أخواني انا في تاريخ 16 يونو أمتحنت أمتحان لغة أنجليزية في مستشفى الحرس الوطني بالأحساء

والنتيجة 80% ولله الحمد أبغى أعرف هل هم راح يتصلون علي ؟؟؟ وكيف أجرائات التوظيف؟؟؟

لأني كل يوم أدق عليهم يقولون بس نحصل مكان شاغر بنتصل

والله أني زهقت علما بأني حامل شهادة ثانوي وعمري 26 سنة

أفيدوني الله يرضى عليكم

تحياتي

الله يكون بعونك ياخوي مالك الا الدعاء والانتظار [align=center][/align]

يعني تقريبا مرت عشرة أيام؟ اصبر وفي نفس الوقت قدم أو اشتغل بيع خضار مؤقت .. الله يرزقك عاجلا غير اجل.

ولا توظفت لاتنسى تطور من نفسك ومهاراتك ..

أخوي لا تنتظرهم نصيحة

والله صديقتي كلموها بعد 6 شهور!

يعني على حسب الشواغر بالضبط مالهم وقت محدد

أنا شفت موضوعك الأول وما أنصحك بموضوع الكاشير
لا تبقي مكان ماتقدم عليه بحيث إنك تستخدم "مهارتك في اللغة في الوظيفة

بالتوفيق

هلا اخوي

لاتحتار ولاشئ. وماشاء الله عليك درجتك ممتازة.

الحرس من افضل المستشفيات وأحلى مافية أنة يعتمد على شطارة وكفائة الشخص مو فيتامين واو

نصيحتي قدم على مستشفيات ثانية او اي مكان يكون اللغة من الأساسيات عندهم ونفس الوقت

الحرس انشبلهم وكل ماخذت حوالي الاسبوع دق عليهم واسأل شوؤن التوظيف. فيه بعض الناس مشت

معهم الطريقة

ولايوقف ارسل سي في بكل مكان. والخيرة فيما اختارة الله

الاخ حصقلة دامك متوووواصل معااااااااااااااهم راح يتواصلون معاك في حان وجود شواغر .....

والحرس والوطني محتاج منك صبر وطولة بال لانهم راااااااعين طويلة .............

اخوي عمل مقابلة وبعد 6 شهور دقو عليه عشان يوقع العقد !!

عليك بالصبر والدعاء والصلاة في وقتها معه الجماعة ورضى الوالدين والاستغفار وصلة الرحم وقراءة القرآن ( سورة البقره ) والنفقه لو بعشرة ريالات تشتري فيها صابون مسجد ولا اي حاجه او بالمكانتب الاسلامية ..

هذا امور راح تجلب الرزق وهي تطبيق للسنه ...

وثق تماما بما انك جبت درجة 80 % هم راح يحطوك في مكان كويس بناء على درجتك بمعنى اصح راح يحطونك في مكان حسب الدرجه الي ماخذه عشان يستفيد منك ومن لغتك القوية ...

80% ماراح يحطونك مقلم اشجار ولا تبع النجاره راح يحطوك في الشاغر المناسب والمكان المناسب ...

الله يوفقنا جميعا انا عملت مقابلة و انتظر منهم اتصال ....دعواتك لنا بالتوفيق ..

........................................

طبعا حاليا خلك متواصل معاهم وبرضووو قدم يمين ويسار على اماكن كويييييييسة ...

...............

اجراءات التوووظيف

1- اختبار مبدئي

2- اختبار 100 سؤال .

3- مقابلة مبدئية ...

4- عمل مقابلة نهائية معه رئيس القسم للوظيفة المرشح لهاا ..

5- التواصل معك للكشف الطبي .

6- توقيع العقد.

7- مباشرة العمل بعد دورة تعريفية لنظام العمل للمستشفى ووظيفتك ومهامها ..

هذه الاجراءات تاخذ وقت بكل امانه الا اذا ربي مسهلها وميسرها عليك ..تكون الفترات متقاربة ...

........ اتمنى انا افدتك ...

بكرة عندي المقابلة المبدئية دعواااااااااااااااااااتكم

اروكم أحد يعطيني أسئلة المقابلة أبغى أتدرب عليها

هلا اخوي

المقابلة راح تكون بالانجليزي وانت ماشاء الله عليك شاطر. أسئلة تقدر تجاوبها لانها حسب معلوماتي بسيطة

ليش خايف. ومحتاس. واذا قلت لك انهم بإذن الله العزيز القدير انهم راح يقبلونك. وش تعطيني

توكل على الله. بعدين تفاءل لان الرسول الكريم كان يحب الفال

وبأذن الله موووووووفق.