اول شيء امسي عليكمو على جميع من يعز عليكم بالخير ..

انا اخوكم سلطان هذا هو الموضوع الاول بهذا المنتدى الجميل ..

يعلم الله اني ما نزلت هذا الموضوع الا لاني شفت تعاون كبير جدا بين الاعضاء و عساه دوم مو يوم ..


الزبده اني بحاول اعطركم با افكار من ذهب و كلام عجب بس يبي لي و احد مفتح شوي ..

يعني ماراح اقول لك عطني بقاله و الا كوفي شوب لاااااا انا طريقتي مختلفه ..

شي مرتب و حلو و بعيد عن العين راح اجيبه لكم هني ..



الفكرة هي ..


1/ ددسن قديم
2/ تلفون

لاحظ معاي ان هذا هو راس مالك يعني صفر ياحبيبي صفر ..


الفكرة انك مثلا تروح لحراج بن قاسم بالرياض طبعا بقيس لكم بالرياض لاني من اهلها ..

و تروح لسوق المعيقليه
سوق المجد
سوق الراجحي
الرياض جاليري
الهرم
كارفور
... الخخخخخ

تروح تنسق مع اي عامل بالمحلات هذي


يعني بفصل عشان ما يصدمني احد و يقول ما فهمت ..


تروح لاي عامل نظافه او عامل كويس بالسوق و تتفق و اياه و تقول له


اجمع لي مخلفات السوق و راح نوزنها سوا و اعطيك حقها ( طبعا لازم يكون معاك ميزان صغير مشان تاخذ الوزن بنفس الوقت و تتفاهمون انت و اياه

ركزوا معي كلما كثر الاتفاق مع العمال كلما زادت فرص الربح عندك

::::::

بعطيكم اسعار السلع بالطن

الكرتون أو الورق نفس الشي قيمة الطن 500 ريال

البلاستيك اللي يجيك مثل اكياس اللحم بين قوسين اللي تقدر تسحبه ( يتمطط ) مثل كيس البقاله

اذا صار شفاف مثل كيس اللحم 2200 ريال
اذا كان الوان مخلطه 1400 ريال

قواطي البيبسي 5000 ريال و تاصل 6000 ريال

المواصير الرصاصيه حقت السباكه بعض الاحيان تجي بيضاء و اغلب الاحيان رصاصيه اذا ماكان عليه سمنت كثير 2000 ريال للطن

علب المويه 1000 ريال للطن

الاكياس اللي تجي شفافه و لا تتمطط اللي اذا اشترينا بلايز او تي شيرت تكون مغلفه فيها قيمة الطن 1600 غالبا ما تحصلها عند الاسواق الكبيره

الاسفنج الطن 3000 ريال و بصراحه مش متاكد مرة من السعر

الحبال 1000 ريال و قد تصل الى 1500 ريال حسب نظافتها


الزبده ان كل شي ينباع خل ذا العامل يضف اللي قدامه و انت وزعهم يوميا

لو معك ددسن وعندك 20 عامل متفق معهم و كل عامل جمع 100 كيلو كراتين طلع لك باليوم الف ريال


الزبده اني تعبت و صدعت و عصبت عليكم هههههههههههه

والله احس اسلوبي بايخ احس اسلوب واحد مزكم و توه جاي من الربع الخالي



بيطلع لي و احد يمشي مليون و يقول وين ابيعها فيه .. انا مستعد اشتريها منك او اوجهك وين تبيعها فيها .......

هههههههههههههههههههههههههه، آوما في الاخير " أحس اسلوبي بايخ " !!
هههههه الله يسعدك يآلآميـّر،،
ولآهنت يابعدي وصرآحه فكره رآئعه
طيب العمال هذولا وين احصلهم يعني تقصد راعين الله يكرمك الزبايل وغيرهم وغيرهم!!

وهل الددسن يتحمل حمولة طن

بتوفيق ...

ما أبي أقول شي بس يا خوك العمال هذولي يتعاملون مع أبناء جلدتهم مع الأسف

حتى في التجميع لكل واحد منهم تخصص

بعضهم يجمع بس الورق
والثاني بلاستيك
والثالث قواطي

ويتجمعون في نهاية اليوم ويوزنون كل شي
وفي نهاية كل شهر يستلمون المقسوم

البدء بهذا المشروع يبي له تعب طبعاً

الله يوفق

شي جميل والله

بتوفيق اخوي

تصدقون في بلدنا .. حتى التراب ينباع ..

خير بلدنا يشوفه الأغراب من شرق الارض لمغربها , وحنا اهل البلد غافلين عن هالخير ومسلمينه لهالاجانب

ومن ناحية بيع الكراتين والقواطي والحديد .. ياما شفت هنود يلقطون قواطي بيبسي وأسيام المعاليق الحديد
وشفتهم يجمعون الكراتين في سوق الخضرة في العزيزية بالرياض ويحملونها على دينه كامله ..
وأسأل نفسي اللحين وش يبون فيها هالهنود .. كراتين والله مقطعه ورايحه فيها تبع الخضره واكياس الخضرة كلها مجمعه في دينه قديمه اظاهر انهم مستاجرينها ب2000 في الشهر ..

واللحين بس تأكدت وعرفت ليه هم يجمعون الزباله من الارض .. لأنهم يتاجرون حتى في زبايل بلدنا ..
وحنا لا نزال نريد وظيفة ..

طيب اخوي .. سؤال وجيه .. يعني لو جمعت هالكراتين والحديد والقواطي .. وين ابيعها ؟
من يشتريها مني ؟ ووين اماكنهم اللي يشترون من السعودي بالخصوص ..؟

ليتك تفيدنا اكثر عشان يكتمل الموضوع وينفعنا


..

أماكن بيع السكراب يشترون كل شئ

قمة الفله الله يوفقك

طيب يالغالي انا منطقة ثانية
بالقصيم وين اوجهها ياليت تدلني
ويعطيك العافية