السسلام عليكم .. آخواني انا مسجل طلب في الحرس الملكي من سنة تقريبـآ .. بالضبط من شهر 7 اللي فات 1432 << وقت التخرج

وصـآر مـآصـآر وآنسسرق جوآلي مع الشريحة .. وتكـآسلت ماطلعت بدل فاقد وراح علي الرقم .. << طبعا اخذه هندي ولا يفهم عربي

المشكلة مو هنـآ .. المشكلة اني كـآتب رقم الجوال في الطلب ورحت ابي اعدل الرقم للجديد وبعض البيانات في الطلب آلآ مـآيمدي نهـآئيا .. الموقع تحت التطوير له 9 شهور <<

و اللي مقدمين معاي انقبلوا وخلصوا الدورة الاسبوع اللي فات جـآتهم رسائل ع الجوال بس وهم قالوا بنرسل ع الجوال و البريد !! قلت كويس انتظر رسالتهم ع البريدد بس ماجاء شي .. وآنآ خايف انهم ارسسلوا ع الجوال وشافها الهندي ومسحها ..

اللي ابي اوصل له .. ككيف آحدث بياناتي .. راسلتهم 10 مرات ع البريد رافضين يردون ..

ووش السسواهه ي رجـآل ..!؟

تككككفون ..

بالنسبه للرسايل ماتجي على البريد انا ارسلوا لي مرتين وكلها جات على الجوال البريد ماجاني شئ عليه

انت حاول تسترجع رقمك كلم اللي اخذه وحاول

وراسل الحرس الملكي عن طريق البريد اكثر من مره

انت من وين راجع اللجنة واراح يقصرون معاك راجع مركز الجنيد بجدة لان اللجنة هناك او انتظر الاسبوع الجاي
بيروحون الرياض موفق

وين اللجنة بالضبط ..؟؟ يعني فين موقعها في جدة

السلام عليكم

يالغالي يوجد في كل مناطق المملكه مركز للحرس الملكي فيه قسم للتجنيد يعدل طلبات المتقدمين للتجنيد روح اقرب مركز لك و قل لهم ابي اعدل بياناتي او احدث بياناتي و كلها 5 دقايق و يعدل كل اللي تبيه
و بسرعه بعد

اللجنه اللي يقول عنها اخوي عاشم اللي هي حقت القبول و التسجيل يعني حقت المقابله الشخصيه اللجنه حالياً في جده و جايه للرياض يعني الفرز القادم لاهل الرياض اذا انت من اهل الرياض انقز لهم بسرعه و حدث بياناتك عشان الفرز القادم يكون من نصيبك و اذا انت من اهل جده ترى اللجنه على وشك ينتهي فرزهم و صاروا يستقبلون ملفات المتقدمين اللي عبوا ملفاتهم الخاصه في الحرس الملكي و ينتظرون اللي سلموا الدفتر اتصال الحرس فيهم عشان يدخلون الدوره القادمه



موفق يالغالي

انا من جدةة .. لكن شكلي بنقز للرياض واعدلها هناك عشان يكون الفرز القادم فيه نصيب باذن الله .. شكرا لكم

لا لا يالغالي ما يحتاج ذا كله


انت رح لمركزهم عندكم في جده و قله ابيك تعدل بياناتي و بحيث ان الفرز القادم يصير من نصيبي يعني اختر المدينه حقتك الجديده الرياض عرفت بحيث انك تكون في جده معدل البيانات في جده ما يحتاج تطق مشوار

و اهم اذا جت اللجنه راح يرسلون للي حاط مكانه الرياض و انت تصير حاط مكانك الرياض و تجيك الرساله عرفت وشلون تلعب عليهم هههههههههههههههههههه


موفق خير يالغالي و انت لو تقول للي راح يعدل بياناتك و تشرح له ظروفك وانك مستعجل على القبول المبدئي حتى لو في الرياض و شوف امكانياتك تسمح ان لو جاك القبول المبدئي في الرياض تروح لهم ما عندك مشاكل و اذا جيت للرياض كمل اجراءاتك هناك و خلصها اخذها من مجرب انا جاني القبول المبدئي في جده و لما قالوا تبي تكمل اجراءات الكشف الطبي و اللياقه في جده ولا في الرياض قلت لا ابي الرياض لاني من اهل الرياض قالوا خلاص انتظر روح للرياض و اذا جينا للرياض راح نطلبك و لما اللحين انتظرهم يرجعون من جده

بينما الاخوان اللي من اهل جده خلصوا المقابله الشخصيه و الكشف الطبي و اللياقه و اخذوا الدفاتر و سلموها لهم وانا لما اللحين انتظر اهم شي اذا جاك القبول المبدئي كمل اجراءاتك في المدينه نفسها اللي جاك فيها القبول المبدئي



ربي يسهل عليك ان شاء الله كل ما استصعب