكوني على درايه بكل شي
شوفي الشراكة اللي ماتتسجل بورق رسمي ماتعتبر شراكة
هم بيدعمونك ماديا صحيح لكن هل بيتسجل هذا الشي بورق رسمي ؟ بحيث لو صار اي شي يتحاسبون عليه ؟
او بيتخلون عنك ويقولون وقتها انا مافي معلوم انا عامل بس وينكرون انهم اعطوك اي فلوس
اكيد ماتكفلوا بالدفع الا وهم دارسين الوضع وعارفين كيف يرجعون راس مالهم والربح
ومثل ماقالولك هم يطبخون وبيعملون الاكل اللي يعرفونه يعني من ناحية الطبخ مو معتمدين عليك بشكل تام
مااصعبها عليك
لكن اهتمي بالتفاصيل والامور الرسمية ولاتهتمي بالاغراءات وتمهلي باخذ القرار والتفكير
لانهم بهذا الشكل بأي وقت ممكن يغيرون عرضهم واتفاقهم معاك وانتي بتكون عليك الموافقه اجباري
طبخك وعملك احرصي عليه مهما قل وصغر ولاتسلمينه لاحد . ولاتخلين بينك وبين زباينك اي وسيط وتأكدي ان طبخك يوصل لزباينك سليم مثل ماخرج من بيتك يعني من الباب للباب يا عن طريق احد من طرفك او من طرف الزبون
اقترح عليك
خلي احد يروح لمطاعم ومحلات المعجنات والسندويتشات الخ الخ يسألهم اذا محتاجين تتعاقدي معاهم
وخليه ياخذ عينة يذوقها للي عنده رغبة بالعمل معاك
كذا ترتاحين من المسؤليات والمحاسبة خصوصا انه صعب عليك كسيدة متابعة محل بإسمك وعماله او شريكك خصوصا انه عمله بعيد عن عينك
تزيدين دخلك بطريقة تناسب طبيعتك كسيدة وتناسب طبيعة عملك من المنزل
تضمنين حقك لان المحل يعطيك قيمة الطلبات اول بأول
تقدرين تتعاقدين مع اكثر من محل وهذا تقررينه حسب عدد وكمية الطلبات
ويكون عندك فرصة بنفس الوقت انه تستمرين بعملك الاول
وبالتوفيق لك ولهم
|
العرض العادي
