17-04-2008, 05:02 AM
|
عضو متواصل
|
|
تاريخ التسجيل: Sep 2007
المشاركات: 41
معدل تقييم المستوى: 35
|
|
والله ماأدري عن رواتبهم
بس أنا قدمت على وظيفه سكرتيره وقالولي الراتب 2000ريال
أما الوظائف الثانيه صعب إني أسأل عن رواتبها
عندكم الأرقام ممكن تتصلوا وتستفسروا
موقع المعهد خلف المرور في حي السلامه ((أم الجود))
والمعهد تلاقونه في خط التهريب ....
مافي أحد في مكه مايعرف خط التهريب اللي وراء إداره المرور
اللي يودي على العمره
بصراحه أخواتي
عندهم شروط شويه ماهي حلوه بس على قولهم المضطر يركب الصعب
غير الشهادات واصولها للمطابقه لازم يكون عندك بطاقه أحوال
وتصديق من العمده والشرطه ومعروض وموافقه ولي أمرك مصدقه كمان من العمده
و8صور شخصيه وكشف طبي وتدفعين رسوم 1000 ريال بعد إجتياز المقابله الشخصيه
وبعدها توقعين العقد معاهم سنتين وإذا تركتيهم قبل السنتين ماعليك شرط جزائي
بس لازم تخبرينهم بوقت كافي علشان يلاقوا وحده مكانك
ودوامهم دوامين / من 7 صباحاً إلى 1 ظهراً
ومن 4 عصراً إلى 10 مساءً
والرواتب للمعلمات ماأدري بصراحه بس كانت في وحده مقدمه على معلمه لغه إنجليزيه
وإجتازت المقابله وقالولها كملي الشروط والملف وتعالي نوقع العقد
وسمعت إنه بالساعات والساعه ب30 ريال وعلى عدد الفصول وإقبال الطالبات يتحدد الراتب
أما معلمات الحاسب وإداره أعمال والإقتصاد ماأدري عن رواتبهم
ممكن تتصلوا وتسألوا وراح تقولكم الموظفه على كل شئ
موعد إنتهاء التقديم ماأدري والله بس ليش التأخير
الواحده تستخير وتتوكل على الله
بس الدراسه راح تبدأ بعد إجازه المدارس
يعني بعد نهايه الترم الثاني( الفصل الدراسي الثاني)
والمقابله كانت عاديه جداً بالنسبه ليه
ولا إعتبرتها مقابله لأنهم ماسألوني شئ
كل اللي سألوني إيش مؤهلاتك؟
وقبل كذا إشتغلتي ولا لأ؟
وفين؟ وليش تركتي العمل السابق؟
وسألتني إنتي عارفه الوظيفه اللي قدمتي عليها إيش طريقه عملها؟
وطبعاً رديت عليها وقالتلي نتصل عليك إنشاء الله علشان تكملي الأوراق
هذا اللي صار معايه بالضبط
أما بخصوص موعد المقابله والله ماأدري
لأنه أنا من زمان وديت أوراقي وقت ماكانوا دوبهم بيفتحوا
يعني تحت التأسيس ولما قرأت عن الخبر إتصلت وسألتهم وقالولي إيوه ملفك عندنا
تعالي شوفي الشروط ولما وافقت عليها قالولي خلاص بكره تعالي نسويلك المقابله
وسويت المقابله ولسه أنتظر ردهم علشان أوقع العقد معاهم
وأرجوا من جميع الأخوات عدم إحراجي
لأني ماأقدر أرسل رسائل خاصه وإذا في أي إستفسار هذا إيميلي
Jonoon_2008@hotmail.com
أتمنى أكون أفدتكم ولو بجزء بسيط
تحياااااااااااااااااااااااااااااااااتي
|
العرض العادي
