الخطوة الأولى:
حجز الموعد
إحنا جلسنا يومين بعد الإعلان يالله فتح الموقع،
الإعلان يحدد لك الفترة من إلى
قبل ما تفتحين الموقع سجلي عندك بورقة اليوم المناسب لك من التقويم
بعد ما تفتحينه سجلي بهدوء وتأكدي من اليوم والساعة
ترى فيه بنات لخبطوا وحاسوا الدنيا، وراجعوا المنتدى بتشوفون الولولة والبكبكة.
لا تطبعين من موقع تكامل أي ورقة إلا ورقة الموعد، بقية النماذج الموجودة خسارة حبر ما تعترف بها الوزارة.
بعد ما تسجلين موعد بتجيك رسالة جوال تأكيد للموعد وفيها الأوراق المطلوبة، بعض البنات ما جتهم مو مهم، طالما سجلتي الموعد وعندك الورقة خلاص لا تخافين.

قبل المقابلة أنصحك تبحثين عن قطاعات التعليم التابعة للإدارة المرشحة فيها،
وترتبينها على حسب قربها منك، ومسافات القرب والبعد دوريها في قوقل وإسألي أهل البلد عنها
بعد كذا، إطبعيها في ورقة مرتبة ومرقمة ب16 خانة ووديها معك يوم المقابلة.


الخطوة الثانية:
يوم المقابلة
روحي مع بداية دوامهم سواء كان صباحا أو مساء
بغض النظر عن موعدك المحجوز
وودي معك قلم أزرق جاف، السائل ممنوع عندهم
الأوراق المطلوبة هي التالي
أصل الوثيقة + 3 صور. (وما يحتاج تكون مختومة من الجامعة، لأن الوزارة بتطابقها وتختمها لك بنفسها).
أصل بطاقتك الأحوال + 3 صور مغطى فيها وجهك بورقة صغيرة.
إذا ما عندك أحوال، جيبي بطاقة العائلة
أصل خبراتك ودوراتك + 3 صور
ما يحتاج لا سجل أكاديمي ولا ورقة الديوان حقت المطابقة، أنا وديتهم معي ولا طلبوهم.
ملف أخضر علاقي واحد، بعض الإدارات يطلبون ملف بلاستيكي. على حسب ما يجيك برسالة تأكيد حجز الموعد.
يوم المقابلة بتمرين على ثلاث غرف:
الغرفة الأولى
تعبين في 5 أوراق، نموذج توظيف، وقائمة الرغبات 16 رغبة، وتعهدات وغيرها.
هنا طلعي ورقتك اللي عبيتها حقت الرغبات وانقليها لنموذج القطاعات بهدوء دون تعرض لنسيان أو خطأ بحول الله وقوته. وعبي بياناتك بهدوء وببطء، وراجعيها بعد الإنتهاء للتأكد من كل شيء.
الغرفة الثانية
مطابقة أوراقك وختمها
الغرفة الثالثة
مكان المقابلة، وفيها بتلقين طاولة قاعدة عليها الموجهة اللي بتسوي معك المقابلة.

المقابلة
يا بنات لا ترتعبون من المقابلة
تراها تعتمد على ثقتك بنفسك بالدرجة الأولى
ابتسموا أول ما تدخلون للمكان،
وإذا دخلتوا غرفة المقابلة قولوا بصوت مسموع (السلام عليكم) مع توزيع نظركم على كل من في الغرفة،
لأن السلام من أسماء الله، وإفشاء السلام ينشر المودة.
الأسئلة اللي بتتكرر لكل التخصصات هي التالي
ماهي طرق وإستراتيجيات التدريس الحديثة؟ اللي هي (التعليم التعاوني والقبعات الست ولعب الأدوار وغيرها).
ماهو الحدث الهام هذه الأيام وما موقفك منه؟ طبعا الحدث كلنا قلنا سورية وموقفنا ندعي لهم ونتبرع لهم بالمال.
بيسألون عن موقف تربوي، إذا عندك طالبة مشاكسة وش تسوين معها؟ أو إذا طالبة جاوبت بدون ما تقومينها وش تسوين؟
بعد كذا بيسألونك أسئلة عن تخصصك، وللأمانة أنا ما سألوني لأن المقابلة كلها كانت باللغة الإنجليزية فما سألتني عن قرامر ولا غيره، ويقولون فيه مرشحة تخصص دين سألوها عن منهج أهل السنة والجماعة في أسماء الله وصفاته ولا عرفت تجاوب.
إذا ما عرفتي الإجابة لا ترتبكين، ابتسمي بثقة وقولي اسمحي لي حاليا ما أقدر أتذكر، وإنك بعد المقابلة بتراجعين معلوماتك السابقة، وتتطلعين على أحدث طرق التدريس.
إستمارة المقابلة مكونة من خمسة أقسام،مركزة بشكل كبير على السمات الشخصية، وحدة من الأخوات حاطتها في المواضيع المثبتة.
أهم شي لا يبان إرتباككم.
بعد المقابلة بتروحون للغرفة الرابعة وفيها بتعطيكم الموظفة ورقة تحويل الراتب على البنك اللي تبينه، وورقة الفحص الطبي.
في الشرقية محددين جهتين فقط للفحص، مركز اللياقة بالدمام، ومركز صحي العقربية بالخبر.
مع إني من سكان الدمام، نصحتني الموظفة بمركز الخبر لأنه يطلع النتائج أسرع.
والله يجزاها خير عني، بالفعل كان أسرع وأرتب وأنظف من مركز الدمام
بس أكرر قولوا لها تحط لكم التاريخ جنب توقيعها، لأنهم بغوا يرجعوننا لولا الله ثم الطبيبة اللي هناك قدرت تقنع المدير يمشي الأمور.

الخطوة الثالثة
الفحص الطبي
ودي معاك أصل بطاقة الأحوال وصورة واحدة، وخطاب الفحص مع صورة واحدة منه.
وصلت هناك الساعة سبعة وربع، وهم يبدأون ثمان إلا ربع، ومن رحمة ربي إني بعد ما جيت عطوني رقم 3 وخلال ربع ساعة جت جنبي وحدة رقمها 12، يعني روحو بدري تخلصون بدري.
طبعا ما تأكلين شي بس ضروري تشربين موية كثيرة، لأنهم بيطلبون منك علبتين بول، علبة صغيرة لفحص المخدرات ولازم تعبين ثلاث أرباعها، وعلبة كبيرة لفحص السكر عادي لو تعبين ربعها.
وهناك يبيعون قوارير موية للي تعسر معها مسألة البول، وحدة عبت قارورة وما قدرت تعبي الثانية،قالوا لها روحي اشربي موية وانتظري، وأنا نفس الشي، بس ما إنتظرت طلعت للمبنى المقابل أسوي أشعة صدر، قلت أستغل الوقت، لأنهم قبلها خذوا مني دم، وبالفعل خلصت يومها أول وحدة ولله الحمد.
قالوا راجعونا بعد أسبوعين، بس أنا راجعتهم يوم الأربعاء من الأسبوع اللي بعده، ولقيتها جاهزة.

الخطوة الرابعة
ورقة البنك
بعد كم يوم من الفحص رحت البنك وعبوا لي ورقة الراتب وختموها، الكل نصحني أبعد عن الراجحي، وبالفعل ما رحت له.

الخطوة الخامسة
إستلام الفحص
صباح الأربعاء من الأسبوع التالي رحت أستلم ورقة الفحص، مع إنه ضاعت مني ورقة الموعد اللي عطوني إياها، بس ما سألوا عنها، بس طلبوا بطاقة أحوالي، وصوروها وعطوني نتيجة الفحص.

الخطوة السادسة
تسليم الأوراق
رحت في نفس اليوم إستلام الفحص، وسلمته مع ورقة الراتب لإدارة التعليم اللي بعد المدرسة من جهة اليسار. ووقعت على كشفين للأسماء.
وحملت وكملت وفي أصيبع الصغير دملت
وللي مافهمها بالنجدي، معناها بالمصري
وتوتة توتة، خلصت الحدوتة
ومبروك لمصر رئيسها المنتخب محمد مرسي، الله يولي عليهم خيارهم
وسلامتكم
بالتوفيق للجميع

فتاة الشرقيه الله يجزيك كل خير ويكتب لك بكل حرف كتبتنه تفرج هم و اجر

طيب اكيد مولزم صوره للوثيقه طبق الاصل لان ماعندي او ممكن صوره وحده مختومه بس وكنت بروح الكليه على الاربعاء عشان اختمها

طيب انا عندي حساب في البنك لزم ارجع فرع البنك او انا اعبها بنفسي

ومره ثانيه الله يعطيك العافيه وخاصه على التنبيه التاريخ و المركز اللياقه

باذان لله بكره ابشركم بترشيحي

الله يوفقنا جميعا

الله يوفقك ياختي دنيا واخر ويسر امرك

فتاة الشرقيه ربي ييييسسعدك
انا برضه تخصصي انجلش
اهداف تدريس الابتدائي متوسط ثنوي يهتمون بها طوووووويله كل مرحله عدة نقاط
لآني ماحفظت الا الاهداف بشكل عام


زين جاوبتي عن السجل الاكاديمي لاني شايله همه اشوا انهم الغوه